ပီႈၼွင်ႉတႆး ဝဵင်းတူၼ်ႈတီး  ႁပ်ႉတွၼ်ႈ တုင်းၸၢတ်ႈတႆး ဢၼ်ပဵၼ်မဵတ်ႇမၢႆပူၵ်း တီႈပွႆးပီမႂ်ႇတႆး ၵဵင်းတုင် ဢၼ်ၸတ်း မိူဝ်ႈသွင်ပီပူၼ်ႉမႃး၊ တီႈႁူင်းႁေႃ ၵေႃလိၵ်ႈလၢႆး တူၼ်ႈတီး၊ မီးၵူၼ်းၶဝ်ႈႁူမ်ႈႁပ်ႉတွၼ်ႈ ၵိုၼ်းၶွၼ်ႈၼမ်။

တုင်းၸၢတ်ႈတႆး ႁိုဝ် တုင်းၸိူဝ်ႉၸၢတ်ႈၸိုင်ႈတႆး

ပၢင်ပွႆးပီမႂ်ႇတႆး ပီတႆး 2109 ၼီႈ (ပီလပ်းမဵတ်ႉ/လပ်းမူတ်ႉ-ပီပႄႉ)ၼႆႉ တေတူၵ်းမႅၼ်ႈဝၼ်းတီႈ 22/11/2014 ။ ပီၼႆႉ ငဝ်ႈငုၼ်းၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းတူၼ်ႈတီး ဢွၼ်ႁူဝ်သေ ၵေႃလိၵ်ႈလၢႆးလႄႈ ၾိင်ႈငႄႈတႆး ၵူႈၸႄႈဝဵင်း ၼႂ်းၸိုင်ႈတႆးပတ်းပိုၼ်ႉ ႁူမ်ႈၵၼ်ၶိုင်ပွင်ႁဵတ်းသၢင်ႈလႄႈ တေမီးပႃးပၢင်ဢုပ်ႇဢူဝ်း (Seminar) လွင်ႈပိုၼ်းလႄႈ ၾိင်ႈငႄႈလိၵ်ႈလၢႆးၵူၼ်းၶိူဝ်းတႆး မိူၼ်မိူဝ်ႈၸတ်းတီႈၵဵင်းတုင်- ၼႆယဝ်ႉ။