သမႃႊၶူမ်ႊ ပၢႆးပၺ်ၺႃ လႄႈ ၾိင်ႈငႄႈတႆး မူတ်းသဵင်ႈ ဢႃယု ၸုပ်ႈၵၢၼ် ဢၼ်ၸၢႆးသႅင်မိူင်း မင်းၵွၼ်း ပဵၼ်ၼႃယၵ ႁူမ်ႈ တင်းမူတ်း 9 ၵေႃႉၼၼ်ႉသေ ၶိုၼ်းလိူၵ်ႈ တင်ႈမႂ်ႇ ဢႃးၸၢၼ် သူမ်ၸိတ်း သုဝၼ်းၼၿုတ်ႇ ၵူၼ်းတႆးၸႃႇတိ မႄႈႁွင်ႈသွၼ် ၶိုၼ်ႈပဵၼ် ၼႃယၵ (ၼၢႆႊယူၵ်ႉ) ၵေႃႉမႂ်ႇ ။

ဝၼ်းတီႈ 06/09/2015 ၽွင်းယၢမ်း 10.00-14.00 မူင်း (မိူဝ်ႈဝႃး) ၼႆႉ သမႃႊၶူမ်ႊ ပၢႆးပၺ်ၺႃ လႄႈ ၾိင်ႈငႄႈတႆး ၸတ်းႁဵတ်း ပၢင်ၵုမ်လူင် တီႈႁွင်ႈၵၢၼ် သမႃႊၶူမ်ႊ ပၢႆးပၺ်ၺႃ လႄႈ ၾိင်ႈငႄႈတႆး တီႈမၢႆတီႈ 60 သဵၼ်ႈတၢင်း ၵူႇတဝ်ႈ ဢိူင်ႇသီၽုမ်း ၸႄႈဝဵင်းမိူင်း ၸႄႈတွၼ်ႈ ၵဵင်းမႆႇသေ လိူၵ်ႈတင်ႈ ၵေႃၵမ်ၵၢၼ်မႂ်ႇ ၶွင်သမႃႊၶူမ်ႊ လႄႈ ဢွၼ်တၢင်းသုတ်း ၵေႃႈၼႃယၵ (ၼၢႆႊယူၵ်ႉ) ၸၢႆးသႅင်မိူင်း မင်းၵွၼ်းၵၢဝ်ႇ ပိုတ်ႇပၢင်ၵုမ်သေ ၼၢင်းသႅင် မိူင်းလီ ၽူႈၼမ်းၼႂ်း သမႃႊၶူမ်ႊ ႁၢႆးငၢၼ်းၵၢၼ် တူင်ႉၼိုင်ပီ 2015 ၽၢၼ်ႇပူၼ်ႉမႃး ႁုပ်ႈႁူမ်ႈတင်း ၶၢဝ်းတၢင်း 3 ပီ တင်ႈတႄႇ ၵေႃႇတင်ႈမႃး မိူဝ်ႈ ဝၼ်းတီႈ 30/03/2012 (2555) ။


ဝၢႆးသေၼၼ်ႉ ထိရဝတ်း သုၵ်ႇၸႂ် (ၸၢႆးၽူလ်း) ႁၢႆးငၢၼ်း လွင်ႈၵၢၼ်တူင်ႉၼိုင် ၶၢဝ်းတၢင်း ပူၼ်ႉမႃး ဢိၵ်ႇတင်း ၵၢၼ်သူၼ်းတုမ် ၽူႈယႂ်ႇ ၵူၼ်းလူင် ၶူးဝႃး ဢႃးၸၢၼ် လႄႈ ၶႃႈႁၢပ်ႇၵၢၼ်ၶုၼ် ၼႂ်းၸႄႈတွၼ်ႈ မႄႈႁွင်ႈသွၼ် ။ သိုပ်ႇသေၼၼ်ႉ ပေႃႈလူင်ယဵၼ် ၼေႃႇၵႅဝ်ႈ ႁၢႆးငၢၼ်းၵၢၼ် တူင်ႉၼိုင် ၼႂ်းၸုမ်းတႆး 3 ၸႄႈဝဵင်း မိူင်းၾၢင် ၊ ၶျႆးပရႃၵၢၼ်း ၊ မႄႈဢၢႆး  မီးလုၵ်ႈၸုမ်းဝႆႉ ႁဵင်ပၢႆ - ၵၢၼ်တူင်ႉၼိုင် ပိူင်လူင် ၾိင်ႈငႄႈ လႄႈ ၵၢၼ်ၸွႆႈထႅမ် တူင်ႇဝူင်း ၵူၼ်းၶႅၵ်ႇလီ ပၢင်ၸႃႉ ။


