ၽူႈၶဝ်ႈၶႄႉၶႅင်ႇၼၢင်းသၢဝ်ၵဵင်းမႆႇ ၼႂ်းပွႆးၶၢဝ်းၵတ်း(ငၢၼ်းၻူးၼၢဝ်) မိူဝ်ႈၶမ်ႈဝႃး (02/01/2015) ပီ 2015 ပီၼႆႉ ၼၢင်းယိင်းသၢဝ်လုၵ်ႈမႄႈတႆး လႆႈၶဝ်ႈပႃးၶႄႉၶႅင်ႇၸွမ်းၵေႃႉၼိုင်ႈလႄႈထုၵ်ႇလိူၵ်ႈပဵၼ်ၼၢင်းသၢဝ်ၸဵင်းမႆႇ 2015 ၼႆႉ ပဵၼ်လုၵ်ႈသၢဝ်တႆး ၽူႈၶဝ်ႈၶႄႉၶႅင်ႇ လႆႈတီႈၼိုင်ႈလႄႈ ထုၵ်ႇလိူၵ်ႈပဵၼ်ၼၢင်းသၢဝ် ၸဵင်းမႆႇ ပီ 2015 မိူဝ်ႈၶမ်ႈဝႃး (02/01/2015) ၼႂ်းပွႆးၶၢဝ်းၵတ်း (ငၢၼ်းၻူးၼၢဝ်) သေ တေလႆႈသိုပ်ႇၵႂႃႇၶဝ်ႈႁူမ်ႈၶႄႉၶႅင်ႇၼၢင်းသၢဝ်ထႆး ပီ 2015 တေထိုင်ၼႆႉ။

ဢၼ်ႁဵၵ်ႈၸိုဝ်ႈဝႃႈ ၼၢင်းသၢဝ်ဢရိသႃ သၼ်တိထမ်း (ၼွင်ႉဢွၼ်ႇ) မီးပီႈဢၢႆႈ 2 ၵေႃႉ ပဵၼ်ၼွင်ႉယိင်းၵေႃႉသုတ်းတွင်ႉၵေႃႉတီႈ 3 ဢႃယု 18 ပီ၊ မိူဝ်ႈလဵဝ်ႁဵၼ်းယူႇတီႈ ႁူင်းႁဵၼ်းၾၢင်ၶျၼူးပထမ် မေႃႊ 6 ၸႄႈဝဵင်းၾၢင် ၸႄႈဝဵင်းၵဵင်းမႆႇ။

ၼၢင်းသၢဝ်ဢရိသႃ သၼ်တိထမ်း (ၼွင်ႉဢွၼ်ႇ) လႆႈရၢင်ႊဝလ်း (သူး)
1 ၼၢင်းသၢဝ်ၸဵင်းမႆႇ ပီ 2015
2 ၶႂၼ်ၸႂ်ၽူႈထၢႆႇႁၢင်ႈ
3 ၾၢင်ႁၢင်ႈတူဝ်ၶိင်းလဝ်းငၢမ်း
4 ၵၢၼ်တႅင်ႇတူဝ်လႅပ်ႈႁၢင်ႈၾၢင်တူဝ်ၶိင်း
5 တွပ်ႇၵႂၢမ်းထၢမ်ထုၵ်ႇမႅၼ်ႈၶိုၵ်ႉၶႅမ်ႉ။

ၼၢင်းသၢဝ်ဢရိသႃ သၼ်တိထမ်း (ၼွင်ႉဢွၼ်ႇ) ၼႆႉ  ပေႃႈၸိုဝ်ႈၸၢႆးဢေး(သိရိၽူင်း သၼ်တိထမ်း)
မႄႈၸိုဝ်ႈၼၢင်းၶမ်းယူင်ႇ (ၼၢင်းၸၼ်ထရႃႊ သၼ်တိထမ်း) ယူႇဝၢၼ်ႈပႃႇႁိၼ်ႉ မူႇ 9 မွၼ်ႉပိၼ်ႇ ၸႄႈဝဵင်းမိူင်းၾၢင် ၸႄႈတွၼ်ႈၵဵင်းမႆႇ။