လူင်ပွင်ၸိုင်ႈထႆးပိုၼ်ၽၢဝ်ႇ တေၵူတ်ႇထတ်းယိုတ်းရူတ်ႉၵႃး ၽူႈၸိူဝ်းဢမ်ႇမီးဝႂ်ၶပ်းၶီႇရူတ်ႉလႄႈ ဢမ်ႇမီးဝႂ်ႁပ်ႉႁွင်းၽေးၵိုင်ႉၵၢင်ႉ (ၽေႃႊရေႃႊပေႃႊ) သေႁေႃႈရူတ်ႉၵႃး။


မိူဝ်ႈဝၼ်းတီႈ 12/05/2017 သိုဝ်ႇၶၢဝ်ႇထႆးရတ်ႊ ပိုၼ်ၽၢဝ်ႇဝႃႈ - တႄႇဢဝ်ႁၢင်လိူၼ်မေႊ 2017 ၼႆႉၵႂႃႇ ၸဝ်ႈၼႃႈတီႈပလိၵ်ႈၼႂ်းမိူင်းထႆး တေတင်ႈလၢၼ်ႇ(ၵဵတ်ႉ)ၵူတ်းထတ်း ရူတ်ႉၵႃးၼိူဝ်သဵၼ်ႈ တႃႈသၢႆတၢင်းႁၢဝ်ႈႁႅင်း သင်တီႉၺႃးၽူႈဢမ်ႇမီးဝႂ်ၶႂၢင်ႉႁေႃႈရူတ်ႉ(ဝႂ်ၶပ်းၶီႇ) ဢမ်ႇလႆႈတေႃႇ (ၽေႃး ရေႃႊၿေႃႊ) ၸိုင်တေယိုတ်းရူတ်ႉၸူဝ်ႈၶၢဝ်း - ဝႃႈၼႆ။

ၸွမ်သိုၵ်းလူင် ဝိတ်ႊထယႃႊ ပရႃႊယူင်ႊၽၼ်ႊ  ၵႅမ်ၽူႈၵွၼ်းလုမ်းပလိၵ်ႈငဝ်ႈၸိုင်ႈ မိူင်းထႆးလၢတ်ႈ ဝႃႈ -  “ယိူင်းဢၢၼ်းၼင်ႇႁိုဝ်တေလူတ်းပၼ်ႁႃရူတ်ႉၵႃးတိတ်းၵပ်ႉ၊ လွင်ႈၵႃးတုမ်ႉၽႃႇၵၼ် - ပဵၼ် ၽေးၵိုင်ႉၵၢင်ႉသေ ၵူၼ်းလႆႈမၢတ်ႇၸဵပ်းလူႉသုမ်းသၢႆၸႂ် ။ ပေႃးမႃးတူၺ်းၸိုင်ပၼ်ႁႃ ဢၼ်ၵႆႉႁူပ်ႉ ထူပ်းၵမ်ႈၼမ်ပဵၼ်ယွၼ်ႉလူၺ်ႈ ႁေႃႈရူတ်ႉႁေႃႈၵႃးဝႆး လိူဝ်သေမၢႆမီႈမၵ်းမၼ်ႈဝႆႉ၊ ႁေႃႈရူတ်ႉပိၼ်ႈ ၾူၼ်၊ ႁေႃႈရူတ်ႉၵႃးၼိူဝ်သဵၼ်ႈ တၢင်းၵူၼ်းပႆၸိူဝ်းၼႆႉ ယွၼ်းႁႂ်ႈၵူၼ်းဝၢၼ်ႈၵူၼ်းမိူင်းဢွၼ် ၵၼ်ႁဵတ်းၸွမ်း ၼင်ႇပၵ်းပိူင်မၢႆမီႈသေၵမ်း ” ဝႃႈၼႆ။


ၵွပ်ႈၼၼ်လႄႈၵူၼ်းႁေႃႈရူတ်ႉၵႃးၵူႈၵေႃႉ တေလႆႈမီးဝႂ်ၶႂၢင်ႉႁေႃႈရူတ်ႉၵႃး(ဝႂ်ၶပ်းၶီႇ)လႄႈ ဝႂ်ႁပ်ႉႁွင်း ၽေးၵိုင်ႉၵၢင်ႉၼိူဝ်သဵၼ်ႈတၢင်း ၽေႃႊရေႃႊပေႃႊ ဝႃႈၼႆ။


ၵဵဝ်ႇလူၺ်ႈလွင်ႈတၢင်းၸိူဝ်းၼႆႉသေ ၽူႈၵွၼ်းငဝ်ႈလုမ်းပလိၵ်ႈမိူင်းထႆး လႆႈသင်ႇၵႂႃႇတီႈႁူင်းပလိၵ်ႈ ၼႂ်းမိူင်းထႆး တႄႇႁၢင်လိူၼ်ၼႆႉၵႂႃႇ ႁႂ်ႈၵူတ်ႇထတ်းရူတ်ႉၵႃး ႁၢဝ်ႈႁႅင်း ဝႃႈၼႆ။

