ပၢင်ပွႆးယွင်ႈၵုၼ်းမုၼ် ၽူႈၵတ်ႉၶႅၼ်ႇလိၵ်ႈ ၸၢႆးဝုၼ်းၽဵတ်ႈ ဢွင်ႇပူၼ်ႉၸၼ်ႉသိပ်း ၼႂ်းပီ 2015  လႆႈလၢဝ်းၸွင်ႈ 6 လုၵ်ႈ၊ ၶၼႅၼ်း (မၢၵ်ႈ) လႆႈ 515 မၢၵ်ႈ၊ ဢွင်ႇပူၼ်ႉတီႈ ႁူင်းႁဵၼ်းၸၼ်ႉသုင် မၢႆ(4) ဝဵင်းတူၼ်ႈတီး ၼႆယဝ်ႉ။

ပူၼ်ႉမႃး မိူဝ်ႈဝၼ်းတီႈ 25/06/2015 တီႈႁိူၼ်းၸၢႆးၼုတ်း လႄႈ ၼၢင်းလၢဝ်ငိုၼ်း လႆႈၸတ်းႁဵတ်းပွႆး ယွင်ႈၵုၼ်းမုၼ် (ယွင်ႈၵုင်ႇ) ပၼ်ၵေႃႉပဵၼ်လုၵ်ႈၸၢႆး ၸၢႆးဝုၼ်းၽဵတ်ႈ လႆႈလၢဝ်ၸွင်ႈ 6 လုၵ်ႈ၊ ၶၼႅၼ်း(မၢၵ်ႈ) 515 မၢၵ်ႈ၊ တီႈပွၵ်ႉၼမ်ႉၵတ်း(ယေႇဢေးယႅၵ်ႉၵွႆႉ)၊ ၼိူဝ်သဵၼ်ႈတၢင်း မျႃႉတီႇတႃႇ ဝဵင်းတူၼ်ႈတီး ၸိုင်ႈတႆးပွတ်းၸၢၼ်း။

ၸၢႆးဝုၼ်းၽဵတ်ႈ

ၸၢႆးဝုၼ်းၽဵတ်ႈၼႆႉ ဢႃယုလႆႈ(16)ပီ ဢွင်ႇပူၼ်ႉၸၼ်ႉသိပ်း ၼႂ်းပီ 2015 လႆႈလၢဝ်ၸွင်ႈ 6 လုၵ်ႈ၊ ၶိုၼ်ႈႁူင်းႁဵၼ်းၸၼ်ႉငဝ်ႈထိုင်ၸၼ်ႉသိပ်း တီႈႁူင်းႁဵၼ်းၸၼ်ႉသုင်မၢႆ (4) ဝဵင်းတူၼ်ႈတီး၊ ယိူင်းဢၢၼ်းဝႆႉ တေၶိုၼ်ႈႁဵၼ်းၾၢႆႇမေႃယႃ ၼႆယဝ်ႉ။

ပၢင်ပွႆးယွင်ႈၵုၼ်းမုၼ် ၽူႈၵတ်ႉၶႅၼ်ႇလိၵ်ႈ ၸၢႆးဝုၼ်းၽဵတ်ႈ လႆႈၸတ်းႁဵတ်းယဝ်ႉတူဝ်ႈလီငၢမ်းၵႂႃႇ  ၼႂ်းၶၢဝ်းယၢမ်း 08:00 မူင်း ထိုင် 12:00 မူင်း၊ မီးၽူႈၶိုၼ်ႈႁွတ်ႈၶဝ်ႈႁူမ်ႈ တင်းမူတ်းမွၵ်ႈ 380 ၵေႃႉပၢႆ။

ၸၢႆးၼုတ်းလႄႈၼၢင်းလၢဝ်ငိုၼ်းၼႆႉ မီးလုၵ်ႈႁူမ်ႈၵၼ်(4)ၵေႃႉ 1. ၼၢင်းမူဝ်ႁိူင်း ဢွင်ႇပူၼ်ႉၸၼ်ႉသိပ်း မိူဝ်ႈပီ 2012 လႆႈလၢဝ်ၸွင်ႈ 5 လုၵ်ႈ၊ ၶၼႅၼ်း(မၢၵ်ႈ) လႆႈ 507 မၢၵ်ႈ၊ ၶိုၼ်ႈၸၼ်ႉၸွမ်ၾၢႆႇမေႃယႃ ပီ (2) တီႈဝဵင်းတႃႈၵုင်ႈ၊ 2. ၸၢႆးၸၢႆး ၶိုၼ်ႈၸၼ်ႉၸွမ် ပီ (2) တီႈတူၼ်ႈတီး ၶိုၼ်ႈဝႆႉၾၢႆႇဢိင်းၵလဵတ်ႈ၊ 3. ၸၢႆးဝုၼ်းၽဵတ်ႈ ဢၼ်ပူၼ်ႉၸၼ်ႉသိပ်း ၼႂ်းပီ 2015 လႆႈလၢဝ်ၸွင်ႈ 6 လုၵ်ႈ၊ 3. ယိင်းၽူၺ်းၽူၺ်း။ ၵေႃႉပဵၼ်ပေႃႈၸၢႆးၼုတ်းသမ်ႉ တေႃႈလဵဝ်ႁၢပ်ႇၵၢၼ်ဝႆႉ ပဵၼ်ၽူႈၼမ်းၼႂ်း မၢႆ (2) ၵေႃလိၵ်ႈလၢႆးလႄႈၾိင်ႈငႄႈတႆး တူၼ်ႈတီး ၼႆယဝ်ႉ။