ၸိုင်ႈတႆးပွတ်းႁွင်ႇ ၸႄႈဝဵင်းသီႇပေႃႉ ထုင်ႉၼမ်ႉလၼ်ႈ ၼၼ်ႉ ၵူၼ်းမိူင်းႁိမ်း 300 ၶဝ်ႈတိုဝ်းၵမ် သိၼ်ထမ်း တီႈဝိႁၢရ် သႃသၼႃ ႁူမ်ႈယဵၼ် (ဝတ်ႉၵွင်းလႅင်း) ။

ဝၼ်းတီႈ 8–17/4/2017 ၸဝ်ႈတူၼ်ၶူးဢူးၺႃႇၼိၵ ဢွၼ်ႁူဝ် တၵ်ႉၵႃႇသတ်ႉထႃး ထုင်ႉၼမ်ႉလၼ်ႈ၊ သီႇပေႃႉ သေ ၸတ်းႁဵတ်း ပၢင်တိုၵ်းၵမ်သိၼ်ထမ်း (ပၢင်ထမ်းတြုး လူဝ်ႇယုမ်ႇယမ် လွင်ႈၵျၢင်ႉၵမ်) လႄႈ ၵူၼ်းၼုမ်ႇ၊ ၵူၼ်းၶၢဝ်ႉ၊ ၵူၼ်းထဝ်ႈ တင်းမူတ်း 280 ၵေႃႉ ၶဝ်ႈႁူမ်ႈ ႁဵတ်းၵၢၼ်တၢင်းလီ ဝႃႈၼႆ။

ပႃႈၼၢင်းပၢင်ႇ ၽူႈၶဝ်ႈႁူမ်ႈတိုဝ်းၵမ်ၼၼ်ႉလၢတ်ႈဝႃႈ   - ပၢင်တြုးပွၵ်ႈၼႆႉ ႁဝ်းၶႃႈႁၼ် ၽွၼ်းလီ ၼမ်၊ 

ပဵၼ်လွင်ႈတင်းၵတ်းယဵၼ်၊ လႆႈတၢင်းႁူႉလၢႆလွင်ႈသေ ၼင်ႇႁိူဝ် သႃႇသၼႃႇ ၶမ်း ၽြုးပေႃးတေႁိူဝ်ႈႁိူင်း 

ပိူင်းသႂ်ၵႂႃႇတၢင်းၼႃႈၼၼ်ႉ ပီၼႃႈၾႃႉမႂ်ႇမႃးၵေႃႈ မုင်ႈမွင်းႁႂ်ႈမီး ပၢင် ထမ်းတြုးထႅင်ႈ ပၢင်တြုးတီႈလႂ်သေ

ဢမ်ႇဝႃႈ ပေႃးႁဝ်းတင်း ၵႂုႇလႆႈပႆလႆႈယူႇၸိုင် ႁႂ်ႈလႆႈၶဝ်ႈႁွတ်ႈၵူႈပၢင်  - ဝႃႈၼႆ။

ပၢင်တိုဝ်းၵမ် (ပၢင်တြုး) ဢၼ်ၸဝ်ႈၶူးၺႃႇၼိၵ ဢွၼ်ႁူဝ်ၸတ်းႁဵတ်းဢွင်ႈ ဝတ်ႉသႃသၼႃႁူမ်ႈယဵၼ် 

ဝတ်ႉၵွင်းလႅင်း ပီၼႆႉ ပွၵ်ႈၵမ်း 18 ။ ဢၼ်ယၢမ်ႈၸတ်းႁဵတ်းၵူႈပွၵ်ႈ မီးၵူၼ်းၼႂ်း ထုင်ႉၼမ်ႉလၼ်ႈ ၵူၺ်း

ၶဝ်ႈႁဵတ်းၵၢၼ်တၢင်းလီ၊ ပီၼႆႉ ၵူၼ်းၼႂ်းထုင်ႉသီႇပေႃႉၵေႃႈ မႃးၶဝ်ႈႁူမ်ႈလႄႈ ႁူဝ်ၵူၼ်းမီးထိုင် ႁိမ်း 300 ၵေႃႉ - ဝႃႈၼႆ။