ၸဝ်ႈၶူးသုၶမ်း ၽူႈပွင်သၢင်ႈသႃသၼႃ ထုင်ႉသၼ်လွႆ တေယေႃးတူဝ်ၵႂႃႇပွၼ်ႈထမ်းတြႃး ပၼ်ပီႈ ၼွင်ႉတႆး ၸိူဝ်းႁဵတ်းၵၢၼ်ၼႂ်းမိူင်းထႆး တီႈဝတ်ႉမႂ်ႇ မိူင်းၵွၵ်ႇ ၸိုင်ႈထႆး ။

ၸဝ်ႈၶူးသုၶမ်း တၵ်ၵသီလမႁႃၸရိယ MA (Buddhism) လႄႈ MA (Sri Lan ka) မႁႃၵမ်မတ်ထႃ ၼႃၸရိယ ၊ ထမ်မၵထိၵ ၽူႈႁေႃးတြႃး ပိုၼ်ၽႄႈသႃသၼႃၼွၵ်ႈမိူင်းၼႂ်းမိူင်း တေပွၼ်ႈထမ်း တီႈဝတ်ႉမႂ်ႇ သႃထုပရႃႇၻိတ်ႇ ၊ ဝဵင်းမိူင်းၵွၵ်ႇ ၸိုင်ႈထႆး ၼႂ်းဝၼ်းတီႈ 13 /11/2016 ဝၼ်းဢႃးတိတ်ႉ တႄႇၶၢဝ်းယၢမ်းၵၢင်ၼႂ် 09:00 တေမီးပႃးပၢင်လူႇတၢၼ်းသၢင်ႇၵၢၼ်းၵ ထိၼ်ႇ ။


ၸၢႆးသႅင်ၸၢႆး လၢတ်ႈဝႃႈ – “ၼင်ႇႁိုဝ်ပီႈၼွင်ႉတႆး ၸိူဝ်းၽၢတ်ႇ ယၢၼ်ႁိူၼ်းယေးသေ ယူႇပဵၼ်မူႇ ၸုမ်းလႄႈ သင်ယူႇၵေႃႉလဵဝ်လႄႈသင် ပေႃးတေလႆႈႁၵ်ႉႁွမ်ၵၼ် ၊ ပဵၼ်ဢၼ်ၼိုင်ႈဢၼ်လဵဝ်ၵၼ်၊ လႆႈထွမ်ႇတြႃးတႆးႁဝ်းၼႆၶႃႈဢေႃႈ ။ ၽိတ်ႈမွၵ်ႇထိုင် ပီႈၼွင်ႉတီႈၸမ် တီႈၵႆ မႃးထွမ်ႇထမ်းၼမ် ၼမ်ၶႃႈ ” - ဝႃႈၼႆ ။


ပၢင်ပွၼ်ႈထမ်းၼႆႉ ယူႇတီႈၵေႃပွင်ၵၢၼ်ၽွမ်ႉႁူမ်ႈပီႈၼွင်ႉတႆး မိူင်းၵွၵ်ႇ ၸိုင်ႈထႆး ႁူမ်ႈၵၼ်သေၸတ်းႁဵတ်း ။


မိူဝ်ႈ ႁူဝ်ပီ2016ၼႆႉၵေႃႈ ယူႇတီႈမုၵ်ႉၸုမ်းၸၢဝ်းၶိူဝ်းတႆး (မိူင်းၵွၵ်ႇ) ႁူမ်ႈပေႃႈမႄႈတၵ်ႉၵႃႇသတ်ႉထႃး ပီႈၼွင်ႉတႆးၼႂ်း မိူင်းၵွၵ်ႇ ႁူမ်ႈၵၼ် ၶပ်းၶိုင်လႄႈ ၸဝ်ႈၶူးသုၶမ်း ပွၼ်ႈထမ်းတြႃးယဝ်ႉၵမ်းၼိုင်ႈ ။