ဢိင်ၼိူဝ် ၽႅၼ်ၵၢၼ် ႁူမ်ႈမိုဝ်း ၽဵဝ်ႉမူၺ်ႉယႃႈ မဝ်းၵမ် ၼႂ်း 4 ၸိုင်ႈမိူင်းသေ တႄႇ ႁၢင်လိူၼ်ဢေႃႊ ၵသ်ႉမႃးၼႆႉ ပလိၵ်ႈထႆး ၺွပ်းလႆႈ ၵူၼ်းၵႃႉယႃႈ လၢႆသိပ်းၵေႃႉ ၊ ယိုတ်းယႃႈမဝ်း ၵမ်လႄႈၶူဝ်းၶွင် ငိုၼ်းၶမ်း မွၵ်ႈငိုၼ်း 17 လၢၼ်ႉဝၢတ်ႇ ဝႃႈၼႆ ။

မိူဝ်ႈ ဝၼ်းတီႈ 05/09/2015 သိုဝ်ႇၶၢဝ်ႇ ထႆးႁၢႆးငၢၼ်းဝႃႈ ၸဝ်ႈၼႃႈတီႈ ပလိၵ်ႈထႆး လူင်းပိုၼ်ႉတီႈ ဝၢၼ်ႈႁူၺ်ႈသၢၼ်ႉ ဢိူင်ႇတႃႈတွၼ်း ၸႄႈဝဵင်း မႄႈဢၢႆး ၸႄႈတွၼ်ႈ ၵဵင်းမႆႇ ။ ပိူဝ်ႈၽဵဝ်ႈမူၺ်ႉ ယႃႈမဝ်းၵမ် ၊ ယွၼ်ႉပိုၼ်ႉ တီႈဢၼ်ၼႆႉ ပဵၼ်ပိုၼ်ႉတီႈ လွၵ်ႈၵၢတ်ႇ ယႃႈမဝ်းၵမ် ဢၼ်ၵူၼ်း ၵႃႉယႃႈ ၶဝ်မႃး လိုဝ်ႈသဝ်း ။


တီႈပိုၼ်ႉတီႈၼၼ်ႉ ၸဝ်ႈၼႃႈတီႈ တီႉၺွပ်း လႆႈၵူၼ်း 7 ၵေႃႉယႃႈမႃႉ 20 မဵတ်ႉၵွင်း 7 လဝ်းမၢၵ်ႇၵွင်ႈ 38 လုၵ်ႈၼႆယဝ်ႉ ။


လိူဝ်သေၼၼ်ႉ ဢၼ်ၵူတ်ႇလႆႈ ၸွမ်းလၢၼ်ႇ  43 တီႈ တီႉၺွပ်း လႆႈထႅင်ႈ ၵူၼ်းၵႃႉယႃႈ 61 ၵေႃႉ ယႃႈမႃႉ 169,547 မဵတ်ႉ ၊ ယႃဢႆႉသ် 1.88 ၵီႊလူဝ်ႊၵရမ်ႊ ၊ ယႃႈၽိူၵ်ႇ (ႁေႊလရူဝ်ႊဢိၼ်ႊ) 3 ၵီႊလူဝ်ႊၵရမ်ႊ ၊ ၵွင်ႈ2 လဝ်း ၊ ယႃႈၾိၼ်ႇလိပ်း 24 ၵရမ်ႊ ၊ မုလ်ႊၾိၼ်ႇ 22 ၵရမ်ႊ လႄႈ ၵၼ်းၶျႃႊႁႅင်ႈ 72.62 ။


တီႈဝၢၼ်ႈ ႁူၺ်ႈသၢၼ်ႉဢိူင်ႇ တႃႈတွၼ်း ၸႄႈဝဵင်း မႄႈဢၢႆး ၸႄႈတွၼ်ႈ ၵဵင်းမႆႇ ၵူၺ်းယိုတ်း လႆႈႁိူၼ်း ၵႃႈၶၼ် 16 လၢၼ်ႉ ၊ မူ 41 တူဝ် ၊ ရူတ်ႉၶိူင်ႈ 2 လမ်း ၸၢၵ်ႈထႆၼႃး 1 လမ်း ႁူမ်ႈငိုၼ်း တင်းသဵင်ႈ 16.7 လၢၼ်ႉဝၢတ်ႇ ၼႆယဝ်ႉ ။