ႁူင်းႁဵၼ်းၸိူဝ်ႉၸၢတ်ႈမိူင်းၶိူဝ်း ၵေႃႇသၢင်ႈယဝ်ႉတူဝ်ႈသေ ပိုၼ်ၽၢဝ်ႇႁပ်ႉလုၵ်ႈႁဵၼ်း ၽူႈသူၼ်ၸႂ် ၶဝ်ႈလဵပ်ႈႁဵၼ်းတႄႇၵၢင်လိူၼ်ၵျုၼ်ႊ 2017 ၼႆႉၵႂႃႇ။


တႄႇဝၼ်းတီႈ 15/06/2017 ႁူင်းႁဵၼ်းၸိူဝ်ႉၸၢတ်ႈမိူင်းၶိူဝ်း ပိုတ်ႇႁပ်ႉလုၵ်ႈႁဵၼ်း ၸိူဝ်းသူၼ်ၸႂ် ဢႃယု 5 ၶူပ်ႇၶိုၼ်ႈၼိူဝ် ၶိုၼ်ႈႁဵၼ်းဢဝ်တၢင်းႁူႉတၢင်းမေႃတႃႇပူၵ်းပွင်ၼမ်ႉၵတ်ႉၸဝ်ႈၵဝ်ႇ၊ ႁူင်း ႁဵၼ်းၼႆႉ ပူင်သွၼ်ပၼ်လၢႆလၢႆဢမ်ႇမီးၵႃႈၸႂ်ႉၸၢႆႇသင် မီးတီႈၵိၼ်တီႈၼွၼ်းပၼ် ပီဢွၼ်တၢင်း တေႁပ်ႉတႃႇ 30 ၵေႃႉ၊ ၶူးပူင်သွၼ်မီး 7ၵေႃႉ။

Photo:Mao Han

ၸၢႆးႁၢၼ်ၶိူဝ်း ႁူဝ်ၼႃႈၵူၼ်းၼုမ်ႇမိူင်းၶိူဝ်းလၢတ်ႈဝႃႈ- “ ႁူင်းႁဵၼ်းၸိူဝ်ႉၸၢတ်ႈၼႆႉ ၵိုင်ႇလီမီးလႄႈ ၵိုင်ႇလီႁဵတ်းၸဵမ်လႂ်ယဝ်ႉ ပေႃးဢဝ်ၵၢၼ်ပၢႆးပၺ်ၺႃဝႃႈၸိုင် တႆးတူၵ်းလိုၼ်းပိူၼ်ႈဝႆႉႁႅင်းၼႃႇ ၵၢၼ် ဢဝ်ၽႃသႃဢူႈမႄႈ သေပူၵ်းပွင်ၼႆႉမၼ်းတေႁဵၼ်းလႆႈ ထိုင်လွၼ်ႉၵႅၼ်ပၢႆးပၺ်ၺႃ ဢၼ် ၸႅတ်ႈၸၢင်ႇ မၼ်းယဝ်ႉ” ဝႃႈၼႆ ။


ႁူင်းႁဵၼ်းၸိူဝ်ႉၸၢတ်ႈမိူင်းၶိူဝ်းၼႆႉ ၵေႃႇတင်ႈမႃးမိူဝ်ႈပီႈ 2015 ယိူင်းဢၢၼ်းတႃႇႁႂ်ႈလုၵ်ႈ ဢွၼ်ႇလႆႈ ႁဵၼ်းႁူႉဢဝ်လိၵ်ႈလၢႆးႁဝ်း တၢင်းႁူႉတၢင်းႁၼ်ဢၼ်ဢဝ်ၽႃသႃပေႃႈမႄႈသေပူင်သွၼ်ပၼ် ၊တႃႇပူၵ်း ပွင်လုၵ်ႈဢွၼ်ႇၼေႃႇတႅၼ်းၶိူဝ်း၊ ႁႂ်ႈၸိူဝ်ႉၶိူဝ်းတႆးၶိုၼ်ႈယႂ်ႇ၊ မိူဝ်ႈလဵဝ်ယူႇၼႂ်းၶၵ်ႉတွၼ်ႈပိုတ်ႇႁပ်ႉ လုၵ်ႈႁဵၼ်းဝႆႉ တေတႄႇသွၼ်ဝၼ်းလႂ်၊ တေၸႂ်ႉၽႃသႃဢၼ်လႂ်သေပူင်သွၼ် ဢၼ်ဝႃႈၼၼ်ႉ ၽူႈယႂ်ႇ ၵူၼ်းလူင်လႄႈ ၵေႃပွင်ၵၢၼ်ႁူင်းႁဵၼ်းတိုၵ်ႉဢုပ်ႇၵၼ်ယူႇ ဝႃႈၼႆ။