ၸဝ်ႈၼႃႈတီႈ ပလိၵ်ႈၾၢႆႇ ၵူတ်ႇထတ်း ယႃႈမဝ်းၵမ် ပႂ်ႉလၢၼ်ႇ ဝၢၼ်ႈထမ်ႈ ၸႄႈတွၼ်ႈၵဵင်းႁၢႆး တီႉၺွပ်းလႆႈ ယႃႈမဝ်းၵမ် ဢၢၼ်ႇႁူဝ်မိုၼ်ႇ ၼိူဝ်ရူတ်ႉတၢင်ႇၵူၼ်း (ရူတ်ႉပတ်ႉသ်) (Green Bus) ။

ဝၼ်းတီႈ 16 လိူၼ်ဢေႃႊၵတ်ႉသ်ႊ 2015 Maesainews ပိုၼ်ၽၢဝ်ႇဝႃႈ - ၸဝ်ႈၼႃႈတီႈလၢၼ်ႇ (ၵဵၵ်ႉ) ဝၢၼ်ႈထမ်ႈ ၊  ဢၼ်မီးၼိူဝ် သဵၼ်ႈတၢင်း  မႄႈသၢႆ - ၵဵင်းႁၢႆး ၸိုင်ႈထႆး ပွတ်းႁွင်ႇ ၵူတ်ႇထတ်းတီႉၺွပ်း ၼၢင်းၶမ်းဢိမ် ဢႃယူႉ 20 ပီ  တေႃႉယႃမႃႉ WY 10,000 မဵတ်ႉ ႁေႊရူဝ်ႊဢိၼ်ႊ 1. 25 ၵရမ်ႊ တၢင်ႇလူတ်ႉ ပတ်ႉသ်တေဢၢၼ်းလူင်း တၢင်းၸၢၼ်း ၶဝ်ႈၵႂႃႇၶၢႆ ၼႂ်းမိူင်းထႆး။


ဝၢႆးၼၼ်ႉ ၸဝ်ႈၼႃႈတီႈ လႆႈသိုပ်ႇ ထၢမ်ထႅင်ႈသေ တီႉၺွပ်းလႆႈထႅင်ႈ ၸၢႆးမိူင်း ဢႃယူႉ 25 ပီ ၊ ၸၢႆးဝၢႆပူဝ်း ဢႃယူႉ 25 ပီ။


ၶဝ်3 ၵေႃႉလၢတ်ႈဝႃႈ ပဵၼ်ၵူၼ်း ၵိၼ်ၸၢင်ႈ တေႃႉသူင်ႇယႃႈ။ ယႃႈၸိူဝ်းၼႆႉ တေႃႉဢဝ် မိူင်းမၢၼ်ႈမႃး။ မီးပေႃႈလဵင်ႉယူႇ မိူင်းထႆးသေ ၸိသင်ႇၵၢၼ် - ဝႃႈၼႆ။


ၸဝ်ႈၼႃႈတီႈထႆး တီႉၺွပ်းတူဝ်ၶဝ် သၢမ်ၵေႃႉ ၵုမ်းၶင်ဝႆႉယဝ်ႉတႃႇ ထဵတ်ႈထၢမ် ပၼ်တူတ်ႈတၢမ်ႇ ၸွမ်းၼင်ႇ မၢႆမီႈဝၢၼ်ႈမိူင်း ဝႃႈၼႆ။

ၸုမ်းႁႅင်းၵၢၼ် ၽွမ်ႉႁူမ်ႈ ႁူမ်ႈၵၼ် လူႇတၢၼ်းလူိတ်ႈ ၼ်ႂးဝၼ်းၵူိတ်ႇ ၸဝ်ႈၼၢင်းေႁႃၶမ်း ၸုိင်ႈထႆး ၶွပ်ႈၶူပ်ႇတဵမ် 83 ပီ ၊ ၼင်ႇႁုိဝ် ပီႈၼွင်ႉႁႅင်းၵၢၼ်  ေပႃးေတမီးတုိဝ်ႉတၢင်း ၶဝ်ႈႁူမ်ႈလူႇတၢၼ်း လူိတ်ႈ ၼ်ႂးဝၼ်းႄမႈ။

