ၸုမ်းၵေႃတႆး ၸတ်းႁဵတ်းပၢင်ၽိုၵ်းၾွၼ်ႉၼမ်ႉၵတ်ႉၵူၼ်းၼုမ်ႇ တီႈဝဵင်းလႃႈသဵဝ်ႈ ၵူၼ်းၼုမ်ႇၼႂ်း ၸုမ်းလႄႈႁိမ်းႁွမ်းၶဝ်ႈႁူမ်ႈလဵပ်ႈႁဵၼ်းတင်းၼမ်။


ဝၼ်းတီႈ 25/05/2017 ၸုမ်းၵေႃတႆးၸတ်းႁဵတ်းပၢင်လူင်းၵၢၼ်သွၼ် သူင်ႇသင်ႇလုၵ်ႈႁဵၼ်း တီႈႁွင်ႈ ၵၢၼ် ၵၢၼ်သၢင်ႈတူင်ႇဝူင်းၵူၼ်းၾိင်ႈလီ ဝၢၼ်ႈၵွင်းတႃႈပုင်ႇ ဝဵင်းလႃႈသဵဝ်ႈ  ၸိုင်ႈတႆးပွတ်း ႁွင်ႇမီး ၶူးလႄႈ လုၵ်ႈ ႁဵၼ်းၶဝ်ႈႁူမ်ႈ 40 ပၢႆ ။ ပၢင်သွၼ်ၼႆႉတႄႇမႃးမိူဝ်ႈဝၼ်းတီႈ 01/04 – 25/05/2017 ၶၢဝ်းတၢင်းၸမ် 2 လိူၼ်။

ၼႂ်းပၢင်သွၼ်ၼႆႉ ပူင်သွၼ်ပၼ် မိူၼ်ၼင်ႇ ၵၢၼ်ပူၵ်းပွင်တူင်ႇဝူင်းၵူၼ်း၊ ၵၢၼ်မိူင်း ၊ ၵၢၼ်သိုၵ်း၊ ပိုၼ်ႉထၢၼ်လွင်ႈတီႊမူဝ်ႊၶရေႊၸီႊ၊ ၵၢၼ်ႁႃၶေႃႈမုလ်းၶၢဝ်ႇ၊ ၵၢၼ်ၽုၵ်ႇသွမ်ႈ၊ လွင်ႈတီႈလိၼ်ၸိူဝ်းၼႆႉ။ ၶူးပူင်သွၼ်ပဵၼ် ၼၢင်းၶဵမ်ဝၼ်း၊ ၸၢႆးမိၼ်ႉ၊ ၸၢႆးဢုတ်ႉ၊ ၸၢႆးသိူဝ်ႁၢၼ်၊ ၸၢႆးၵျေႃႇၶိူဝ်း၊ ၸၢႆးလႅင်းၶမ်း။ မီးၵူၼ်းၼုမ်ႇၼႂ်းၸုမ်းၵေႃတႆးလႄႈ ႁိမ်းႁွမ်းမႃးၶိုၼ်ႈ ႁဵၼ်းဢဝ်30 ပၢႆ။


ၶူးသွၼ်ၸၢႆးလႅင်းၶမ်း  လၢတ်ႈဝႃႈ- “ ယိူင်းဢၢၼ်းႁဝ်းၶႃႈတႄႉၼင်ႇ ႁိုဝ်ၵူၼ်းၼုမ်ႇၶဝ်တေ ၸၢင်ႈၶိုၼ်းမိူဝ်းပူၵ်းပွင်ၼႂ်းဢိူင်ႇပိုၼ်ႉတီႈၽႂ်မၼ်း ၼင်ႇႁိုဝ်ၼႂ်း ဢိူင်ႇဝၢၼ်ႈႁဝ်း တေလီယူႇ ၶိုၼ်ႈယႂ်ႇ။ဝၢၼ်ႈမိူင်းႁဝ်းႁႂ်ႈႁဝ်းလႆႈဢွၼ်ၵၼ်ပူၵ်းပွင် ၊ ယႃႇပေႁႂ်ႈလႆႈ ဢွၼ်ၵၼ်ပၢႆႈဢွၵ်ႇမိူင်းတိၵ်းတိၵ်းယဝ်ႉ ဢွၼ်ၵၼ်ပွၵ်ႈမႃးၶိုၼ်းပူၵ်းပွင်ဢိူင်ႇဝၢၼ်ႈ ပိုၼ်ႉတီႈ ၸဝ်ႈၵဝ်ႇ”  ဝႃႈၼႆ။


ၸုမ်းၵေႃတႆးၼႆႉ ၵေႃႇတင်ႈမႃးမိူဝ်ႈပီ 1999 ၊ပူင်သွၼ်ယုၵ်ႉမုၼ်းၼမ်ႉၵတ်ႉၵူၼ်းၼုမ်ႇ မိူၼ်ၼင်ႇ ၵၢၼ်ၶၢဝ်ႇ၊ ၵၢၼ်မိူင်း၊ ၵၢၼ်တူင်ႇဝူင်းၵူၼ်း၊ လိၵ်ႈဢဵင်းၵလဵတ်ႈ၊ ပိုၼ်ႉထၢၼ် Computer ၊ ၵၢၼ်ပူၵ်း ပွင်ဢိူင်ႇဝၢၼ်ႈပိုၼ်ႉတီႈ ၸဵမ်ၸိူဝ်းၼႆႉ လိူဝ်ၼၼ်ႉၶပ်းၶိုင်ပၼ်ႁႂ်ႈ လုၵ်ႈႁဵၼ်းလႆႈတိုဝ်ႉတၢင်း ၵႂႃႇ ႁဵၼ်းၼွၵ်ႈမိူင်း။ ၸိူဝ်းပွၵ်ႈမႃး ၸွႆႈတူင်ႉၼိုင်ၼႂ်းၸုမ်းၶိုၼ်းမီး 30 ပၢႆယဝ်ႉ – ဝႃႈၼႆ ။