ဝၢႆးသေၼၼ်ႉယဝ်ႉ ၸဝ်ႈသိုၵ်းပလိၵ်ႈ သူၼ်ထယႃႊ ၶမ်းမူင်ႊၶူလ်ႊ (ဢုပၼႃယၵ) ၵႅမ်ၼႃယၵ (ၼၢႆႊယူၵ်ႉ) ပိုတ်ႇလၢတ်ႈလွင်ႈ မူတ်းသဵင်ႈ ဢႃယု ၸုပ်ႈႁၢပ်ႇၵၢၼ် ၸွမ်းပၵ်း ပိူင်ယဝ်ႉလႄႈ ဝၼ်းၼႆႉ တၵ်းတေလႆႈလိူၵ်ႈတင်ႈ ၵေႃၵမ်ၵၢၼ် ၸုပ်ႈမႂ်ႇၸွမ်းပၵ်းပိူင် ဢၼ်မၵ်းတမ်း ဝႆႉၼႆလႄႈ ဢုပ်ႇႁႃလိုဝ်း ၵိူဝ်းၵုမ် ပိူဝ်ႈတႅပ်းတတ်းဝႃႈ တေလိူၵ်ႈ ၵေႃၵမ် ၵၢၼ်မႂ်ႇၼၼ်ႉ မၵ်းမၼ်ႈ လႆႈၸႂ်ၵၼ် ယူႇႁိုဝ်ၼႆယဝ်ႉ (လႆႈၸႂ်မၵ်းမၼ်ႈ) ။


ဢိင်လူၺ်ႈ ၵၢၼ်တေ လိူၵ်ႈတင်ႈ ၵေႃၵမ်ၵၢၼ် လႄႈ ၼႃယၵ (ၼၢႆႊယူၵ်ႉ) သမႃႊၶူမ်ႊ ပၢႆးပၺ်ၺႃ လႄႈ ၾိင်ႈငႄႈတႆး ပွၵ်ႈၵမ်မႂ်ႇၼႆႉ တၵ်းတေလႆႈမီး ၽူႈလဝ်ႈ ယိုၼ်ႈၸိုဝ်ႈ ၶဝ်ႈၶႅင်ႇ လႄႈ ၽူႈၵမ်ႉထႅမ် 2 ၵေႃႉ ။ ၼႂ်းၼၼ်ႉ ၸၢႆးသႅင်ယ ႁူဝ်ပဝ်ႈ ၵေႃလိၵ်ႈလၢႆး လႄႈ ၾိင်ႈငႄႈတႆး ၵဵင်းမႆႇ ယိုၼ်ႈၸိုဝ်ႈ ဢႃးၸၢၼ်သူမ်ၸိတ်း သုဝၼ်းၼၿုတ်ႇ ၶဝ်ႈ ၶႄႉၶႅင်ႇၼႃယၵ (ၼၢႆႊယူၵ်ႉ) သမႃႊၶူမ်ႊ လႄႈ မီးၽူႈၵမ်ႉထႅမ်  1. ပေႃးၵမ်ႊၼၼ်ႊထဝတ်း ဝႃႊရိၼ်ႊ ၊ 2. ထိရဝတ်း သုၵ်ႇၸႂ် (ၸၢႆးၽူလ်း) ၵမ်ႉထႅမ် ။  ၵေႃႉတီႈ 2 သမ်ႉ ၸဝ်ႈသိုၵ်း ပလိၵ်ႈ သူၼ်ထယႃႊ ၶမ်းမူင်ႊၶူလ်ႊ လႆႈယိုၼ်ႈၸိုဝ်ႈ ၸၢႆးသႅင်မိူင်း မင်းၵွၼ်း ၶဝ်ႈၶႄႉၶႅင်ႇ လႄႈမီး 1. သူၼ်ထယႃႊ ၶမ်းမူင်ႊၶူလ်ႊ  2. ဢႃးၸၢၼ် သူမ်ၸိတ်း သုဝၼ်းၼၿုတ်ႇ ၵမ်ႉထႅမ် ။


