ၸဝ်ႈၼႃႈတီႈပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ၸႄႈဝဵင်းလွႆလႅမ် ၵူတ်ႇထတ်းတီႉၺွပ်းလႆႈ ယႃႈမဝ်းၵမ် သႅၼ်းယႃႈမ  တင်း ယႃႈဢႆႊသ် တူၵ်းမႅၼ်ႈငိုၼ်းမၢၼ်ႈ သႅၼ် 12,780 ပျႃး။

ဝၼ်းတီႈ 15/05/2017 ယၢမ်းၵၢင်ၶမ်ႈ တီႈဝၢၼ်ႈပၢင်ႇၶွၵ်ႈဝူဝ်း ၼိူဝ်သဵၼ်ႈတၢင်း လွႆလႅမ်-ၼမ်ႉၸၢင် ၸႄႈဝဵင်း လွႆလႅမ် ၸိုင်ႈတႆး ပွတ်းၸၢၼ်းၼၼ်ႉ ယူႇတီႈၸဝ်ႈၼႃႈတီႈပလိၵ်ႈၸႄႈဝဵင်းလွႆလႅမ် ၵူတ်ႇထတ်း ၼႂ်းလူတ်ႉၵႃး ထၢၼ်ႇသႅဝ်ႇယၢၼ် လႆႈထူပ်းႁၼ်ယႃႈမ တင်းယႃႈဢႆႊသ် သႂ်ႇၼႂ်းလူတ်ႉၵႃး မၼ်းၸၢႆး တင်းမူတ်း 278,000 မႅတ်ႉ၊ ယႃႈဢႆႊသ်ႉ ၼမ်ႉၼၵ်း 40 ၵီႊလူဝ်ႊၵရမ်ႊ တင်းမူတ်း တူၵ်းမႅၼ်ႈငိုၼ်း 12,780 သႅၼ်ပျႃး ဝႃႈၼႆ။


ၵႅမ်ၽူႈၵွၼ်းပလိၵ်ႈၸႄႈဝဵင်းလွႆလႅမ် လိၼ်းလိၼ်းထုၼ်း လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ “ တေႃႈလဵဝ် ဢၼ် ႁဝ်းၶႃႈ လႆႈႁပ်ႉႁူႉဝႆႉ ထၢၼ်ႇသႅဝ်ႇယၢၼ်ၼႆႉ မၼ်းၸၢႆးယူႇၼႂ်းၸုမ်းပီႇတူႉၸိတ်ႉၵွင်းၶႃး တၢင်းၸႄႈဝဵင်းၵူတ်ႉၶၢႆ၊ မၼ်းၸၢႆးလုၵ်ႉတၢင်းၸႄႈဝဵင်းသႅၼ်ဝီ တေၵႂႃႇသူင်ႇတီႈၸႄႈဝဵင်းၼမ်ႉၸၢင် လႆႈႁပ်ႉႁူႉၸွမ်းၼင်ႇၼႆ” ဝႃႈၼႆ။


တေႃႈလဵဝ် ယူႇတီႈၾၢႆႇၸဝ်ႈၼႃႈတီႈပလိၵ်ႈၸႄႈဝဵင်းလွႆလႅမ် ဢဝ်လိူင်ႈ ၵူတ်ႇထတ်းလွင်ႈၼႆႉ တီႈႁူင်းပလိၵ်ႈ ၸႄႈဝဵင်းလွႆလႅမ်ယူႇ ဝႃႈၼႆ။