ၼၢင်းယိင်းတႆး ၺႃးၵၼ်ႉၸၼ်လူလၢႆ တီႈႁွင်ႈၶၢတ်ႈမၼ်းၼၢင်း လႄႈၺႃးၸူၼ်ပႃးငိုၼ်းၶမ်း တီႈၸႄႈဝဵင်းမႄႈသၢႆ ၸိုင်ႈထႆးပွတ်းႁွင်ႇ ။

မိူဝ်ႈဝၼ်းတီႈ 15 /09/2015 သိုဝ်ႇၶၢဝ်ႇထႆးႁၢႆးငၢၼ်းဝႃႈ မီးၼၢင်းယိင်း ၸိုဝ်ႈႁွင်ႉၼၢင်းဢေး (ဢမ်ႇၸႂ်ႈၸိုဝ်ႈတႄႉ) ဢႃယု 20 ပီ ၺႃးၵူၼ်းႁၢႆႉ ၵၼ်ႉၸၼ်လူလၢႆသေ ၸူၼ်ဢဝ်ပႃးငိုၼ်းမၼ်း ၼၢင်းၵႂႃႇတီႈႁွင်ႈၶၢတ်ႈမၼ်းၼၢင်း တီႈဢိူင်ႇဝဵင်းၽၢင်းၶမ်း ၸႄႈဝဵင်းမႄႈသၢႆ ၸႄႈတွၼ်ႈ ၵဵင်းႁၢႆး ၸိုင်ႈထႆးပွတ်းႁွင်ႇ ။


ၼၢင်းဢေး လၢတ်ႈဝႃႈ - “ ၽူႈၸၢႆးၵေႃႉၼၼ်ႉဢႃယုမွၵ်ႈ 30 ၊ မၼ်းၶီႇရူတ်ႉၶိူင်ႈမႃးတီႈၼႃႈႁွင်ႈ ၶႃႈသေ ၽွင်းၼၼ်ႉၶႃႈတိုၵ်ႉႁဵတ်းလွင်ႈမူတ်းသႂ်ယူႇလႄႈ ပိုတ်ႇၽၵ်းတူငၢၵ်ႈဝႆႉ ၊ မၼ်းၶဝ်ႈမႃးၼႂ်း ႁွင်ႈၶႃႈသေဢဝ်မိတ်ႈငႃသႂ်ႇၶႃႈ မၼ်းပိၵ်ႉၽၵ်းတူယဝ်ႉ ဢဝ်ၽႃႈမတ်ႉတိၼ်မတ်ႉမိုဝ်းသေၵေႃႈ ၵၼ်ႉၸၼ်ၶႃႈ ။ ဝၢႆးၼၼ်ႉမၼ်းပၢႆႈၵႂႃႇတၢင်းလႂ်ၵေႃႈဢမ်ႇႁူႉ ”- မၼ်းၼၢင်းသိုပ်ႇလၢတ်ႇ ၼင်ႇၼႆ ။


ဢွင်ႈတီႈၼၼ်ႉ ၸဝ်ႈၼႃႈတီႈပလိၵ်ႈၶဝ် ၵူတ်ႇထတ်းႁၼ် ထူင်ယၢင်ဢၼႃးမႆႊ (ၶႂၼ်ႊတူမ်ႊ) ဢၼ်ၸႂ်ႉ ယဝ်ႉ ဢၼ်ၼိုင်ႈသေတေၵဵပ်းၵႂႃႇ တႃႇပဵၼ်လၵ်းထၢၼ် (သၢၵ်ႈသေႇ) ပိူဝ်ႈလမ်းႁႃၵူၼ်းႁၢႆႉပၼ် တူတ်ႈတၢမ်ႇၸွမ်းၼင်ႇပၵ်းပိူင်မၢႆမီႈၸိုင်ႈမိူင်း ၼႆယဝ်ႉ ။