လွင်ႈမၢၵ်ႇတႅၵ်ႇ တီႈၼႂ်းဝၢင်း တပ်ႉပလိၵ်ႈ ၸႄႈတွၼ်ႈ လၢင်းၶိူဝ်း ၸိုင်ႈတႆး ပွတ်းၸၢၼ်း ၼၼ်ႉၸဝ်ႈၼႃႈတီႈ ဢၼ်ၵဵဝ်ႇၶွင်ႈ ဢမ်ႇသပ်းလႅင်း သင်ပၼ် ၵူၼ်းမိူင်း ။

ပူၼ်ႉမႃး မိူဝ်ႈ ဝၼ်းတီႈ 01/09/2015 ၶၢဝ်းယၢမ်း 1.30 မူင်းပၢႆ (တဵင်ႈၶိုၼ်း) ၼၼ်ႉ မီးသဵင် မၢၵ်ႇတႅၵ်ႇတီႈ ၼႂ်းဝၢင်းပလိၵ်ႈ ၸႄႈတွၼ်ႈ လၢင်းၶိူဝ်း ဢၼ်ပၵ်းယူႇ ၼႂ်းၵႄႈၵၢင် ပွၵ်ႉတႂ်ႈ ႄလႈ ဝၢၼ်ႈပုင်းထုၼ် ၊ ၵူၺ်းၵႃႈ ဢမ်ႇမီးလွင်ႈ မၢတ်ႇၸဵပ်း လုတႆၢ ဝႃႈၼႆ ။


ၵဵဝ်ႇၵပ်း လွင်ႈမၢၵ်ႇတႅၵ်ႇၼႆႉ ၸဝ်ႈၼႃႈတီႈ ပလိၵ်ႈ ဝဵင်းလၢင်ႈၶိူဝ်း မၢပ်ႇၽၢင်း ၸီႉၼႄးဝႃႈ မီးၵူၼ်း မႃးပွႆႇမၢၵ်ႇသႂ်ႇ ဝႃႈၼႆ ၊ လိူဝ်သေၼၼ်ႉ ဢမ်ႇသပ်းလႅင်း  ႄၼသင်ထႅင်ႈ လႄႈ ဢမ်ႇပၼ် ဢွၵ်ႇၶၢဝ်ႇငၢဝ်းသင် ။ လွင်ႈလုၵွႆ လွင်ႈ မၢတ်ႇၸဵပ်းၵေႃႈ ဢမ်ႇလႆႈႁူႉ ။


ၵူၼ်းၼႂ်းပိုၼ်ႉတီႈ ၵေႃႉၼိုင်ႈ ႄတႉလၢတ်ႈဝႃႈ - လွင်ႈဝႃႈ မီးရူတ်ႉ လမ်းၼိုင်ႈ ဢဝ်မၢၵ်ႇမႃး ပွႆႇသႂ်ႇတီႈၼႂ်း ဝၢင်းလုမ်းၼႆႉ ဢမ်ႇပဵၼ်လႆႈ ယွၼ်ႉဝႃႈ ၾၢႆႇႁူမ်ႇလူမ်ႈ တီႈၼႂ်းလုမ်းၼၼ်ႉ မီးၼမ် ၽႂ်ၵေႃ.တေႁတ်း ဢဝ်မၢၵ်ႇၵႂႃႇပွႆႇ ဝႃႈၼႆ ။


ႁဝ်း လမ်းၶၢတ်ႈတႄႉ ပဵၼ်မၢၵ်ႇ ၶွင်ၶဝ်ႁၢင်ႈဝႆႉ ၸွမ်းႁိမ်းတပ်ႉ ၶဝ်ၵူၺ်း ယွၼ်ႉဝႃႈ မၢၵ်ႇၼႆႉ ႁၢင်ႈဝႆႉႁိုဝ်ယဝ်ႉ ပေႃးဝႃႈ လႅတ်ႇမႆႈႁႅင်း ၼႆၸိုင် တေၸင်ႈတႅၵ်ႇ လႆႈယူႇ - ၵူၼ်းၼႂ်းပိုၼ်ႉတီႈ သိုပ်ႇလၢတ်ႈထႅင်ႈ ၼင်ႇၼႆ ။


လုမ်း ၸႄႈတွၼ်ႈ ဝဵင်းလၢင်းၶိူဝ်းၼႆႉ ယူႇၾၢႆႇ ၸၢၼ်းဝဵင်း ဝဵင်းလၢင်းၶိူဝ်း သဵၼ်ႈတၢင်းၵႂႃႇ ဝၢၼ်ႇႁၢတ်ႇ ၼႃးၵူင်းၼႆယဝ်ႉ ။