သင်ႇၶသၢမ်ၸိုင်ႈမိူင်းႁူမ်ႈဢုပ်ႇၵုမ်လွင်ႈ လေႃးၵ ၵတ်းယဵၼ်လူၺ်ႈထမ်ႇမ တီႈမိူင်းၵျႃႇပၢၼ်ႇ မီး ႁူဝ်ပဝ်ႈလုမ်းပုတ်ႉထသႃသၼႃ ထေႇရဝႃႇတသင်ႇၶၸဝ်ႈတႆး ၼႂ်းၸိုင်ႈမိူင်းၶႄႇ ၸဝ်ႈတိုၼ်းတႆး တၢင်တူဝ်ၶဝ်ႈႁူမ်ႈ ။

မိူဝ်ႈဝၼ်းတီႈ 15/09/2015 လုမ်းပုတ်ႉထသႃႇသၼႃႇလႄႈလုမ်းၸိုင်ႈမိူင်းၵျႃႇပၢၼ်ႇ ၸတ်းႁဵတ်းပၢင်ၵုမ် ၵဵဝ်ႇလူၺ်ႈလွင်ႈ လေႃးၵ ၵတ်းယဵၼ်လူၺ်ႈထမ်ႇမ တီႈဝဵင်းႁီးရူဝ်းသီးမႃး မိူင်းၵျႃႇပၢၼ်ႇ မီးသင်ၶ လႄႈၽူႈသူၼ်ၸႂ် မိူင်းၶႄႇ ၊ မိူင်းၵျႃႇပၢၼ်ႇလႄႈ ၵူဝ်ႊရီႊယိူဝ်ႊ ၶဝ်ႈႁူမ်ႈ 300 ပၢႆ ။


ပၢင်ၵုမ်ပွၵ်ႈၵမ်းၼႆႉတူဝ်တႅၼ်း သင်ၶၸဝ်ႈ မိူင်းၵျႃႇပၢၼ်ႇ 3 တူၼ် ၊ မိူင်းၶႄႇ 3 တူၼ် လႄႈ  မိူင်းၵူဝ်ႊရီႊယိူဝ်ႊ 3 တူၼ် မွၵ်ႇလၢတ်ႈၶေႃႈၵႂၢမ်း ၸွမ်းၼင်ႇၼႂ်းတၢင်းယုမ်ႇ တၢင်းႁၼ် ၼႂ်းၵိူင်း ၽႂ်မၼ်းၼၼ်သေ ဢဝ်တင်းၶေႃႈထမ်ႇမ ဢၼ်ၵဵဝ်ႈၵၢႆႇလူၺ်ႈ လေႃးၵၵတ်းယဵၼ်ၼႆယဝ်ႉ ။


ၾႆၢႇမိူင်းၶႄႇၼၼ်ႉ ၸဝ်ႈတိုၼ်းတႆး လႆႈပဵၼ်ၽူႈတၢင်တူဝ် တူၼ်ၼိုင်ႈသေ လႆႈလၢတ်ႈၵဵဝ်ႇလူၺ်ႈလွင်ႈသိူၵ်ႈပိုၼ်းတႆးလႄႈ လွင်ႈပိုၼ်းပုတ်ႉထသႃႇသၼႃႇ ႁွတ်ႈထိုင်တႆး ။


မၼ်းၸဝ်ႈယင်းလၢတ်ႈပႃးလွင်ႈ လူၺ်ႈမၵ်ႇၵၢင်ပႅတ်ႇပႃးဢၼ်ၵွင်ႉၵဵဝ်ႇၵၼ် တင်းတၢင်းႁၼ်တႆး တၢင်းယုမ်ႇယမ်တႆး ၾိင်ႈထုင်းတႆး တၢင်းၶတ်းၸႂ်တႆး လၢႆးဝႆႉဝၢင်းၸႂ်ၵတ်းယဵၼ်တႆး ၸဵမ်ၸိူဝ်းၼႆႉ ။


ပေႃးသီႇလ မၼ်ႈၵိုမ်းသေ မီးပႃးသမႃႇထိလႄႈ ပၺႃႇထႅင်ႈၸိုင် လေႃးၵတိုၼ်းဢမ်ႇမီးသိုၵ်ႇသိူဝ်သေ တေၶိုၼ်ႈယႂ်ႇၵတ်းယဵၼ်တေႉၼႆ ၸိူဝ်းၼႆႉၵေႃႈလႆႈလၢတ်ႈပႃးၵႂႃႇ ။


လိူဝ်ၼၼ်ႉမၼ်းၸဝ်ႈယင်းတိုၵ်းသူၼ်းလွင်ႈဢဝ်ထမ်ႇမ ပိုၼ်ၸွႆႈပႃးသီႇလမၼ်ႈၵိုမ်း မီးပႃးသမႃႇထိလႄႈ ပၺ်ၺႃၸိုင် လေႃးၵတိုၼ်းဢမ်ႇမီးသိုၵ်းသိူဝ်သေ တေၶိုၼ်ႈယႂ်ႇၵတ်းယဵၼ်။