ႁႅင်းၵၢၼ်မိူင်းမၢၼ်ႈၺႃးၾႃႉၽႃႇ မိူဝ်ႈဢုပ်ႇၾူၼ်းတႂ်ႈတူၼ်ႈမႆႉ ၽွင်းယၢမ်းၽူၼ်တေတူၵ်း ။

ဝၼ်းတီႈ 01/10/2016 ၶၢဝ်းယၢမ်း 12:00 ၸဝ်ႈၼႃႈတီႈပလိၵ်ႈတီႈႁူင်းပလိၵ်ႈ မိူင်းရႃႊယွင်ႊလႆႈ ႁပ်ႉၸႅင်ႈဝႃႈမီးၵူၼ်းႁဵတ်းၵၢၼ်ႁူင်းငၢၼ်းၺႃးၾႃႉၽႃႇ တီႈတၢင်းလင်ၶွမ်ႊပၼီႊပၢင်ႊၵွၵ်ႊမၢတ်ႉသ် တိူဝ်ႊဝုတ်ႊဢၼ်မီးယူႇတီႈဢိူင်ႇမၶၢမ်ၶူႊၸႄႈဝဵင်းၼိၶူမ်ႊၽတ်ႊထၼႃးၸႄႈတွၼ်ႈရႃႉယွင်းပွတ်းဢွၵ်ႇၸိုင်ႈထႆး ။


ႁႅင်းၵၢၼ်မိူင်းမၢၼ်ႈဢၼ်ၺႃးၾႃႉၽႃႇပဵၼ်ၸၢႆးၼႃႉၸၢၼ်းဢႃယု 28 ပီလႄႈ ၸၢႆးသဵၼ်ႊသႃႊရႃႊ ဢႃယု 28 ပီ။ ၶဝ်သွင်ၵေႃႉမၢတ်ႇၸဵပ်းႁႅင်းသေသူင်ႇၵႂႃႇတီႈႁူင်းယႃၼိၶူမ်းၽတ်းထၼႃး ၼႆယဝ်ႉ ။


သိုဝ်ႇၶၢဝ်ႇထႆးပိုၼ်ၽၢဝ်ႇဝႃႈ - ၾႃႉၽႃႇၼႆႉပဵၼ်မိူဝ်ႈၽွင်းႁႅင်းၵၢၼ်ၶဝ်ဢွၼ်ၵၼ်ၵိၼ်ၶဝ်ႈဝၼ်းမိူဝ်ႈ ဝၼ်းၼၼ်ႉသမ်ႉၾႃႉငိုပ်းၾႃႉၽႃႇသေၸၢႆးသဵၼ်ႊသႃႊလႃႊသမ်ႉဢုပ်ႇၾူၼ်းလႄႈၾႃႉၸင်ႇၽႃႇလူင်းမႃးတီႈတူၼ်ႈမႆႉဢၼ်ၶဝ်ၼင်ႈၵိၼ်ၶဝ်ၼၼ်ႉသေၽႃႇၺႃးႁႅင်းၵၢၼ်2ၵေႃႉထိုင်တီႈပေႃးလႆႈမၢတ်ႇၸဵပ်း- ဝႃႈၼႆ ။


ၵဵဝ်ႇၵပ်းလွင်ႈၼႆႉ မိူဝ်ႈလိူၼ်ဢေႃႊၵတ်ႉသ် 2015 ၼၼ်ႉၵေႃႈယွၼ်ႉၾူၼ်တူၵ်းႁႅင်း တီႈၸႄႈတွၼ်ႈ ပထုမ်ႊထႃႊၼီႊသေသွင်ၵေႃႉပီႈၼွင်ႉလႄႈ လၢၼ်ဢွၼ်ႇၵေႃႉၼိုင်ႈၺႃးၾႃႉၽႃႇၽွင်းၶီႇရူတ်ႉၶိူင်ႈ မိူဝ်းၸွမ်းတူင်ႈၼႃး ဝႃႈၼႆ ။


ၽူႈလူင်ႉလႅၼ်ႇ ၵေႃႈပိုၼ်ႇၽၢဝ်ႇၾၢင်ႉဝႃႈ ပေႃးၽူၼ်တူၵ်းႁႃႇယႂ်ႇ ႁႂ်ႈၾၢင်ႉ ၵၢၼ်ၸႂ်ႉၾူၼ်း၊ ၶွမ်းၽိဝ်း ၻိူဝ်ႊ၊ ပေႃးပဵၼ်လႆႈ ႁႂ်ႈပိၵ်ႉၶိူင်ႈၾူၼ်း ဝႃႈၼႆ ။