ၼႂ်ႈၸိုင်ႈတႆးပွတ်းႁွင်ႇ ၼႃႈလိၼ်ပၢင်တိုၵ်း သိုၵ်းသိူဝ်ၼၼ်ႉ ယႃႈမဝ်းၵမ် ယႃႈမႃႉ လိူင်ႇၼမ်မႃး ၵၢၼ်ၵေႃႇၵၢၼ်ႁၢႆႉ ၶႃႈႁႅမ်ၵၼ်တၢႆၵေႃႈၼမ်မႃး တိၵ်းတိၵ်းလႄႈ ပႃႇတီႇမႂ်ႇသုင်ၸိုင်ႈတႆး / တပ်ႉသိုၵ်းၸိုင်ႈတႆး  SSPP/SSA ဝႃႈတေၶိုင်သၢင်ႈပၼ်တႃႇၽုၵ်ႇမၢၵ်ႇၶဝ်ႈတဝ်ႈၼမ်ႉ တၢင်တႅၼ်းသူၼ်ယႃႈ ၼႂ်းပိုၼ်ႉတီႈ။

ၽူႈၵွၼ်းသိုၵ်းၼႂ်းပိုၼ်ႉတီႈ လၢတ်ႈၼႄၸုမ်းၶၢဝ်ႇပၢင်လူင်ထႅင်ႈဝႃႈ ဝၢႆးလႆႈပဵၼ်ပၢင်တိုၵ်းၵၼ် ၸွမ်းသိုၵ်းလူင်ပွင်ၸိုင်ႈတၢင်းၼမ်ႉလဝ်းၼႆႉ ယႃႈမၵေႃႈလိူင်ႇၼမ်မႃးလိူဝ်ၵဝ်ႇ။ သိုၵ်းမၢၼ်ႈသမ်ႉ သႂ်ႇၶူဝ်းၵူၼ်းမိူင်းၵႂႃႇမႃးတူင်ႉၼိုင်ႁိမ်းႁွမ်းၼမ်ႉလဝ်းၼၼ်ႉ မီးယူႇၵူႈဝၼ်း - ဝႃႈၼႆ။

ၵူၼ်းၼႂ်းပိုၼ်ႉတီႈၵေႃႈလၢတ်ႈဝႃႈ ပၼ်ႁႃယႃႈမဝ်းၵမ်ၼႆႉပေႃးၵႂႃႇလၢတ်ႈတီႈသိုၵ်း ဢမ်ႇၼၼ်တီႈပလိၵ်ႈမၢၼ်ႈၵေႃႈ ၶဝ်ဢမ်ႇတိၺွပ်းဢဝ်လိူင်ႈသင်။  ၶဝ်တိုၼ်းတင်ႈၸႂ်ပွႆႇဝႆႉလႄႈ ၸင်ႇလႆႈပဵၼ်မႃးပၼ်ႁႃ ၵၢၼ်ၵေႃႇၵၢၼ်ႁၢႆႉ၊ ထိုင်တီႈၵူၼ်းႁိူၼ်းလဵဝ်ၵၼ် ၶႃႈၵၼ်တၢႆ- ဝႃႈၼႆ။

ငဝ်ႈငုၼ်း SSPP/SSA လႆႈတုၵ်းယွၼ်းပႃးထႅင်ႈဝႃႈႁႂ်ႈၵူၼ်းၼုမ်ႇႁူမ်ႈမိုဝ်းၸွမ်း ပေႃႈႁိူၼ်းၼုမ်ႇမႄႈႁိူၼ်းၼုမ်ႇၶဝ်သေၸွႆႈထႅမ်ၵၼ်ၶိုင်ၵၢၼ်သူၼ်းတုမ်ၵူၼ်းမိူင်း ႁႂ်ႈၵႆယၢၼ်ယႃႈမဝ်းၵမ်
ၼႃႈၵၢၼ်ယိူင်းဢၢၼ်းၸိူဝ်ႉၸၢတ်ႈတိုၼ်းတေထိုင်ယိူင်းမၢႆ ဢမ်ႇႁၢင်ႉဝႃႈၼႆ။

SSPP ၼႆႉပဵၼ်ၸုမ်းၵိုတ်းတိုၵ်းလူင်းလၢႆးမိုဝ်းဢဝ်လွင်ႈငမ်းယဵၼ်ဝႆႉ ၸွမ်းၵၼ်တင်း ၸုမ်းသိုၵ်းလူင်ပွင်ၸိုင်ႈသေ ထိုင်ဝႆႉၶၵ်ႉတွၼ်ႈၸၼ်ႉမိူင်းႁူမ်ႈတုမ် မိူဝ်ႈလိူၼ်ၵျၢၼ်ႇၼဝႃႇရီႇ 28 ဝၼ်း ပီ 2012 ၼၼ်ႉ။