ၵႃးႁူၵ်းလေႃႉလမ်းၼိုင်ႈ တၢင်ႇသၢႆးၶၢမ်ႈၶူဝ် တီႈၼိုင်ႈ ၼႂ်းၸႄႈဝဵင်းၵဵင်းတုင် ၶူဝ်လူမ်ႇႁၵ်းလႄႈ လူတ်ႉတူၵ်းလူင်း ၼႂ်းမႄႈၼမ်ႉ ။

ဝၼ်းတီႈ 01/02/2017 ယၢမ်းဝၢႆးဝၼ်း 15:00 မူင်း လူတ်ႉၵႃး 6 လေႃႉ တၢင်ႇသၢႆးသေ တေဢၢၼ်း သူင်ႇတီႈဝတ်ႉ ဝၢၼ်ႈငႅၼ်း ဢိူင်ႇၵၢတ်ႇတဝ်ႇ ဝဵင်းၵဵင်းတုင်။ ႁႅင်းၸင်ႈၶူဝ်ဝၢၼ်ႈငႅၼ်း ဢမ်ႇၵွၼ်း ပေႉၼမ်ႉၼၵ်း ၵႃးတၢင်ႇသၢႆးလႄႈ ၶူဝ်မႆႉလင်ၼၼ်ႉၵူၼ်ႇ ႁၵ်းတူၵ်းမႄႈၼမ်ႉၵႂႃႇ။ ပီႈၼွင်ႉ ၵူၼ်းဝၢၼ်ႈလႆႈၸွႆႈၵၼ်ဢဝ် လူတ်ႉၵႃးဢွၵ်ႇ ၵေးၼမ်ႉၶိုၼ်း ဝႃႈၼႆ ။


ၵူၼ်းဝၢၼ်ႈငႅၼ်း ၵေႃႉၼိုင်ႈလၢတ်ႈဝႃႈ “ ၶူဝ်တၢင်းၶဝ်ႈဝၢၼ်ႈႁဝ်းၶႃႈၼႆႉ မၼ်းပဵၼ်ၶူဝ်မႆႉ ႁဵတ်းႁၢဝ်း ၵၢႆႇဝႆႉၵူၺ်း၊ ဢမ်ႇၸႂ်ႈဢဝ်လိၼ်ပုၼ်သိူဝ်ႇ ယွၼ်ႉၼၼ် သင်ဝႃႈ လူတ်ႉၵႃးတၢင်ႇၼၵ်းမႃးၼႆႉ မၼ်းတေဢမ်ႇႁပ်ႉလႆႈႁႅင်းၼၵ်းလူတ်ႉလႄႈလႆႈႁၵ်းၵႂႃႇ။ လူတ်ႉၵႃး 6 လေႃႉ ဢၼ်တၢင်ႇသၢႆးမႃးၼႆႉ သမ်ႉၼၵ်းလႄႈ ဢမ်ႇႁပ်ႉလႆႈႁႅင်းၼၵ်းသေ ၸင်ႇႁၵ်းလူင်းတူၵ်းၼမ်ႉၵႂႃႇ။ ၵတ်ႉၵႃႈ ၵူၼ်းႁေႃႈ လူတ်ႉ ဢမ်ႇပဵၼ်သင်၊ လူတ်ႉၵႃးတႄႉ ၵူၼ်းဝၢၼ်ႈၸွႆႈၵၼ် တင်းၶမ်ႈသေ ၸင်ႇဢဝ်ဢွၵ်ႇလႆႈ” ဝႃႈၼႆ ။


ၶူဝ်လင်ၼႆႉ ပႃႇတီႇၵၢၼ်မိူင်း ဢၼ်ၼိုင်ႈၵေႃႇသၢင်ႈဝႆႉပၼ် မိူဝ်ႈၽွင်းႁႃသဵင် ပၢင်လိူၵ်ႈတင်ႈ ပီ 2015 ပူၼ်ႉမႃး ၼၼ်ႉဝႃႈၼႆ ။


လႅင်ႇၶၢဝ်ႇ လႅတ်ႇၼုမ်ႇ မင်းရၢႆး