ပူၼ်ႉမႃး ဝၼ်းတီႈ 12/08/2015 ၶၢဝ်းယၢမ်း 08:00-13:00 မူင်းပႆၢ ယူႇတီႈ ႁူဝ်ပဝ်ႈ ၸုမ်းႁႅင်းၵၢၼ် ၽွမ်ႉႁူမ်ႈ ဢွၼ်ႁူဝ်လုၵ်ႈၸုမ်းေသ ၶဝ်ႈႁူမ်ႈ လူႇတၢၼ်းလူိတ်ႈ ၼ်ႂးဝၼ်းၵူိတ်ႇ ၸဝ်ႈၼၢင်းေႁႃၶမ်း တီႈၸုမ်းၶႂႆႇၶႃႄပလႅင် (ၵႅျတ်ႉၶျေႇၼီႇ) ဝဵင်းၵဵင်းမႆႇ ၸုိင်ႈထႆး ၊ ယိူင်းဢၢၼ်းဝႃႈ ၼင်ႇႁုိဝ် ပီႈၼွင်ႉႁႅင်းၵၢၼ် မီးသုၼ်ႇလႆႈ ၶဝ်ႈႁူမ်ႈ လူႇတၢၼ်းလူိတ်ႈ ၼ်ႂးဝၼ်းၵူိတ်ႇ ၸဝ်ႈၼၢင်းေႁႃၶမ်း တဵမ် 83 ပီ ၼႆယဝ်ႉ။


ၽူႈၵူိဝ်းၵုမ် ၸုမ်းႁႅင်းၵၢၼ် ၽွမ်ႉႁူမ်ႈ ထွင်းၶမ်း လၢတ်ႈဝႃႈ ၸုမ်းႁႅင်းၵၢၼ် ၽွမ်ႉႁူမ်ႈ ႁဝ်းၶႃႈၼႆႉ ေပႃးထုိင်မႃး ဝၼ်းယ်ႂႇဝၼ်းလူင် မူိၼ် ဝၼ်းေပႃႈ/ဝၼ်းႄမႈ ၼႆ ၸုမ်းႁဝ်းၶႃႈ လႆႈဢဝ်တုိဝ်ႉတၢင်းၼႆႉေသ ႁူမ်ႈၵၼ် လူႇတၢၼ်းလူိတ်ႈ ၼ်ႂးဝၼ်းႄမႈ မႃးၵူႈပီ ၊ ထႅင်ႈလွင်ႈၼုိင်ႈေၵႃႈ ႁ်ႂႈပီႈၼွင်ႉႁႅင်းၵၢၼ်ႁဝ်း ေပႃးလႆႈမုိတ်ႈၵုိတ်းၸမ်ၸ်ႂ ႁူႉၸၵ်းၵၼ်  ဝႃႈၼႆ။


သုိပ်ႇလၢတ်ႈထႅင်ႈဝႃႈ  ေပႃးပီႈၼွင်ႉ ႁႅင်းၵၢၼ်ႁဝ်း ေတလူႇလူိတ်ႈပီၼႃႈၼႆၸုိင် ၶ်ႂႈပၼ်ၾၢင်ႉဝႃႈ ၵွၼ်ႇေတၵႂႃႇလူႇ လူိတ်ႇၼၼ်ႉ ႁ်ႂႈယင်ႉလိုဝ်ႈဝႆႉတဵမ်ထူၼ်ႈ။ ထႅင်ႈလွင်ႈၼုိင်ႈေၵႃႈ ယႃႇေပၵိၼ်လဝ်ႈ/ပီႊယူိဝ်ႊ(ပီႊယႃႇ) ၊ ယႃႇေပၼွၼ်းလုိၵ်း ၸဵမ်ၸူိဝ်းၼႆႉ ဝႃႈၼႆ။


လုၵ်ႈၸုမ်းႁႅင်းၵၢၼ် ၽွမ်ႉႁူမ်ႈ လႆႈဢွၼ်ၵၼ် ၵႂႃႇလူႇတၢၼ်းလူိတ်ႈ ၼ်ႂးဝၼ်းႄမႈ ပီၼႆႉ တင်းမူတ်း မီး 40 ေၵႃႉပႆၢ၊ ၵၢၼ်လူႇတၢၼ်းလူိတ်ႈၼႆႉ ႁ်ႂႈပဵၼ်တီႈမႆၢတွင်း တႃႇပီႈၼွင်ႉႁႅင်းၵၢၼ် ၼႆယဝ်ႉ။


ၸုမ်းႁႅင်းၵၢၼ်ၽွမ်ႉႁူမ်ႈၼႆႉ လႆႈေၵႃႇတင်ႈမႃး တဵမ် 8 ပီ ယဝ်ႉ။ မူိဝ်ႈပူၼ်ႉမႃး ဝၼ်းတီႈ 19/07/2015 ၼၼ်ႉေၵႃႈ လႆႈၸတ်းႁဵတ်း ဝၼ်းၵူိတ်ႇ ၸုမ်းႁႅင်းၵၢၼ် ၽွမ်ႉႁူမ်ႈ တီႈႁူင်းႁႅမ်း ယူႊၼီႊသျႅပ်ႉ ဝဵင်းၵဵင်းမႆႇ ၸုိင်ႈထႆး။

