ၶႅပ်းသူဝ်ႇလႃႇ (ဢၼ်ႁပ်ႉႁႅင်းလႅတ်ႇ) သျွၵ်ႉ ၶႅမ်ႈလႄႈၾႆးမႆႈႁိူၼ်း ၵူၼ်းထဝ်ႈ ၸဝ်ႈႁိူၼ်း ဢႃယု 70 ပၢႆတၢႆ ၵူၼ်းၼႂ်းပိုၼ်ႉတီႈလၢတ်ႈ ။

မိူဝ်ႈဝၼ်းတီႈ 24 /10/2015  ယၢမ်းဝၢႆးဝၼ်း 3 မူင်း  ၾႆးမႆႈ ႁိူၼ်းၼၢႆးႁွင် ဢႃယု 70 ဝၢၼ်ႈၼမ်ႉပူ ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ။ ၼၢႆးႁွင်လႅၼ်ႈဢွၵ်ႇႁိူၼ်းဢမ်ႇတၼ်းပူၼ်ႉ ၺႃးၾႆးမႆႈတၢႆၵိုၵ်းႁိူၼ်း။  ၵေႃႉပဵၼ် လုၵ်ႈယိင်း မႃးၸွႆႈၶႄ ၵေႃႈလႆႈႁပ်ႉမၢတ်ႇၸဵပ်း ။


ၵူၼ်းဝၢၼ်ႈၵေႃႉၼိုင်ႈလၢတ်ႈဝႃႈ - “ လွင်ႈၸႂ်ႉၾႆးလႅတ်ႇ (ၶႅပ်းသူဝ်ႇလႃႇ ) ၼႆႉႁႂ်ႈဝႆႉၾၢင်ႉသ တိ ယႂ်ႇယႂ်ႇ ၼမ်ၼမ် ။ ယွၼ်ႉဝႃႈ မၼ်းၸၢင်ႈသျွၵ်ႉငၢႆႈ ။ ၾႆးၼႆႉပေႃးမၼ်လႆႈမႆႈ  ဢမ်ႇ လိူဝ်သင် ။   ပွၵ်ႈၼႆႉၵေႃႈ ဢဝ်သၢႆၸႂ်ၸဝ်ႈႁိူၼ်း ၵႂႃႇပႃးလူးၵွၼ်ႇ ။ ၵွပ်ႈၼၼ်ႁဝ်းၶႃႈ ထုၵ်ႇလႆႈဝႆႉသတိတႄႉတႄႉၶႃႈ ” ။

ႁိူၼ်းၼၢႆးႁွင်ဢၼ်ၾႆးမႆႈၵႂႃႇၼႆႉတႄႉ မႆႈပႃး

1. ရူတ်ႉၶိူင်ႈ 2 လမ်း

2. ၶိူင်ႈၸၢၵ်ႈ 2 လုၵ်ႈ

3. ၶဝ်ႈသၢၼထူင် 5 ၶႂၢႆး တႃႇ 5 ထူင်

4. ၶဝ်ႈပိူၵ်ႇထူင် 5 ၶႂၢႆး တႃႇ 30 ထုင်

5. ငိုၼ်း 680000

6. TV  1 လုၵ်ႈ

7. ၸၢၵ်ႈယဵပ်ႉၶူဝ်း 1 လုၵ်ႈ

8. ၶမ်း 2 ၵျၢပ်ႈ

9. ၶမ်းၵဵၼ် 4 ၵဵၼ်

10. သၢႆၶေႃႈၶမ်း ၼမ်ႉၼၵ်း 1 ၶႂၢႆး 1 သဵၼ်ႈ

11. ၶႅပ်းသူဝ်ႇလႃႇ  4 ပေႇ 6 ပေႇ 2 ၶႅပ်း

12 .ပႅတ်ႇထရီႇ လူင် 3 လုၵ်ႈ

13. မိုဝ်းထိုဝ် 1 လုၵ်ႈ

14. ၼမ်ႉမၼ်းၸိူဝ်ႉၾႆး 5 ဢုပ်း

15. ၼမ်ႉမၼ်းၵိၼ်ၼိုင်ႈပုင်း

16. ၽြႃး 4 သူႇ

17. ၽႃႈႁူမ်ႇၶူဝ်းၼွၼ်း

18.မေႃႈၶဝ်ႈၽၵ်းၶိူင်ႈၸႂ်ႉၶူဝ်းတိုဝ်းၸဵမ်ၸိူဝ်းၼႆႉ ။


 မိူဝ်ႈဝၼ်းတီႈ 03/09/2015  ၼၼ်ႉၵေႃႈ ၾႆးမႆႈ ႁူင်းသဝ်း  2 ၸၼ်ႉလင်ၼိုင်ႈၼႂ်းပွၵ်ႉ 1 ဝဵင်းလႃႈသဵဝ်ႈ ၸိုင်ႈတႆး ပွတ်းႁွင်ႇ ။  ၸၼ်ႉၼိူဝ်  3 ႁွင်ႈ  ၾႆးမႆႈ ပႅတ်ႈတင်းမူတ်း   ။