လူမ်းလႅင်ႉ၊ မၢၵ်ႇႁဵပ်းတူၵ်း ၼႂ်းၸႄႈဝဵင်းမိူင်းပွၼ်၊ ၼမ်ႉၸၢင်လႄႈ ႁိူၼ်းၵူၼ်းလူႉၵွႆၼမ်။

 

ၼႂ်းဝၼ်းတီႈ 29/04/2017 ယၢမ်းဝၢႆးဝၼ်း ၾူၼ်လူင်-လူမ်းလႅင်ႉ မၢၵ်ႇႁဵပ်းတူၵ်းႁၢဝ်ႈႁႅင်း ၼႂ်း ၸႄႈဝဵင်းမိူင်းပွၼ် လႄႈ ၸႄႈဝဵင်းၼမ်ႉၸၢင် ၸႄႈတွၼ်ႈလွႆလႅမ် ၸိုင်ႈတႆး ပွတ်းၸၢၼ်း။ တီႈပွၵ်ႉ ဝၢၼ်ႈမႂ်ႇ ဝဵင်းမိူင်းပွၼ် လင်းႁိူၼ်း လူႉလႅဝ်ၵႂႃႇ 3 လင်၊ လဵၵ်းမုင်းႁိူၼ်းတင်းၽႃၵင်ႈႁိူၼ်း ၵွၵ်းဢွၵ်ႇ ပိဝ်ၸွမ်းလူမ်း ဝႃႈၼႆ။

တီႈဝၢၼ်ႈႁၢႆးၽၵ်း-ၸႄႈဝဵင်းၼမ်ႉၸၢင်ၵေႃႈ ၺႃးလူမ်ႉလႅင်ႉလႄႈ လင်ႁိူၼ်း 70 ပၢႆ ၵူၼ်ႇပင်း လူႉလႅဝ်။ မႆႉႁိူၼ်းၽတ်ႉသႂ်ႇၼႃႈ- ပႃႈၵူဝ်ႇမႃႇ ဢႃယု 55 ပီ မၢတ်ႇၸဵပ်း။ ၾႃႉၽႃႇၺႃးဝူဝ်းတၢႆ တူဝ်ၼိုင်ႈ။

ၼွၵ်ႈလိူဝ်ၼၼ်ႉ သဝ်ၾႆး/လၵ်းၾႆးၵေႃႈ ႁၵ်းလူမ်ႉတင်းၼမ်၊ တူၼ်ႈမႆႉယႂ်ႇ/လူင်ၵေႃႈ ႁၵ်းလူမ်ႉ တူၵ်းၸွမ်းသဵၼ်ႈတႃႈသၢႆတၢင်း ၸွမ်းဝၢၼ်ႈ။ တူၼ်ႈမႆႉယႂ်ႇ/လူင် မႆႉၺွင်ႇၸဵမ်ၸိူဝ်းၼႆႉ ႁၵ်းသႂ်ႇ ၸွမ်းဝၢင်းဝတ်ႉ တင်းၼမ်လၢႆ ဝႃႈၼႆ။

ႁိူၼ်းၵူၼ်းဝၢၼ်ႈၵမ်ႈၼမ် ပဵၼ်လဵၵ်းမုင်းယူႇသေတႃႉ၊ ဢမ်ႇၸႂ်ႉလဵၵ်းတွၵ်ႇလႄႈ ၸင်ႇပိဝ် ၸွမ်းလူမ်းငၢႆႈ- ဝႃႈၼႆ။

ႁွင်ႈၵၢၼ်ၾၢႆႇပႂ်ႉတူၺ်းၾိင်ႈၾႃႉရႃႇသီႇၵေႃႈ ပိုၼ်ၽၢဝ်ႇဝႃႈ ၼႂ်းႁူဝ်လိူၼ်မေႊၼႆႉ တေမီးၾူၼ် လူမ်း- လူမ်းလႅင်ႉၶၢဝ်းမႆႈလႄႈ ထုၵ်ႇလႆႈၾၢင်ႉၵၼ်ဝႆ- ဝႃႈၼႆ။

ၸုမ်းၶၢဝ်ႇၽူႈတွႆႇႁွၵ်ႈ/ ၸၢႆးယွတ်ႈၶမ်း 01/05/2017