ၶူးသွၼ် လိၵ်ႈတႆး ဝၢၼ်ႈၵုင်းသႃႇ ၸတ်းႁဵတ်း ပၢင်တွပ်ႇလိၵ်ႈ တီႈဝၢၼ်ႈ ၵုင်းသႃႇ ဢိူင်ႇလွႆၸႄႈ ၸႄႈဝဵင်း မိူင်းမွၵ်ႇ ၸႄႈတွၼ်ႈ ဝၢၼ်ႈမေႃႇ မိူင်းၶၢင် ၵူၼ်းလူင် ဢၼ်မႃး ၶိုၼ်ႈႁဵၼ်း သွၼ်ၼၼ်ႉ ပိူဝ်ႈတႃႇ ပေႃးတေ လႆႈႁူႉၼမ်ႉၵတ်ႉ တူဝ်ၵဝ်ႇ မေႃထိုင် တီႈလႂ်ယဝ်ႉ ။

ဝၼ်းတီႈ 09/09/2015 ၶၢဝ်းယၢမ်း 21.00-22.30 မူင်း ၶူးသွၼ် လိၵ်ႈတႆး ဝၢၼ်ႈၵုင်းသႃႇ ၸတ်းႁဵတ်း ပၢင်တွပ်ႇလိၵ်ႈ ပၼ်လုၵ်ႈႁဵၼ်း ၸုပ်ႈၵူၼ်းလူင် (ၽူႈဢႃယုယႂ်ႇ) တီႈဝၢၼ်ႈ ၵုင်းသႃႇ ဢိူင်ႇလွႆၸႄႈ ၸႄႈဝဵင်း မိူင်းမွၵ်ႇ ၸႄႈတွၼ်ႈ ဝၢၼ်ႈမေႃႇ မိူင်းၶၢင် ၼင်ႇႁိုဝ် လုၵ်ႈႁဵၼ်းၶဝ် ပေႃးတေလႆႈႁူႉ ၼမ်ႉၵတ်ႉ တူဝ်ၵဝ်ႇ ဢၼ်လႆႈႁဵၼ်း သွၼ်မႃး ၼႆယဝ်ႉ ။


ၽူႈပွင်ၵၢၼ် ပၢင်သွၼ်လၢတ်ႈဝႃႈ လုၵ်ႈႁဵၼ်း ဢၼ်တွပ်ႇ လိၵ်ႈမိူဝ်ႈၼႆႉ ပဵၼ်လုၵ်ႈႁဵၼ်း သႅၼ်းဢႃယုယႂ်ႇ  တင်းမူတ်း မႃးပၼ် သဵၼ်ႈသၢႆမၢႆဝႆႉ တႃႇတွပ်ႇ မီး 21 ၵေႃႉ ၊ ဢၼ်မႃးတွပ်ႇ မီး 16 ၵေႃႉ ဝႃႈၼႆ ။ ပၢင်သွၼ်ၾိင်ႈငႄႈ ပုတ်ႉထလႄႈ လိၵ်ႈလၢႆး တႆးၼႆႉ ၸတ်းႁဵတ်းပဵၼ် 3 ၸၼ်ႉ ၸၼ်ႉငဝ်ႈ ၊ ၸၼ်ႉၼိုင်ႈလႄႈ ၾိင်ႈငႄႈပုတ်ႉထ ။


ၽူႈပွင်ၵၢၼ် သိုပ်ႇလၢတ်ႈထႅင်ႈဝႃႈ မိူဝ်ႈ ဝူင်ႈပူၼ်ႉမႃးၼၼ်ႉ ႁဝ်းၸတ်းႁဵတ်း ပၢင်တွပ်ႇလိၵ်ႈ ပၼ်လုၵ်ႈႁဵၼ်း ၸိူဝႅးၸုပ်ႈ သႅၼ်းလုၵ်ႈဢွၼ်ႇ (ဢႃယုလဵၵ်ႉ) တင်းမူတ်းလုၵ်ႈႁဵၼ်း တွပ်ႇ 21 ၵေႃႉ ၊ တူၵ်း 5 ၵေႃႉ ၊ ပူၼ်ႉၸၼ်ႉ 16 ၵေႃႉ ဝႃႈၼႆ ။


ပၢင်သွၼ် ၾိင်ႈငႄႈ ပုတ်ႉထ လႄႈ လိၵ်ႈလၢႆးတႆးၼႆႉ တင်းမူတ်း မေႃသွၼ် မီး 16 ၵေႃႉ ၶူးသွၼ် မီးသင်ၶၸဝ်ႈ 3 တူၼ် ၊ ၶူးသွၼ်ၸၢႆး 7 ၵေႃႉ ၊ ၶူးသွၼ်ယိင်း 6 ၵေႃႉ ။ ပၢင်သွၼ် လိၵ်ႈတႆးၼႆႉ တႄႇသွၼ်မႃး မိူဝ်ႈ ဝၼ်းတီႈ 02/08/2015-09/09/2015 ၶၢဝ်းတၢင်း လိူၼ်ပၢႆ ၼႆယဝ်ႉ ။