ၼႂ်းပၢင် လိူၵ်ႈတင်ႈ သမႃႊၶူမ်ႊ ပၢႆးပၺ်ၺႃ လႄႈ ၾိင်ႈငႄႈတႆး ၼၼ်ႉ  သဵင်သူၼ်ယႂ်ႇ လႆႈလိူၵ်ႈ ဢႃးၸၢၼ် သူမ်ၸိတ်း သုဝၼ်းၼၿုတ်ႇ ပဵၼ်ၼႃယၵ(ၼၢႆႊယူၵ်ႉ)ၵေႃႉမႂ်ႇ ။ ဝၢႆးသေၼၼ်ႉ ၵေႃႈၶိုၼ်းလိူၵ်ႈ ၸုမ်းပွင်ၵၢၼ်မႂ်ႇထႅမ် ၶိုၼ်းမိူၼ်ၵဝ်ႇ 9 ၵေႃႉ လႄႈၽွၼ်းၵၢၼ် ဢၼ်လိူၵ်ႈဢွၵ်ႇမႃး ပဵၼ်ၵေႃၵမ် ၵၢၼ်မႂ်ႇ 9 ၵေႃႉ တင်းမူတ်းၼၼ်ႉ

1. ၼႃယၵ (ၼၢႆႊယူၵ်ႉ) ဢႃးၸၢၼ် သူမ်ၸိတ်း သုဝၼ်းၼၿုတ်ႇ (မႄႈႁွင်ႈသွၼ်)

2. ဢုပ ၼႃယၵ (ၼၢႆႊယူၵ်ႉ) ၵႅမ် 1. ၸဝ်ႈသိုၵ်း ပလိၵ်ႈ သူၼ်ထယႃႊ ၶမ်းမူင်ႊၶူလ်ႊ (လမ်းပုၼ်း)

2. ၸၢႆးၶႂၢၼ်မိူင်း သႅင်ၶမ်း (မိူင်းၾၢင်)

3. ၽူႈၼမ်းၼႂ်း  ၼၢင်းသႅင် မိူင်းလီ (ၵဵင်းမႆႇ)

4. ၵၢၼ်ငိုၼ်း  ၸၢႆးလွမ်ႉဝူင်း ပၼ်းဢိၼ်း (ၵဵင်းမႆႇ)

5. ပိုၼ်ၽၢဝ်ႇ  ၸၢႆးထိရဝတ်း သုၵ်ႇၸႂ် (ၸၢႆးၽူလ်း) (မႄႈႁွင်ႈသွၼ်)

6. သၢႆမၢႆ ၽူႈၶဝ်ႈ သမႃႊၶူမ်ႊ ၵမ်ႊၼၼ်ႊထဝတ်း ဝႃႊရိၼ်ႊ (မႄႈႁွင်ႈသွၼ်)

7. လူလွမ်ႁပ်ႉၶႅၵ်ႇ ၻေႊၶျူဝ်ႊၽူလ်ႊ ဝႃႇလိၼ်ႊတ (ၸၢႆးတဵင်းႁၢၼ်) (ၵဵင်းမႆႇ)

8. ၸုမ်းပွင်ၵၢၼ်ၵၢင်  ပေႃႈလူင်ယဵၼ် ၸၼ်ၵႅဝ်ႈ (မိူင်းၾၢင်)


