ၵူၼ်းၼွၵ်ႈမိူင်း ၸၢဝ်းဢမႄႊရိၵၼ်ႊ ပႆတၢင်းႁွတ်ႈ ထိုင်မိူင်းပွၼ်၊ ဢၢၼ်းပႆတၢင်းၵႂႃႇထိုင် တႃႈၶီႈလဵၵ်း၊ ယွၼ်ႉဢမ်ႇမီးၵႃႈႁိူဝ်းဝိၼ် ပိူဝ်ႈတႃႇၶဝ်ႈၶိုၼ်း မိူင်းထႆး။

မၼ်းၸၢႆးပႂ်ႉႁႄႉလူတ်ႉၵႃးသေ တေသိုပ်ႇၶၢဝ်းတၢင်း။ ၸုမ်းပလိၵ်ႈၶဝ်လႆႈႁၼ်သေ လႆႈႁွင်ႉဝႆႉသေတွင်ႈထၢမ်၊ မၼ်းၸၢႆးလၢတ်ႈဝႃႈ ယူႇတီႈမိူင်းၵွၵ်ႇ ၸိုင်ႈထႆး။ ၶဝ်ႈမႃးမိူင်းမၢၼ်ႈ မႃးႁွတ်ႈတႃႈၵုင်ႈယဝ်ႉ သိုပ်ႇၵႂႃႇထႅင်ႈ ပၵၼ်ႇ၊ မဵၵ်ႉထိလႃႇ။ (ၶိုၼ်းမႃးမိူင်းတႆး) ၼွင်ႁၢႆးယႃႈ၊ တူၼ်ႈတီးသေ လႆႈပႆတၢင်းမႃးႁွတ်ႈၽႅဝ်မိူင်းပွၼ်၊ တေသိုပ်ႇၶၢဝ်းတၢင်းၵႂႃႇထႅင်ႈ တႃႈၶီႈလဵၵ်း၊ သိုပ်ႇၶဝ်ႈၵႂႃႇတၢင်းၵဵင်းမႆႇ မိူင်းထႆး။ တီႈတႃႈၶီႈလဵၵ်းၼႆႉ မၼ်းၸၢႆးဢၢၼ်းပႆတၢင်းၵႂႃႇ ႁႂ်ႈႁွတ်ႈ- ၼႆယဝ်ႉ။

ၽူႈမီးပုၼ်ႈၽွၼ်း (ပလိၵ်ႈ)ၶဝ်ထၢမ်ဝႃႈ- ၵွပ်ႈသင်လႄႈ ပႆတၢင်းၵႂႃႇ။ မၼ်းတွပ်ႇဝႃႈ ဢမ်ႇမီးၵႃႈႁိူဝ်းဝိၼ်၊ မီးတႃႇၵိၼ်ၵူၺ်းယဝ်ႉ။ ပေႃးၽႂ်ဢွၵ်ႇပၼ်ငိုၼ်းၵႃႈႁိူဝ်းဝိၼ်ၵေႃႈ ပေႃးၽႅဝ်တီႈၵဵင်းမႆႇၼၼ်ႉ တေသႂ်ႇမႃးပၼ်ငိုၼ်းၶိုၼ်း- ဝႃႈၼႆ။