ၵေႃလိၵ်ႈလၢႆး လႄႈ ၾိင်ႈငႄႈတႆး ထုင်ႉပုင်ႇဝူဝ်း ၸတ်းႁဵတ်း ပၢင်ဢုပ်ႇၶႆႈ ပိုၼ်းႁူႉ တၢင်းႁၼ် ၵဵဝ်ႇၵပ်း လိၵ်ႈလၢႆးတႆး လႄႈ လွင်ႈၵၢၼ်မိူင်း ႁႂ်ႈၶူးသွၼ် ၸိူဝ်းမႃး ၾိုၵ်းၾွၼ်ႉ ၼမ်ႉၵတ်ႉ  ၶၢဝ်းတၢင်း 3 ဝၼ်း ။

ဝၼ်းတီႈ 12/09/2015 ၶၢဝ်းယၢမ်း 14:00-17:00 မူင်း ၵေႃလိၵ်ႈလၢႆး လႄႈ ၾိင်ႈငႄႈတႆး ထုင်ႉပုင်ႇပူဝ်း ဢွၼ်ႁူဝ် ၸတ်းႁဵတ်း ပၢင်ဢုပ်ႇၶႆႈ ပိုၼ်းႁူႉ ပၢႆးႁၼ် လိၵ်ႈလၢႆးလႄႈ လွင်ႈၵၢၼ်မိူင်း တီႈဝတ်ႉထုင်ႉ ပုင်ႇဝူဝ်း ၸႄႈဝဵင်း ၵျွၵ်ႉမႄး ၸိုင်ႈတႆး ပွတ်းႁွင်ႇ ။ ယိူင်းဢၢၼ်း ပိူဝ်ႈႁႂ်ႈ ၶူးသွၼ် ဢၼ်မႃး ၶဝ်ႈၾိုၵ်းလပ်ႉ ၼမ်ႉၵတ်ႉ ဢွၼ်ႁူဝ် ၼမ်းၼႃႈ သိုပ်ႇယိုၼ်ႈ တၢင်းႁူႉ ပၼ်ၼေႃႇတႅၼ်း ၶိူဝ်းၵႂႃႇ ။


ပၢင်ဢုပ်ႇၶႆႈ ပိုၼ်းႁူႉ ပၢႆးႁၼ်ၼႆႉ မီးၶူးပူင်သွၼ် လုင်းၸၢႆးၾႃႉ လႄႈ ၽူႈတႅၼ်း ၵူၼ်းမိူင်း ၸၢႆးတၢၼ်းမွင်ႇ ၶဝ်ႈႁူမ်ႈ ၸႅၵ်ႇယိုၼ်ႈ ပိုၼ်ႉႁူႉ ပၢႆးႁၼ်ၵႂႃႇ ။


လုင်းၸၢႆးၾႃႉ သပ်းလႅင်း လၢတ်ႈၼႄ လွင်ႈလိၵ်ႈႁူမ်ႈမၢႆ ပၢင်လူင် ဢၼ်ၸဝ်ႈၾႃႉ မိူင်းတႆး ဢွၼ်ႁူဝ်သေ ႁဵတ်းသၢင်ႈမႃး ပႃးၸဵမ်လွင်ႈ ၸွမ်သိုၵ်း ဢွၼ်သၢၼ်း ႁဵတ်းႁိုဝ် ႁွတ်ႈၽႅဝ် ပၢင်လူင် ၸဵမ်လွင်ႈ လူင်းလၢႆး မိုဝ်းလိၵ်ႈႁဵတ်းလိၵ်ႈ ၵိၼ်ၵႅၼ်ႇ ႁူမ်ႈၵေႃႇ တင်ႈဝၢၼ်ႈမိူင်း ၸွမ်းၵၼ်မႃး - ၸဵမ်ၸိူဝ်းၼႆႉ ၽူႈတႅၼ်း ၵူၼ်းမိူင်း ၸၢႆးတၢၼ်းမွင်ႇ သပ်းလႅင်း လၢတ်ႈၼႄ မိူဝ်ႈလဵဝ် လူင်ပွင်ၸိုင်ႈ မိူင်းမၢၼ်ႈၵေႃႈ ပၼ် ဢၼုၺၢတ်ႈ ပူင်သွၼ်လိၵ်ႈတႆး ၼႂ်းႁူင်းႁဵၼ်း တင်ႈတႄႇ ၶၢဝ်းယၢမ်း 08.00-9.00 မူင်း ၵၢင်ၼႂ် ဝႃႈၼႆ ။


ပၢင်ၾိုၵ်းၾွၼ်ႉ မေႃသွၼ်တီႈ ထုင်ႉပုင်ႇဝူဝ်းၼႆႉ ၸတ်းႁဵတ်းမႃး မိူဝ်ႈ ဝၼ်းတီႈ 09-12/09/2015 ၶၢဝ်းတၢင်း 3 ဝၼ်းသေ ဝၼ်းတီႈ 12 ၸတ်းႁဵတ်း ပွႆးလူင်းပၢင်သွၼ် ၊ ပၢင်ဢုပ်ႇၶႆႈ ပိုၼ်းႁူႉ ပၢႆးႁၢၼ် လွင်ႈလိၵ်ႈလၢႆး လႄႈ လွင်ႈပႃႊတီႊ ၵၢၼ်မိူင်း ။ ၽူႈၶဝ်ႈ လဵပ်ႈႁဵၼ်း တင်းမူတ်း မီး 67 ၵေႃႉ ။