တပ်ႉသိုၵ်းၵူၼ်းမိူင်း မိူင်းၶိူဝ်း ဢွၼ်ႁူဝ်ၸတ်း ႁဵတ်းပၢင်သွၼ်လိၵ်ႈတႆး ၶၢဝ်းမႆႈ
တပ်ႉသိုၵ်းၵူၼ်းမိူင်း (ႁိုဝ်) ပျီႇတူႉၸိတ်ႉမိူင်းၶိူဝ်း ဢွၼ်ႁူဝ်
ၸတ်းႁဵတ်းပၢင်သွၼ်လိၵ်ႈ တႆး ၶၢဝ်းမႆႈ ၼႂ်းပိုၼ်ႉတီႈ
ႁၢင်ႈႁႅၼ်းတႃႇပၢင်ၾိုၵ်းၽွၼ်ႉမေႃသွၼ် ဢၼ်လုင်းၸၢႆးၾႃႈ တေမႃးပူင်သွၼ်။
 |
| Photo: Lorm Hak |
ဝၼ်းတီႈ 26.3.2015 တေႃႇ 14.4.2015 ၼႆႉ တပ်ႉသိုၵ်းၵူၼ်းမိူင်း
မိူင်းၶိူဝ်း ၸီႉသင်ႇႁူင်း ႁဵၼ်း
ၵူႈဢိူင်ႇဢိူင်ႇၼႂ်းပိုၼ်ႉတီႈႁႂ်ႈၸတ်းႁဵတ်း ပၢင်သွၼ်လိၵ်ႈတႆးၶၢဝ်းမႆႈ၊
ပိူဝ်ႈတႃႇ ထတ်းထွင်လိူၵ်ႈ ဢဝ် လုၵ်ႈႁဵၼ်းၸိူဝ်းမီး ၼမ်ႉၵတ်ႉသေ
ႁၢင်ႈႁႅၼ်းတႃႇ ၶိုၼ်ႈႁွတ်ႈ ပၢင်ၽိုၵ်းၽွၼ်ႉဢၼ်ၶူးၸၢႆးၾႃႈတေမႃးပူင်သွၼ်
ၼႂ်းဝၼ်းတီႈ11 - 24.5.2015 ၼၼ်ႉ။
ပၢင်သွၼ်ၸိူင်ႉၼႆၼၼ်ႉမုၵ်ႉၸုမ်းၵူၼ်းၼုမ်ႇ ယွတ်ႈၸဵင်တႆး
ထုင်ႉမိူင်းၶိူဝ်း ၸတ်း ႁဵတ်းတီႈ ႁူင်းႁဵၼ်းၸၼ်ႉၵၢင်လူင်ပွင်ၸိုင်ႈ
တီႈမိူင်းၶိူဝ်း။ တၢင်ႇဝၢၼ်ႈ တၢင်ႇဢိူင်ႇ
ၵေႃႈၸတ်းႁဵတ်းတီႈႁူင်းႁဵၼ်းဝၢၼ်ႈၽႂ်ဝၢၼ်ႈမၼ်း
ၼႂ်းဢိူင်ႇၸဝ်ႈၵဝ်ႇမိူၼ်ၵၼ်ယူႇ။ ၶၢဝ်းယၢမ်းပၢင်သွၼ်တေႉ ၵၢင်ၶမ်ႈ 7
မူင်းတေႃႇ 9 မူင်းသေပေႃးၵၢင်ဝၼ်းသမ်ႉ ယွၼ်ႉလူဝ်ႇႁဵတ်းၵၢၼ်ႁႆႈသူၼ်ၼႃး၊
ၵမ်ႈၼမ်ဢမ်ႇတၼ်းမိူဝ်ႈဝၼ်းလႄႈ လႆႈႁဵတ်းပၢင်သွၼ်ၵၢင်ၶမ်ႈဢဝ် ဝႃႈၼႆ။
 |
| Photo: Lorm Hak |
 |
| Photo: Lorm Hak |
ပၢင်ၽိုၵ်းၽွၼ်ႉ
ၶူးၸၢႆးၾႃႉၼႆႉယၢမ်ႈၸတ်းႁဵတ်းမႃးထူၼ်ႈထိုင် ပွၵ်ႈၵမ်း(6) ပႃးပီၼႆႉ။
ၵူႈပီပူၼ်ႉမႃးၼၼ်ႉဢမ်ႇတွၼ်ႉၸတ်းႁဵတ်းပၢင်သွၼ်
ၶတ်းလိူၵ်ႈဢဝ်ၵူၼ်းမီးၼမ်ႉၵတ်ႉ လႄႈ ၵႂႃႇၶွင်ႈၶမ် ၼႂ်းပၢင်သွၼ်လူင်
ဢၼ်ၶူးၸၢႆးၾႃႈ မႃးပူင်သွၼ်။
ထႅင်ႈၽၢႆႇၼိုင်ႈၵေႃႈ ၵေႃၵပ်းသၢၼ်ၵူၼ်းၼုမ်ႇတႆး (SYN) ၵေႃႈတိုၵ်ႉၸတ်းႁဵတ်း
ပၢင်သွၼ်လိၵ်ႈတႆးၶၢဝ်းမႆႈ မိူၼ်ၵၼ် တီႈဝၢၼ်ႈတႃႈတေႈ ၸႄႈဝဵင်းသီႇပေႃႉ
ၶၢဝ်းတၢင်း 45 ဝၼ်း။
Tags: Education, News