ၽူႈၶဝ်ႈၶႄႉၶႅင်ႇၼၢင်းသၢဝ်ၵဵင်းမႆႇ ၼႂ်းပွႆးၶၢဝ်းၵတ်း(ငၢၼ်းၻူးၼၢဝ်) မိူဝ်ႈၶမ်ႈဝႃး (02/01/2015) ပီ 2015 ပီၼႆႉ ၼၢင်းယိင်းသၢဝ်လုၵ်ႈမႄႈတႆး လႆႈၶဝ်ႈပႃးၶႄႉၶႅင်ႇၸွမ်းၵေႃႉၼိုင်ႈလႄႈထုၵ်ႇလိူၵ်ႈပဵၼ်ၼၢင်းသၢဝ်ၸဵင်းမႆႇ 2015 ၼႆႉ ပဵၼ်လုၵ်ႈသၢဝ်တႆး ၽူႈၶဝ်ႈၶႄႉၶႅင်ႇ လႆႈတီႈၼိုင်ႈလႄႈ ထုၵ်ႇလိူၵ်ႈပဵၼ်ၼၢင်းသၢဝ် ၸဵင်းမႆႇ ပီ 2015 မိူဝ်ႈၶမ်ႈဝႃး (02/01/2015) ၼႂ်းပွႆးၶၢဝ်းၵတ်း (ငၢၼ်းၻူးၼၢဝ်) သေ တေလႆႈသိုပ်ႇၵႂႃႇၶဝ်ႈႁူမ်ႈၶႄႉၶႅင်ႇၼၢင်းသၢဝ်ထႆး ပီ 2015 တေထိုင်ၼႆႉ။

ဢၼ်ႁဵၵ်ႈၸိုဝ်ႈဝႃႈ ၼၢင်းသၢဝ်ဢရိသႃ သၼ်တိထမ်း (ၼွင်ႉဢွၼ်ႇ) မီးပီႈဢၢႆႈ 2 ၵေႃႉ ပဵၼ်ၼွင်ႉယိင်းၵေႃႉသုတ်းတွင်ႉၵေႃႉတီႈ 3 ဢႃယု 18 ပီ၊ မိူဝ်ႈလဵဝ်ႁဵၼ်းယူႇတီႈ ႁူင်းႁဵၼ်းၾၢင်ၶျၼူးပထမ် မေႃႊ 6 ၸႄႈဝဵင်းၾၢင် ၸႄႈဝဵင်းၵဵင်းမႆႇ။

ၼၢင်းသၢဝ်ဢရိသႃ သၼ်တိထမ်း (ၼွင်ႉဢွၼ်ႇ) လႆႈရၢင်ႊဝလ်း (သူး)
1 ၼၢင်းသၢဝ်ၸဵင်းမႆႇ ပီ 2015
2 ၶႂၼ်ၸႂ်ၽူႈထၢႆႇႁၢင်ႈ
3 ၾၢင်ႁၢင်ႈတူဝ်ၶိင်းလဝ်းငၢမ်း
4 ၵၢၼ်တႅင်ႇတူဝ်လႅပ်ႈႁၢင်ႈၾၢင်တူဝ်ၶိင်း
5 တွပ်ႇၵႂၢမ်းထၢမ်ထုၵ်ႇမႅၼ်ႈၶိုၵ်ႉၶႅမ်ႉ။

ၼၢင်းသၢဝ်ဢရိသႃ သၼ်တိထမ်း (ၼွင်ႉဢွၼ်ႇ) ၼႆႉ  ပေႃႈၸိုဝ်ႈၸၢႆးဢေး(သိရိၽူင်း သၼ်တိထမ်း)
မႄႈၸိုဝ်ႈၼၢင်းၶမ်းယူင်ႇ (ၼၢင်းၸၼ်ထရႃႊ သၼ်တိထမ်း) ယူႇဝၢၼ်ႈပႃႇႁိၼ်ႉ မူႇ 9 မွၼ်ႉပိၼ်ႇ ၸႄႈဝဵင်းမိူင်းၾၢင် ၸႄႈတွၼ်ႈၵဵင်းမႆႇ။

ၽူႈယႂ်ႇတႆး လႆႈၵႂႃႇသပ်းလႅင်းလွင်ႈ “ပၼ်ႁႃလႄႈ တၢင်းဢွၵ်ႇ လွင်ႈၸၢဝ်းၶိူဝ်းၸွမ်းလႅၼ်လိၼ် ထႆး-မၢၼ်ႈ” ဢၼ်ထႆးၸတ်း ပၢင်ဢုပ်ႇၵုမ်ႁူဝ်ၶေႃႈ လဵပ်ႈႁဵၼ်းလွင်ႈထႆး-မၢၼ်ႈ ၼႂ်းၶွပ်ႇတူင်ႇဝူင်း ဢႃႊသျႅၼ်ႊ တီႈၸႄႈတွၼ်ႈ ၽိတ်ႉသၼုလူၵ်ႉ။

