လူင်ပွင်ၸိုင်ႈမိူင်းႁူမ်ႈတုမ်မၢၼ်ႈ ပိုၼ်ၽၢဝ်ႇတေဢွၵ်ႇ မၢႆမီႈတႃႇ ၵူၼ်းႁေႃႈလူတ်း / ၵႃး တေလႆႈႁေႃႈ ၵႃးဢၼ်မီး ၵူင်းႁေႃႈၵႃး ၾၢႆႇသၢႆႉမိုဝ်း ။

မိူဝ်ႈဝၼ်းတီႈ 19/9/2015 လူင်ပွင်ၸိုင်ႈမိူင်းမၢၼ်ႈ ပိုၼ်ၽၢဝ်ႇဝႃႈ တေဢွၵ်ႇပၵ်းပိူင်မၢႆ မီႈႁႂ်ႈၵူၼ်းႁေႃႈၵႃးၵူႈၵေႃႉၸႂ်ႉလူတ်ႉ ဢၼ်မီးၵူင်းႁေႃႈၵႃး (ၽူင်ႊမႃႊလႆႊ) ၾၢႆႇသၢႆႉမိုဝ်းၵူၺ်း ဝႃႈၼႆ ။


ၵဵဝ်ႇၵပ်းလွင်ႈၼႆႉ ၼင်ႇႁိုဝ်တေၵႄႈလိတ်ႈပၼ်ႁႃ ၼိူဝ်သဵၼ်ႈတၢင်းလႄႈ ၵူၼ်ၶီႇ / ႁေႃႈလူတ်ႉ ပေႃးတေလွတ်ႈၽေး ၼႆယဝ်ႉ ။ ဢိင်ၼိူဝ်ဝၢၼ်ႈမိူင်း ပိုတ်ႇပၢင်ႇမႃး ၸဝ်ႈဢမ်းၼၢတ်ႈသိုၵ်းၵေႃႈ ပူတ်းပွႆႇဢမ်းၼၢတ်ႈပၼ် လူင်ပွင်ၸိုင်ႈၵူၼ်းႁိူၼ်းသေ ႁဵတ်းႁႂ်ႈလွၵ်ႈၵၢတ်ႇၵၢၼ် ၵႃႉၶၢႆလူတ်ႉ / ၵႃး ၵေႃႈၼမ်မႃးတႄႉတႄႉ ၵူၺ်းၵႃႈ မိူဝ်ႈလဵဝ်လူတ်ႉဢၼ်ၸႂ်ႉ ၵူင်းႁေႃႈၾၢႆႇၶႂႃၼၼ်ႉ မီးႁူဝ်ပၢၵ်ႇ 90 ဢၼ်တိုၵ်ႉမီးယူႇၼႂ် သူဝ်ႊလုမ်ႊတႃႇတေၶၢႆၼႆယဝ်ႉ ။


ၵူၼ်းမိူင်းဢၼ်ၸႂ်ႉ ၵူင်းႁေႃႈၵႃးၾၢႆႇၶႂႃၼၼ်ႉ ယွၼ်ႉပိူဝ်ႈ ၼေႇဝိၼ်းယုမ်ႇသြႃႇ (ပေႇတၢင်ႇၵႃႇလႃး) သေၸီႉသင်ႇႁႂ်ႈ ၵူၼ်းမိူင်းႁေႃႈၾၢႆႇၶႂႃမႃးတေႃႇ ထိုင်ယၢမ်းလဵဝ် ။


ပၵ်းပိူင်မၢႆမီႈဢၼ်ၼႆႉ ၼႆႉ ယၢမ်းလဵဝ်လူင်ပွင်ၸိုင်ႈ တိုၵ်ႉဢုပ်ႇၵုမ်ၵၼ်ထႅင်ႈယူႇ ၊ ဢမ်ႇပႆႇမီး ၶေႃႈၸီႉသင်ႇႁႂ်ႈၸႂ်ႉမိူဝ်ႈလႂ် ၊ လူင်ပွင်ၸိုင်ႈတေၸွႆႈထႅမ် ၵူၼ်မိူင်းၸိူင်ႉႁိုဝ် ၸဵမ်ၸိူဝ်းၼႆႉ ။ သင်ဝႃႈၶေႃႈ သင်ႇဢွၵ်ႇမႃးၸိုင်ၵူၼ်းမိူင်း ၸိူဝ်းဢၼ်မီးလူတ်ႉၾၢႆႇၶႂႃႇမိုဝ်းၼၼ်ႉ တေလႆႈမႄး လူတ်ႉၸဝ်ႈၵဝ်ႇပဵၼ် ၾၢႆႇသၢႆႉမိုဝ်း ၼႂ်းၶၢဝ်းတၢင်း 90 ဝၼ်း ဝႃႈၼႆ ။


လူတ်ႉ / ၵႃးဢၼ်ၸႂ်ႉ ၼႂ်းမိူင်းမၢၼ်ႈၼႆႉ ၵမ်ႈၼမ်ၸႂ်ႉၵူင်းႁေႃႈလူတ်ႉၾၢႆႇၶႂႃ ယွၼ်ႉပိူဝ်ႈပဵၼ်လူတ်ႉ ဢၼ်ႁဵတ်းတီႈမိူင်းၵျပၢၼ်ႊ ။


ၶေႃႊမုလ်ႊ ASTV