ႁွင်ႈၵၢၼ်ၾၢႆႇပၢႆးယူႇလီမိူင်းမၢၼ်ႈ ပိုၼ်ၽၢဝ်ႇဝႃႈ ၼႃႈၾူၼ်ၼႆႉ တၢင်းပဵၼ်ၼၢဝ်ၶူတ်း လိူတ်ႈသုင် ဢမ်ႇၼၼ် တၢင်းပဵၼ် ၶႆႈလိူတ်ႈဢွၵ်ႇ ၽႄႈတိူၼ်း၊ ၼႃႈၾူၼ်ၼႆႉၵူၺ်း မီးၵူၼ်းတၢႆယဝ်ႉ 28 ၵေႃႉ ဝႃႈၼႆ။

တၢင်းပဵၼ်ၶႆႈလိူတ်ႈဢွၵ်ႇၼႆႉ ၵမ်ႈၼမ်ၽႄႈတိူၼ်းၼႂ်းမိူင်းမွၼ်း ၊ တႃႈၵုင်ႈ ၊ ဢီရႃဝၻီႇ ၸဵမ်ၸိူဝ်းၼႆႉ ၼႂ်းပီၼႆႉၵူၺ်း မီးၵူၼ်းၸပ်းတၢင်းပဵၼ် 7,043 ၵေႃႉယဝ်ႉ ဝႃႈၼႆ။

တၢင်းၾၢႆႇႁွင်ႈၵၢၼ်ပၢႆးယူႇလီ လၢတ်ႈဝႃႈ တၢင်းပဵၼ် ၼၢဝ်ၶူတ်းလိူတ်ႈလိူဝ် ဢမ်ႇၼၼ် ၶႆႈလိူတ်ႈဢွၵ်ႇၼႆႉ တႄႇၽႄႈ မိူဝ်ႈလိူၼ်ဢေႊၿိူဝ်ႊ ပူၼ်ႉမႃး ။

မိူဝ်ႈလဵဝ်တၢင်းႁွင်ႈၵၢၼ်ပၢႆးယူႇလီ လႆႈႁူမ်ႈမိုဝ်းၵၼ်တင်း ႁွင်ႈၵၢၼ်ၾၢႆႇပၢႆးပၺ်ၺႃ ပိူဝ်ႈၵႅတ်ႇၶႄ ႁႄႉၵင်ႈ တၢင်းပဵၼ်ၶႆႈလိူတ်ႈဢွၵ်ႇၼႆႉဝႆႉ။

တၢင်းပဵၼ်ၶႆႈလိူတ်ႈဢွၵ်ႇၼႆႉ ပဵၼ်တၢင်းပဵၼ်ဢၼ်မႃးၸွမ်းယုင်းလၢႆး။ ယုင်းလၢႆးၼႆႉ ၽႄႈၸိူဝ်ႉတႅၵ်ႇၶႆႇမႃးၼႂ်း ၶၢဝ်းၾူၼ်။ တၢင်းပဵၼ်ၶႆႈလိူတ်ႈဢွၵ်ႇၼႆႉၵေႃႈ ဢမ်ႇပႆႇမီးယႃႈယႃ တႃႇယူတ်းယႃမၼ်းၵမ်းသိုဝ်ႈ။ ပေႃးယႃဢမ်ႇၶိုတ်းၸိုင် ထိုင်တီႈၸၢင်ႈတၢႆ လူးၵွၼ်ႇ။ (ပိုင်ႈဢိင်ၶေႃႈမုလ်း ASTV)