ဝၼ်းသုၵ်းတီႈ 19/12/2014 (မိူဝ်ႈၼႆႉ) တင်ႈတႄႇယၢမ်း 10:30-12:30 မူင်း၊ မီးၽူႈလူင်ႉလႅၼ်ႇ မွၵ်ႇလၢတ်ႈသပ်းလႅင်း မိူၼ်ၼင်ႇၸဝ်ႈၶိုၼ်းသႂ် ၸႂ်ယဵၼ်၊ ၽူႈတႅၼ်းၸၢဝ်းၶိူဝ်းယၢင်း၊ ၽူႈတႅၼ်းၸၢဝ်းမွၼ်း၊ ဢႃးၸၢၼ်သူမ်ရိတ်ႊ လိုဝ်းၶျႆး၊ ဢႃးၸၢၼ် မေႃးရၵူတ်ႇဝူင်း ၽူးမိၽလပ်း ၸိူဝ်းၼႆႉ။

ၼႂ်းပၢင်ပွႆးၼႆႉ ၸဝ်ႈၶိုၼ်းသႂ် ၸႂ်ယဵၼ် လႆႈႁပ်ႉဝွၵ်ႇၸိူၼ်း ၵႂႃႇမွၵ်ႇလၢတ်ႈၶေႃႈၵႂၢမ်း ၼႂ်းႁူဝ်ၶေႃႈ “ပၼ်ႁႃလႄႈတၢင်းဢွၵ်ႇ လွင်ႈၸၢဝ်းၶိူဝ်းၸွမ်းလႅၼ်လိၼ်ထႆး-မၢၼ်ႈ”- ၼႆယဝ်ႉ။

ပိူဝ်ႈတႃႇပဵၼ်မႃးပၢင်ပွႆးဢုပ်ႇဢူဝ်း ပိုၼ်ႉႁူႉတၢင်းမေႃပွၵ်ႈၼႆႉ မူလၼိထိ ၶူင်းၵၢၼ်ၾၢႆႇပၢႆးပိုၼ်းလႄႈၾၢႆႇပၢႆးၵူၼ်း၊ မူလၼိထိတူဝ်ႊယူဝ်ႊတႃႊမိူင်းထႆး၊ ၶွမ်ႊပၼီႊတူဝ်ႊယူဝ်ႊတႃႊ မေႃႊတိူဝ်ႊ မိူင်းထႆး၊ ၸၼ်ႉၸွမ်ၼရေးသူၼ် လႄႈ လၢႆလၢႆမူႇၸုမ်း ႁူမ်ႈၵၼ်ၸတ်းပဵၼ်မႃး- ၼႆယဝ်ႉ။

ဢိင်ၼိူဝ်ပီႈၼွင်ႉၵူၼ်းမိူင်းထႆး ၵဵင်းမႆႇ လၢႆၾၢႆႇ ႁူမ်ႈၵၼ်ၸတ်းဝၼ်းပေႃႈ၊ ၶုၵ်းထူပ်းယုၵ်ႉယွင်ႈ ယေႃးမုၼ် ၸဝ်ႈႁေႃၶမ်းထႆး လူင်ႈၼႃႈသေ ပီႈၼွင်ႉတႆး ၼႂ်းၵဵင်းမႆႇ ၶဝ်ႈႁူမ်ႈယွင်ႈၵုၼ်းမုၼ် ၵႃရဝ ၸုတ်ႇတႆႈတဵၼ်းၸႆး။

