RCSS ၸဝ်ႈယွတ်ႈသိုၵ်းဢွၼ်ႁူဝ် ယဵမ်ႈၸႂ်းပၢင်လူင်

ၶၢဝ်းတၢင်းယဵမ်ႈၸႂ်း ဝဵင်းပၢင်လူင်ပွၵ်ႈၵမ်း 2 ၊ ႁူဝ်ပဝ်ႈ RCSS တိုၵ်းသူၼ်း ႁႂ်ႈတိတ်းလိၵ်ႈႁူမ်ႈမၢႆပၢင်လူင် တီႈတၢင်းၶဝ်ႈဝဵင်းလႄႈ  ၸွမ်းႁိူၼ်းၵူႈႁိူၼ်း။

ဝၼ်းတီႈ 19/02/2015 ၶွင်ႊသီႊဢဝ်ၶိုၼ်းၸိုင်ႈတႆး (RCSS) ၸွမ်သိုၵ်းယွတ်ႈသိုၵ်း ၵႂႃႇယဵမ်ႈၸႂ်း တီႈဝဵင်းပၢင်လူင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း။ ၵႂႃႇႁူပ်ႉထူပ်း ပီႈၼွင်ႉၵူၼ်းမိူင်း ဝဵင်းပၢင်လူင်သေ တိုၵ်းသူၼ်းႁႂ်ႈၽိမ်း (ပရိၼ်ႊ) ဢွၵ်ႇ ၶေႃႈၵိၼ်ၵႅၼ်ႇ လိၵ်ႈႁူမ်ႈမၢႆပၢင်လူင် တိတ်းဝႆႉတီႈတၢင်းၶဝ်ႈဝဵင်းပၢင်လူင်။ ၼွၵ်ႈသေၼၼ်ႉ  ယင်းတိုၵ်းသူၼ်းႁႂ်ႈပိၼ်ႇၽႃသႃတႆး ၽႃသႃမၢၼ်ႈသေၸွမ်းႁိူၼ်းၵူႈလင်ႁိူၼ်း။ 

RCSS ၸဝ်ႈယွတ်ႈသိုၵ်းဢွၼ်ႁူဝ် ယဵမ်ႈၸႂ်းပၢင်လူင်

လွင်ႈၼႆႉ (လုၵ်ႉတီႈၽႃသႃဢိင်းၵလဵတ်ႈ) ႁႂ်ႈပိၼ်ႇပဵၼ်ၽႃသႃတႆး သႃၽႃမၢၼ်ႈ တူဝ်လိၵ်ႈယႂ်ႇယႂ်ႇသေ တိတ်းဝႆႉၸွမ်းႁိူၼ်း၊ ပိူဝ်ႈတႃႇႁႂ်ႈ ၵူၼ်းဝၢၼ်ႈၵူၼ်းမိူင်းၵူႈၵေႃႉ လႆႈႁူႉလွင်ႈလိၵ်ႈႁူမ်ႈမၢႆပၢင်လူင်။ ပေႃးဝႃႈႁၼ်ယူႇၵူႈဝၼ်းၼႆ မၼ်းတေၶဝ်ႈၸႂ်မႃးဝႃႈ ၼႂ်းလိၵ်ႈႁူမ်ႈမၢႆပၢင်လူင် မီးလွင်ႈသင်လၢႆလၢႆ။

ၶၢဝ်းတၢင်း ၶွင်ႊသီႊဢဝ်ၶိုၼ်းၸိုင်ႈတႆး (RCSS) ယဵမ်ႈ ဝဵင်းပၢင်လူင်ပွၵ်ႈၼႆႉ မီးပီႈၼွင်ႉၵူၼ်းဝၢၼ်ႈၵူၼ်းမိူင်း မႃးပႂ်ႉႁပ်ႉတွၼ်ႈတင်းၼမ်။

RCSS ၸဝ်ႈယွတ်ႈသိုၵ်းဢွၼ်ႁူဝ် ယဵမ်ႈၸႂ်းပၢင်လူင်

RCSS ၼႆႉ မိူဝ်ႈဝၼ်းတီႈ 18/02/2015 ၵေႃႈ ၸွမ်သိုၵ်းယွတ်ႈသိုၵ်း ဢွၼ်ႁူဝ် ၵႂႃႇဢႅဝ်ႇယဵမ်ႈတူၺ်းၼႂ်း ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း။ ႁူပ်ႉထူပ်း ပေႃႈမႄႈပီႈၼွင်ႉၵူၼ်းမိူင်း ၼႂ်းၸႄႈဝဵင်းပၢင်လွင်း 500 ပၢႆ တီႈဝတ်ႉ/ၵျွင်းမူၺ်ႇတေႃႇ ဝဵင်းပၢင်လွင်း။

ၽွင်းမိူဝ်ႈလႆႈႁူပ်ႉထူပ်းၵၼ်တင်း ပီႈၼွင်ႉၵူၼ်းမိူင်းပၢင်လွင်းၼၼ်ႉ ၸဝ်ႈယွတ်ႈသိုၵ်း မွၵ်ႇလၢတ်ႈၶေႃႈၵႂၢမ်းဝႃႈ- တေပူၵ်းပွင်ၵေႃႇတင်ႈဝၢၼ်ႈမိူင်း လူၺ်ႈလွၵ်းပိူင်ၻီႊမူဝ်ႊၶရေႊၸီႊ၊ ၵွပ်ႈၼႆလႄႈ ၼင်ႇႁိုဝ်ပီႈၼွင်ႉၵူၼ်းမိူင်းတႆးၵူႈၵေႃႉ တေလႆႈႁူႉလွင်ႈၻီႊမူဝ်ႊၶရေႊၸီႊၵူႈၵေႃႉၼၼ်ႉ ႁႂ်ႈလႆႈလဵပ်ႈႁဵၼ်းၵၼ်၊ ႁႂ်ႈလႆႈဢၢၼ်ႇလိၵ်ႈလၢႆးၼမ်ၼမ်- ဝႃႈၼႆ။