ၽူႈၶဝ်ႈ ပၢင်ၵုမ်လူင် လႄႈ လိူၵ်ႈတင်ႈၵမ်းၼႆႉ တင်းမူတ်းမီး 13 ၵေႃႉ ၼႂ်းၵေႃၵမ် ၵၢၼ်ၵဝ်ႇ 7 ၵေႃႉ ။ 1. ၸၢႆးသႅင်မိူင်း  မင်ႊၵွၼ်း (ၼႃယၵ) ၊ 2. ၸဝ်ႈသိုၵ်းပလိၵ်ႈ သူၼ်ထယႃႊ ၶမ်းမူင်ႊၶူလ်ႊ (ဢုပၼႃယၵ) ၊ 3. ၼၢင်းသႅင် မိူင်းလီ (ၽူႈၼမ်းၼႂ်း) ၊ 4. ပေႃးၵမ်ႊၼၼ်ႊ ထဝတ်း ဝႃႊရိၼ်ႊ (ၵၢၼ်ၾၢႆႇသၢႆမၢႆ) ၊ 5. ၸၢႆးၶႂၢၼ်မိူင်း သႅင်ၶမ်း(ၾၢႆႇၵၢၼ်ငိုၼ်း)၊ 6. ထိရဝတ်း သုၵ်ႇၸႂ် (ၸၢႆးၽူလ်း) ၊ 7. ပေႃးလူင်ၸၼ်ၵႅဝ်ႈ ၼေႃႇၵႅဝ်ႈ ၊ [ၶၢတ်ႇ - 1. ဢႃးၸၢၼ်ၶၼိတ်း ဝၼႃႊၵမူလ်ႊ (ဢုပၼႃယၵ)ၵႅမ် ၊ 2. ၼၢင်းသၢဝ် ၵၼ်ႊလယႃႊ သွႆႉတၵုလ်ႊရုင်ႉရိူင်း (ၸိင်ႇမူၼ်း) ဢမ်ႇလႆႈၶဝ်ႈႁူမ်ႈ] ။


လုၵ်ႈၸုမ်း 3 ၵေႃႉ 1. ဢႃးၸၢၼ် သူမ်ၸိတ်း သုဝၼ်းၼၿုတ်ႇ ၊ 2. ၸၢႆးသူမ်ၶျၢႆး ၸၼ်လဢွင်း ၊ 3. ၸၢႆးလွမ်ႉဝူင်း ပၼ်းဢိၼ်း ။ လုၵ်ႈၸုမ်း ၶိုၵ်ႉတွၼ်း 1. ၸၢႆးသႅင်ယ ၊ 2.  ၼၢင်းသီၻႃးဝၼ်း ၊ 3. ၸၢႆးမႂ်ႁွင်း လိူဝ်ၼၼ်ႉၵေႃႈ မီးလုၵ်ႈၸုမ်း ၵေႃလိၵ်ႈလၢႆး လႄႈ ၾိင်ႈငႄႈတႆး ၵဵင်းမႆႇၶဝ်ႈႁူမ်ႈ ။


ၸိူင်ႉႁိုဝ်ၵေႃလီ ၼႂ်းသမႃႊၶူမ်ႊ ပၢႆးပၺ်ၺႃ လႄႈ ၾိင်ႈငႄႈတႆးၼႆႉ လႆႈတမ်းဝၢင်းဝႆႉ လုၵ်ႈၸုမ်း 3 သႅၼ်း ။ 1 လုၵ်ႈၸုမ်း ၵိူဝ်းမုၼ် (สมาชิกกิตติมศักดิ์ )  ၊ လုၵ်ႈၸုမ်း (สมาชิกสามัญ)  ၊ လုၵ်ႈၸုမ်း ၶိုၵ်ႉတွၼ်း (สมาชิกวิสามัญ) 3 သႅၼ်းလႄႈ မီးဢႃယု ၸုပ်ႈၵၢၼ် ႁၢပ်ႇပုၼ်ႈၽွၼ်း 1 ၸုပ်ႈ 2 ပီ ။ ၵူၺ်းၵႃႈ ယွၼ်ႉလၢႆ လွင်ႈလၢႆ တၢင်းသေ ၸုပ်ႈၵေႃႇတင်ႈ သမႃႊၶူမ်ႊ ဢၼ် လူင်ပွင်ၸိုင်ႈထႆး လႆႈဢၼုၺၢတ်ႈ မၵ်းမၼ်ႈ ပဵၼ်တၢင်းၵၢၼ်မႃး တင်ႈတႄႇ ဝၼ်းတီႈ 30/03/2012 ၶၢဝ်းတၢင်း 3 ပီပၢႆ ယဝ်ႉၵေႃႈ တိုၵ်ႉၸင်ႇႁႃ လႆႈမႃး လိူၵ်ႈတင်ႈ ၵၼ်ၵမ်းၼႆႉ ပဵၼ်ပွၵ်ႈ ဢွၼ်တၢင်းသုတ်း ၸုပ်ႈတီႈ 2 ၶွင်ၵေႃၵမ်ၵၢၼ် သမႃႊၶူမ်ႊ ပၢႆးပၺ်ၺႃ လႄႈ ၾိင်ႈငႄႈတႆး ၵမ်းၼႆႉ ။