တင်ႈတႄႇ ဝၼ်းတီႈ 2 – 4 လိူၼ် သႅပ်ႊထႅမ်ႊၿိူဝ်ႊ 2015 သိုဝ်ႇၶၢဝ်ႇ ထႆး ပိုၼ်ၽၢဝ်ႇဝႃႈ - ၸိုင်ႈမိူင်ဢၼ် ယူႇၸွမ်းသၢပ်ႇ မႄႈၼမ်ႉၶွင် မိူၼ်ၼင်ႇ မိူင်း ၵမ်ႊပူဝ်ႊတီႊယိူဝ်ႊ ၊ မိူင်းလၢဝ်း ၊ မိူင်းမၢၼ်ႈ ၊ မိူင်းထႆးလႄႈ မိူင်းဝဵတ်ႊၼၢမ်ႊ ၼၼ်ႉ လႆႈၸတ်းႁဵတ်း ပၢင်ၵုမ် ၵဵဝ်ႇလူၺ်ႈလွင်ႈ ႁႅင်းၵၢၼ် ၊ လႅၵ်ႈလၢႆႈ ၶေႃႈမုလ်းလႄႈ ၵႄႈလိတ်ႈ ပၼ်ႁႃ လွင်ႈၵႃႉၶၢႆ ၵူၼ်း ။

ပၢင်ၵုမ် လူင်ၼႆႉ ၸွမ်ၽွင်းလူင် မိူင်းထႆး ၽူလ်းဢဵၵ်ႇ ပရႃႊယုတ်ႊ ၸၼ်ႊဢူဝ်ႊသျႃႊ လႆႈမႃးပဵၼ် ႁူဝ်ပဝ်ႈ ပိုတ်ႇပၢင်ၵုမ် ။


ယိူင်းဢၢၼ်းလူင် ပၢင်ၵုမ်ၼႆႉ ပိူဝ်ႈႁႂ်ႈ ႁႅင်းၵၢၼ် မီးလွင်ႈ လွတ်ႈၽေး ၊ ႁႂ်ႈႁႅင်းၵၢၼ် မီးလွင်ႈ ၸမ်ၸႂ်ၵၼ် မီးလွင်ႈ ႁူမ်ႈမိုဝ်းၵၼ် လႄႈ ပူၵ်းပွင် ၼမ်ႉၵတ်ႉ ႁႅင်းၵၢၼ် ၸိူဝ်းၼႆႉ ။


ယွၼ်ႉပိူဝ်ႈ 5 ၸိုင်ႈမိူင်းၼႆႉ ပဵၼ်ပိုၼ်ႉတီႈ လႅၼ်လိၼ် လႄႈ မီးႁႅင်းၵၢၼ် ယၢၼ်မိူင်း ၶၢမ်ႈၵႂႃႇမႃးၼမ် ၵမ်ႈၽွင်ႈၵေႃႈ ထုၵ်ႇလွၵ်ႇငိုတ်ႈ တဵၵ်းတဵင် ၊ ၵမ်ႈၽွင်ႈ ၺႃးၺွပ်းၵႂႃႇၶၢႆ ၸဵမ်ၸိူဝ်းၼႆႉ ။ ၵွပ်ႈၼၼ်လႄႈ ၼင်ႇႁိုဝ် ပၼ်ႁႃ လွင်ႈၵႃႉၶၢႆ ၵူၼ်း တေႁၢႆၵႂႃႇၼၼ်ႉ တေႁူမ်ႈမိုဝ်း ၵၼ်သေ ၵႄႈလိတ်ႈၵႂႃႇ - ဝႃႈၼႆ ။


ၼႂ်းပၢင်ၵုမ်ၼႆႉ မီးၽွင်းလူင်လႄႈ ၽူႈပွင်ၵၢၼ် ၸၼ်ႉသုင် ၾၢႆႇႁႅင်းၵၢၼ် ၸုမ်းၸိုင်ႈ မိူင်းသၢပ်ႇ ၼမ်ႉၶွင် မိူၼ်ၼင်ႇ မိူင်း ၵမ်ႊၿူဝ်ႊတီႊယိူဝ်ႊ ၊ လၢဝ်း ၊ မၢၼ်ႈ ၊ ထႆး ၊ ဝႅတ်ႉၼၢမ်းၸိူဝ်းၼႆႉ ၶဝ်ႈႁူမ်ႈ ။ ပၢင်ၵုမ်လူင်ၼႆႉ ၸတ်းႁဵတ်းတီႈ ႁူင်းလိုဝ်ႈသဝ်း ၻူႊသိတ်ႊထႃးၼီႊ မိူင်းၵွၵ်ႇ ၸိုင်ႈထႆး ။