ၶူးဝႃးထမ်းဝုၼ်းၸုမ်ႉ၊ ၸဝ်ႈၶူးၻွၵ်ႊတိူဝ်ႊထမ်မသႃမိ လႄႈ လုၵ်ႈၼွင်ႉလၢႆၸဝ်ႈ ယေႃးတူဝ်ႁွတ်ႈမိူင်းပွၼ် ဝႆႈသႃၽြႃးလူင် တီႈဝတ်ႉဢူးယဵၼ်ႇ။  သင်ၶ လႄႈ ၵူၼ်းမိူင်းပွၼ် ႁူမ်ႈၵၼ်ႁပ်ႉတွၼ်ႈ ဝႆႈသႃ။

ပူၼ်ႉမႃးမိူဝ်ႈဝၼ်းတီႈ 27/11/2014 ၶၢဝ်းယၢမ်းႁူဝ်ၶမ်ႈ 4 မူင်း၊ ၸဝ်ႈတူၼ်ၶူးဝႃးဝုၼ်းၸုမ်ႉ၊ ၸဝ်ႈၶူးလူင်ၻွၵ်ႊတိူဝ်ႊထမ်မသႃမိ လႄႈ လုၵ်ႈၼွင်ႉလၢႆလၢႆၸဝ်ႈ လႆႈယေႃးတူဝ်မႃးဝႆႈၽြႃးလူင် တီႈဝတ်ႉဢူးယဵၼ်ႇ ဝဵင်းမိူင်းပွၼ်။ မီးၸဝ်ႈသင်ၶ ၊ ၵူၼ်းဝဵင်းမိူင်းပွၼ် လႄႈ ပီႈၼွင်ႉဝၢၼ်ႈႁိမ်းႁွမ်းတင်းၼမ် မႃးႁပ်ႉတွၼ်ႈ ဝႆႈသႃတင်းၼမ်- ၼႆယဝ်ႉ။

ၸဝ်ႈတူၼ်ၶူးဝႃးဝုၼ်းၸုမ်ႉ ပၼ်သိလ်ႁႃႈသေ သူင်ႇမဵတ်ႉတႃႇပၼ်ၵူၼ်းတင်းၼမ်။ တၵ်ႉၵႃႇသတ်ႉထႃး ၸိူဝ်းမႃးၸွမ်းၸဝ်ႈတူၼ်ၶူးၵေႃႈ ၸႅၵ်ႇပၼ်ၶႅပ်းႁၢင်ႈ ၸဝ်ႈတူၼ်ၶူးဝႃးဝုၼ်းၸုမ်ႉလႄႈ လၢၵ်ႈၽွႆးပၼ် ၵူၼ်းတင်းၼမ်။

ၸဝ်ႈတူၼ်ၶူးဝႃး ႁိုဝ် ၸဝ်ႈပေႃႈသိလ်ထမ်းဝုၼ်းၸုမ်ႉ လၢတ်ႈဝႃႈ- ပေႃးဝၢႆးၼႆႉမႃး ၸွင်ႇၵွႆႈမႃးဢႅဝ်ႇယဵမ်ႈထႅင်ႈ ဝႃႈၼႆ။ ၶၢဝ်းယၢမ်းႁူဝ်ၶမ်ႈ 5 မူင်းၶိုင်ႈ လႆႈယေႃးတူဝ်ဢွၵ်ႇမိူဝ်းၶိုၼ်းတီႈ ဝဵင်းတူၼ်ႈတီး- ၼႆယဝ်ႉ။