လူင်ပွင်ၸိုင်ႈမၢၼ်ႈ ပိုၼ်ၽၢဝ်ႇ ဢွင်ႈပိုၼ်ႉတီႈ ၸိူဝ်းတေဢမ်ႇၸတ်း ပၢင်လိူၵ်ႈတင်ႈ မီးၼႂ်း 4 ၸႄႈမိူင်းလႄႈ 1 တိူင်း ။ ၼႂ်းၼၼ်ႉ ၸႄႈမိူင်းၶၢင် ၊ မိူင်းယၢင်း ၊ မိူင်းတႆး ၊ မိူင်းမွၼ်း ၊ မိူင်းမၢၼ်ႈ တိူင်းပၵူဝ်း ၸိူဝ်းၼႆႉ ။

ဝၼ်းတီႈ 12/10/2015 (မိူဝ်ႈဝႃး) လူင်ပွင်ၸိုင်ႈမၢၼ်ႈပိုၼ်ၽၢဝ်ႇ မၢႆၶေႃႈပိုၼ်ၽၢဝ်ႇ 61/2015  ဝႃႈ - ပၢင်လိူၵ်ႈတင်ႈ ဝၼ်းတီႈ 8 လိူၼ်ၼူဝ်ႊဝႅမ်ႊၿိူဝ်ႊ (2015) ဢၼ်ၶဝ်ႈပႃးၵူႈမူႇၵူႈၸုမ်း ၵူႈပႃႊတီႊ ၻီႊမူဝ်ႊၶရေႊၸီႊၼၼ်ႉ ပိုၼ်ႉတီႈ ၸိူဝ်းတေဢမ်ႇပဵၼ်ၸတ်း ပၢင်လိူၵ်ႈတင်ႈၼၼ်ႉ မီးၼင်ႇၼႆ ။


ၼႂ်းၸႄႈမိူင်းၶၢင်ၼႆႉ ၸႄႈဝဵင်းမၶျၢမ်းပေႃး မီး 15 ဢိူင်ႇ ။ ၸႄႈဝဵင်းသူမ်ႇပရႃႇပူမ်ႇ မီး 31 ဢိူင်ႇ ၊ ၸႄႈဝဵင်းၶၢဝ်ႇလၢၼ်ႇၽူး 2 ဢိူင်ႇ ၊ ၸႄႈဝဵင်းဝၢႆးမေႃႇ 16 ဢိူင်ႇ ၊ ၸႄႈဝဵင်းၶျီႇၽူၺ်ႇ 9 ဢိူင်ႇ ၊ ၸႄႈဝဵင်းသေႃႉလေႃႇ 8 ဢိူင်ႇ ၊ ၸႄႈဝဵင်းဢိၼ်ႇၵျၢၼ်းယၢၼ်ႇ 61 ဢိူင်ႇ ၊ ၸႄႈဝဵင်းတၼၢႆး 9 ဢိူင်ႇ ၊ ၸႄႈဝဵင်းမိူင်းမွၵ်ႇ 27 ဢိူင်ႇ ၊ ၸႄႈဝဵင်းမၢၼ်ႈၸေႈ 23 ဢိူင်ႇ ၊ ၸႄႈဝဵင်းသူၺ်ႇၵူႇ 10 ဢိူင်ႇ ။


ၸႄႈမိူင်းယၢင်း ၸႄႈဝဵင်းၽႃဢၢင်ႇ 1 ဢိူင်ႇ ၊ ၸႄႈဝဵင်းလၢႆးပွႆႉ 8 ဢိူင်ႇ ၊ ၸႄႈဝဵင်းတၢၼ်ႇတွင်ႇၵျီး 9 ဢိူင်ႇ ၊ ၸႄႈဝဵင်းၵေႃးၵလဵၵ်ႉ 7 ဢိူင်ႇ ၊ ၸႄႈဝဵင်း ၵျႃႇဢိၼ်းသဵၵ်ႉၵျီး 38 ဢိူင်ႇ ၊ ၸႄႈဝဵင်း မျႃႉဝတီႇ 6 ဢိူင်ႇ ၊ ၸႄႈဝဵင်းၽႃပုၼ်ႇ 25 ဢိူင်ႇ ။


ၸႄႈမိူင်းတႆး ဝဵင်းပၢင်သၢင်း ၊ ဝဵင်းပၢင်ဝၢႆ ၊ ဝဵင်းမိူင်းမႂ်ႇ ၊ ဝဵင်းၼႃးၽၢၼ်း ၊ ဝဵင်းမိူင်းလႃး ။ ၸႄႈဝဵင်းမူႇၸႄႈ မီး 4 ဢိူင်ႇ ၊ ၸႄႈဝဵင်းဝၢၼ်ႈတူင်ႈ 2 ဢိူင်ႇ ။ ၸႄႈဝဵင်းမိူင်းၶၢၵ်ႇ 4 ဢိူင်ႇ ။ ၸႄႈဝဵင်းမိူင်းယၢင်း ၸိုင်ႈတႆးပွတ်းဢွၵ်ႇ 15 ဢိူင်ႇ ။ ၸႄႈဝဵင်းမိူင်းယွင်း 8 ဢိူင်ႇ ၊ ၸႄႈဝဵင်းမိူင်းတူၼ် 4 ဢိူင်ႇ ၊ ၸႄႈဝဵင်းမၢၵ်ႇမၢင် 17 ဢိူင်ႇ ။


ၸႄႈမိူင်းမွၼ်း ၼႂ်းၸႄႈဝဵင်းပေးလိၼ်း မီး 1 ဢိူင်ႇ ။ မိူင်းမၢၼ်ႈ တိူင်းပၵူဝ်း (ပႃႇၵိူဝ်) မီး 2 ၸႄႈဝဵင်း ၊ ၸႄႈဝဵင်းၵျွၵ်ႉၵျီး 12 ဢိူင်ႇ ၊ ၸႄႈဝဵင်းသူၺ်ႇၸိၼ်ႇ 29 ဢိူင်ႇ ။