ဝၼ်းတီႈ 03/12/2014 ယၢမ်းဝၢႆးဝၼ်းတေႃႇထိုင်ႁူဝ်ၶမ်ႈ သမႃးၶူမ်းပၢႆးပၺ်ၺႃတႆး ၵဵင်းမႆႇ၊ ၵေႃလိၵ်ႈလၢႆး လႄႈၾိင်ႈငႄႈတႆး ၵဵင်းမႆႇ ဢွၼ်ႁူဝ်ပီႈၼွင်ႉတႆးၼႂ်းၵဵင်းမႆႇလၢႆၸုမ်းသေ ႁူမ်ႈၵၼ်ၶဝ်ႈႁူမ်ႈ ပၢင်ယုၵ်ႉယွင်ႈ ၶုၵ်းထူပ်း ယုၵ်ႉယွင်ႈၵုၼ်းမုၼ် ယွၼ်းပွၼ်းမွပ်ႈတၢၼ်း ဝၼ်းၵိူတ်ႇၸဝ်ႈမုၼ်ယႂ်ႇႁေႃၶမ်းထႆး၊ ဢၼ်ပီႈၼွင်ႉ ၵူၼ်းမိူင်းထႆး လၢႆၾၢႆႇ ပႃးၸဵမ်ၸုမ်းၵူၼ်းမိူင်း၊ ၾၢႆႇပလိၵ်ႈ၊ ၾၢႆႇသိုၵ်း ဢိၵ်ႇ ၶႃႈႁၢပ်ႇၵၢၼ်ၶုၼ် ၸိူဝ်းၼႆႉ ႁူမ်ႈၵၼ်ၸတ်းတီႈ ၽၵ်းတူတႃႈၽႄး ဝဵင်းၵဵင်းမႆႇ မိူင်းထႆး။
ၵၢၼ်ၶဝ်ႈႁူမ်ႈ ပၢင်ယုၵ်ႉယွင်ႈ ယွၼ်းပွၼ်းပွၵ်ႈၼႆႉ မီးပီႈၼွင်ႉၵူၼ်းမိူင်းထႆး ဢိၵ်ႇပီႈၼွင်ႉလၢႆလၢႆၸၢဝ်းၶိူဝ်း လႄႈ ၸၢဝ်းတၢင်ႇၸၢတ်ႈတင်းၼမ်။ တင်ႈတႄႇယၢမ်းဝၢႆးဝၼ်း ဢွၼ်ၵၼ်ၵႂႃႇၶွၼ်ႈတုမ်ၵၼ်တီႈ ၵၢတ်ႇၶူင်းၵၢၼ်ၸိင်ႊၸႆႊ ႁိုဝ် (JJ Market) လင်လူဝ်ႊတတ်ႉသ် (Lotus) ၶမ်းတဵင်ႈသေ ၸတ်းထႅဝ ၸုမ်းၽႂ်/ ၸၢတ်ႈမၼ်းယဝ်ႉ ႁႄႇပႆလဵပ်ႈမႃးၼႂ်းဝဵင်း ႁၢၼ်ႉတေႃႇပေႃးထိုင်ၽၵ်းတူ တႃႈပႄး။
ဝၼ်းတီႈ 05/12/2014 ၼႆႉ ဢႃႇယုၸဝ်ႈႁေႃၶမ်းမိူင်းထႆး ႁိုဝ် ၾႃႉၸဝ်ႈယူႇႁူဝ်ထႆး ၶွပ်ႈတဵမ် 87 ပီ။ ပေႃးထိုင်မႃးဝၼ်းပေႃႈၵူႈပီ ပီႈၼွင်ႉၵူၼ်းမိူင်းထႆး ၸတ်းပၢင်ယွင်ႈယေႃး ၶုၵ်းထူပ်း ယွၼ်းပွၼ်း ၸုတ်ႇတႆႈ တဵၼ်းၸႆး မွပ်ႈၼွပ်ႇတၢၼ်းပၼ်ၸဝ်ႈမုၼ်ယႂ်ႇ ၶုၼ်ႁေႃၶမ်း (ၾႃႉၸဝ်ႈယူႇႁူဝ်) ဢႃႇယုယိုၼ်းယၢဝ်း၊ တူဝ်ၶိင်းၶႅင်ႁႅင်း၊ ပၢႆးယူႇလီၶႅမ်ႉလႅပ်ႈလႄႈသိုပ်ႇပဵၼ်ႁူမ်ႈႁုင်းႁူမ်ႈႁႆး တႃႇၵူၼ်းမိူင်းၵႂႃႇထႅင်ႈၶၢဝ်းႁိုင် ။
ပေႃးထိုင်မႃးဝၼ်းတီႈ 05/12/2014 ၼႆႉ ၾၢႆႇၽွင်းငမ်းၸႄႈတွၼ်ႈၵဵင်းမႆႇ ႁိုဝ် လူင်ပွင်ၸိုင်ႈထႆး တေဢွၼ်ႁူဝ် ၸတ်းႁဵတ်းတီႈ လုမ်းၵွၼ်းၸႄႈတွၼ်ႈၵဵင်းမႆႇ (သႃလႃးၵၢင်) ၼႂ်းၵဵင်းမႆႇ။ ၼႆႉၵေႃႈ သမႃးၶူမ်းလႄႈ ပၢႆးပၺ်ၺႃတႆး လႄႈ ၵေႃလိၵ်ႈလၢႆးလႄႈၾိင်ႈငႄႈတႆး ၵဵင်းမႆႇ တေၶဝ်ႈႁူမ်ႈပၢင်ယွင်ႈယေႃး ၶုၵ်းထူပ်း ယွၼ်းပွၼ်းၸုတ်ႇတဵၼ်းၸႆးထႅင်ႈလႄႈလႆႈၼတ်ႉၽတ်းၵၼ်ဝႆႉ တီႈလုမ်းၵေႃလိၵ်ႈလၢႆးၾိင်ႈငႄႈတႆး (ၵဵင်းမႆႇ) တင်ႈတႄႇၶၢဝ်းယၢမ်း 5 မူင်းႁူဝ်ၶမ်ႈသေတေဢွၼ်ၵၼ်ၵႂႃႇၶဝ်ႈႁူမ်ႈ ဢမ်ႇၼၼ် ၸိူဝ်းယူႇႁိမ်းၸမ် လႄႈသၢင်ႇတေႃႇတၢင်း သႃလႃးၵၢင် (လုမ်းၽွင်းငမ်းၸႄႈတွၼ်ႈ ၵဵင်းမႆႇ) ၼၼ်ႉ ၵႂႃႇပႂ်ႉထႃႈတီႈ သႃလႃးၵၢင် (လုမ်းၽွင်းငမ်းၸႄႈတွၼ်ႈ ၵဵင်းမႆႇ) ၼႆယဝ်ႉ။

