ၸုမ်းတူင်ႇဝူင်းၵူၼ်းလႄႈ ပီႈၼွင်ႉတႆးၼႂ်းၵဵင်းမႆႇ တေၸတ်းပၢင်ၽွလ်း လွင်ႈငမ်းယဵၼ်လႄႈ လူႇတၢၼ်းပၼ် ပီႈၼွင်ႉၵူၼ်းမိူင်းတႆး ၸိူဝ်းလႆႈလူႉႁၢႆတၢႆၵႂႃႇ ၼႂ်းပၢင်တိုၵ်း ဢၼ်တပ်ႉသိုၵ်းမၢၼ်ႈ ပိုတ်ႇၼႃႈသိုၵ်း ၼႂ်းမိူင်းၸိုင်ႈတႆး။

ပၢင်ႁႅၼ်းတၢၼ်းၼႆႉ တေၸတ်းတီႈဝတ်ႉၵူႇတဝ်ႈ ဢိူင်ႇသီၽုမ်း မိူင်းၵဵင်းမႆႇ၊ ဝၼ်းတီႈ 15/10/2015 ၵၢင်ၶမ်ႈမိူဝ်ႈၼႆႉ ယၢမ်း 18 မူင်း။ ၸုမ်းၸိူဝ်းႁူမ်ႈၵၼ်ၸတ်း ပဵၼ်ၸုမ်းတူင်ႉၼိုင် တူင်ႇဝူင်းၵူၼ်း 18 ၸုမ်း၊ မိူၼ်ၼင်ႇ 1.ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး (SHRF) ။ ၸုမ်းပူၵ်းပွင်ၸိုင်ႈတႆး (SSDF) ၊ ၸုမ်းသိင်ႇဝႅတ်ႉလွမ်ႉၸိုင်ႈတႆး (SSEO) ၊ သိုဝ်ႇႁႅင်းၼုမ်ႇ (SYP) ၊ ၸုမ်းၵပ်းသၢၼ်လွင်ႈၼၢင်းယိင်းတႆး (SWAN) ၊ ၸုမ်းႁႅင်းၵၢၼ်ၽွမ်ႉႁူမ်ႈ (WSA) ၊ ႁူမ်ႈတုမ်ႁႅင်းၵၢၼ်ယၢၼ်မိူင်း (MWF) ၊ ၵေႃလိၵ်ႈလၢႆးလႄႈၾိင်ႈငႄႈတႆး ၵဵင်းမႆႇ(TLCs)။ ၵေႃလိၵ်ႈလၢႆးလႄႈၾိင်ႈငႄႈတႆး မိူင်းသူႈ။ ၸုမ်းၵပ်းသၢၼ်ၵူၼ်းၼုမ်ႇတႆး (SYNG) ၊ ၸုမ်းႁႅင်းတႆးၼုမ်ႇ (SYPG) ၊ တုမ်းတူၼ်ႈတႆး၊ ၶွမ်ႊမတီႊၵူၼ်းပၢႆႈၽေးတႆး၊  ၸုမ်းၵူၼ်းပၢႆႈၽေး ၵုင်းၵျေႃႇ၊ ၸုမ်းၵူၼ်းၼုမ်ႇတႆး၊ မုၵ်ႉၸုမ်းၸၢဝ်းၶိူဝ်းတႆး၊ ႁူမ်ႈတုမ်လုၵ်ႈႁဵၼ်းတႆး ၵဵင်းမႆႇ၊ ၸုမ်းၵပ်းသၢၼ် ၸဝ်ႈႁႆႈၸဝ်ႈၼႃးတႆး ၸိူဝ်းၼႆႉ။