ၼႂ်းတိုဝ်ႉတၢင်းၶွပ်ႈႁွတ်ႈ ဝၼ်းၵိူတ်ႇ ၾႃႉၼၢင်းၸဝ်ႈႁေႃၶမ်း ၸိုင်ႈထႆး ႁိုဝ် ဝၼ်းမႄႈၵႅၼ်ႇၸိုင်ႈထႆး လႄႈ ပီႈၼွင်ႉတႆး 50-60 ၵေႃႉ ၶဝ်ႈႁူမ်ႈၸုတ်ႇတဵၼ်းၸႆး ယွၼ်းပွလ်းမွပ်ႈတၢၼ်း ၾႃႉၼၢင်းၸဝ်ႈႁေႃၶမ်း တီႈပၢင်ႇၵၢင်ၶူင်ႇၽၵ်းတူတႃႈပႄး။

ဝၼ်းတီႈ 12/08/2014 ၼႆႉ သမႃးၶူမ်းပၢႆးပၺ်ၺႃလႄႈၾိင်ႈငႄႈတႆး လႆႈဢွၼ်ႁူဝ် ပီႈၼွင်ႉတႆး ၼႂ်းၵဵင်းမႆႇ ၸိူင်ႉၼင်ႇ ၵေႃလိၵ်ႈလၢႆးၾိင်ႈလႄႈတႆး ၵဵင်းမႆႇ ၸုမ်းႁႅင်းၵၢၼ်ၽွမ်ႉႁူမ်ႈ ၸုမ်းဝတ်ႉသူၼ်ၻွၵ်ႇ ဝတ်ႉပႃႇပဝ်ႈ ၸုမ်းၶိူဝ်းႁိူၼ်း ၶုၼ်သၢမ်လေႃး လႄႈပီႈၼွင်ႉတႆးၸိူဝ်းႁဵတ်းၵၢၼ်ယူႇၼႂ်းၵဵင်းမႆႇ ဢွၼ်ၵၼ်ၶဝ်ႈႁူမ်ႈၸုတ်ႇတဵၼ်းၸႆး ၼွပ်ႇၼွပ်ႈ ၼွမ်း မွပ်ႈ တၢၼ်းယိုၼ်ႈပွလ်း ၽွၼ်းမင်းၵလ(မူင်းၶူလ်း) ၼႂ်းတိုဝ်ႉတၢင်းတဝ်ႈႁွတ်ႈ ၶွပ်ႈထိုင်ဝၼ်းၵိူတ်ႇၾႃႉၼၢင်းၸဝ်ႈ ႁေႃၶမ်းၸိုင်ႈထႆး ထူၼ်ႈၵမ်းၼႆႉ တီႈၽၵ်းတူတႃႈပႄး။
ၽွင်းယၢမ်းႁူဝ်ၶမ်း 6 မူင်းၶိုင်ႈၸုမ်းပီႈၼွင်ႉတႆးႁဝ်းႁွတ်ႈထိုင်တီႈပၢင်ႇၵၢင်ၶူင်ႇၽၵ်းတူတႃႈပႄး၊ မိူဝ်ႈထိုင်ၽွင်းယၢမ်း မွၵ်ႈ 7 မူင်း ႁူဝ်ၶမ်ႈ တူဝ်တႅၼ်း ၸုမ်းတူင်ႇဝူင်းၵူၼ်း ၶႃႈႁၢပ်ႇၵၢၼ်ၶုၼ် ပွၵ်ႉ / ဢိူင်ႇ / ဝၢၼ်ႈ ၶဝ် ၶိုၼ်ႈဝၢင်း ၽုမ်ႉတုမ်ႇမူဝ် ၼိူဝ်ႁၢၼ်ႉၶဵင်ႇ တေႃႇၼႃႈႁုၼ်ႇႁၢင်ႈၾႃႉၼၢင်းၸဝ်ႈႁေႃၶမ်း ၸို်င်ႈထႆး။ တၢင်းၾၢႆႇပီႈၼွင်ႉတႆး ႁဝ်းသမ်ႉ ၸၢႆးသႅၼ်မွင်း တင်း ၼွင်ႉမူၺ်ၽွင် ပဵၼ်တူဝ်တႅၼ်း သမႃးၶူမ်းပၢႆးပၺ်ၺႃလႄႈၾိင်ႈငႄႈတႆး ၶိုၼ်ႈၼွပ်ႇမွပ်ႈဝၢင်း တမ်း ၽုမ်ႉတုမ်ႇမူဝ်တေႃႇၼႃႈႁုၼ်ႇႁၢင်ႈၾႃႉၼၢင်းၸဝ်ႈ ၼွင်ႉယိင်းသမ်ႉပဵၼ်ၽူႈၵေႃႉယိပ်း ပၢႆႉၸိုဝ်ႈ သမႃးၶူမ်း။ ဝၢႆးသေၼၼ်ႉၵေႃႈ ၶႃႈႁၢပ်ႇၵၢၼ်ၶုၼ် ၾၢႆႇၸႄႈဝဵင်းၵဵင်းမႆႇတၢၼ်းမွပ်ႈၽုမ်ႉတုမ်ႇမူဝ်။
လိုၼ်းသုတ်းၼႃယၵ(ၼၢႆးယူၵ်ႉ) ၽူႈၵွၼ်းၸႄႈဝဵင်းၵဵင်းမႆႇ ထတ်းသၼႆး ပူရၼုပၵွၼ်း ၶိုၼ်ႈၶဵင်ႇတေႃႇၼႃႈႁုၼ်ႇႁၢင်ႈ ၸဝ်ႈၼၢင်း ႁေႃၶမ်းသေ ၵူမ်ႈၵွမ်းၼွမ်းႁူဝ်ၵႃႇရဝ ၵၢဝ်ႇပိုတ်ႇလၢတ်ႈၶေႃႈၵႂၢမ်း ယိုတ်းမၼ်ႈၵိူဝ်းယမ်ၼပ်ႉထိုဝ်မုၼ်ၵုၼ်း ၾႃႉၼၢင်းၸဝ်ႈႁေႃၶမ်းဢၼ်ၵိုမ်းမၼ်ႈပၵ်းၾင်ယူႇၼႂ်းႁူဝ်ၸႂ်ထႆးတင်းၸၢတ်ႈၵူႈမိုဝ်ႉၵူႈၶၢဝ်းသေ ၸုတ်ႇတႆႈတဵၼ်းၸႆး တင်းၽဵင်းၵႂၢမ်း ယုၵ်ႉယွင်ႈငဝ်းမုၼ်ၸဝ်ႈၽႅၼ်ႇလိၼ်။
ဝၢႆးသေၼၼ်ႉၵေႃႈ ပီႈၼွင်ႉတႆး ဢၼ်သမႃးၶူမ်းပၢႆးပၺ်ၺႃလႄႈၾိင်ႈငႄႈတႆးဢွၼ်ႁူဝ်လၢႆမူႇလၢႆၸုမ်း လႆႈထၢႆႇႁၢင်ႈ ၵိုၵ်း  ၼႃယၵ (ၼၢႆးယူၵ်ႉ) ၽူႈၵွၼ်းၸႄႈဝဵင်းၵဵင်းမႆႇ ထတ်းသၼႆး ပူရၼုပၵွၼ်းပဵၼ်တီႈတွင်းမၢႆ  လွင်ႈဝႃႈ ပီႈၼွင်ႉတႆး ၸိူဝ်းပဵၼ် ၸႃႇတိၵိုၵ်းမိူင်းၵေႃႈလီ ပုတိ ဢၼ်မႃးပၵ်းလၵ်းပၵ်းထၢၼ် ႁူမ်ႈတင်းၸိူဝ်းမႃးႁဵတ်းၵၢၼ်ၼႂ်းမိူင်းထႆးၵေႃႈ လႆႈၼႄထိုင် လွင်ႈတၢင်းၵၢၼ်ၼပ်ႉထိုဝ်ၼိူဝ်ၾႃႉၼၢင်းၸဝ်ႈႁေႃၶမ်းႄလႈၸႂ်မႅတ်ႇပႅင်းငိူၼ်ႈငဝ်ႈပိုၼ်းၸိူဝ်ႉ သၢႆလိူတ်ႈ ၵူၼ်းၶိူဝ်းတႆး တူဝ်ႈလုမ်ႈၾႃႉ ဢၼ်တိုၵ်ႉမီးႁေႃၶမ်းယူႇယၢမ်းလဵဝ် ၵိုတ်းပီႈၼွင်ႉထႆးၸိူဝ်ႉႁိူဝ်သၢႆၶိူဝ်းတႆးၼၼ်ႉၵူၺ်း။