ပိူဝ်ႈတႃႇလႆႈၶိုၼ်းတီႈလိၼ်သူၼ်ႁႆႈၼႃးၸဝ်ႈၵဝ်ၼၼ်ႉ ၸဝ်ႈႁႆႈၸဝ်ႈၼႃး  ဢေးတႃႇယႃႇလႅတ်ႉမူႉသူင်ႇ၊ ယွင်ႁူၺ်ႈ၊ သူၺ်ႇၺွင်ႇ၊ ႁၢႆးဝူဝ်း၊ ၸၢင်ႉႁၢႆ၊ ဝၢၼ်ႈၼမ်ႉဢုၼ်ႇ၊ ၵွျၵ်ႉၼီႇ၊ တွင်ႇလေးလူင်း၊ ၽယႃးၽျူႇ၊ တွင်ႇၼီႇ၊ ၵုၼ်လူမ်း၊ ၺူဝ်ႇမီႇ  ၸိူဝ်းၼႆႉ လႆႈၶဝ်ႈထိုင်ဝဵင်းလူင်တူၼ်ႈတီႈသေ ၼႄၵၢင်ၸႂ်တီႈဝဵင်းတူၼ်ႈတီး။
မိူဝ်ႈပၢၼ်လူင်ပွင်ၸိုင်ႈသိုၵ်းမၢၼ်ႈၽွင်းငမ်းသေႁုပ်ႈယိုတ်းဢဝ်ၵႂႃႇ တီႈလိၼ်ႁႆႈၼႃး မွၵ်ႈ 6000 ဢေႇၵၼၼ်ႉ ၸုမ်းသိုၵ်းမၢၼ်ႈ၊ ၸုမ်းပီႇတုၸိတ်ႉ လႄႈၶွမ်ႊပၼီႊၶဝ် ဢဝ်ၵႂႃႇပိူဝ်ႈတႃႇၶဝ်ဝႃႈၼႆသေ ၵူၺ်းၵႃႈ တီႈလိၼ်ဢၼ် ဢမ်ႇၸႂ်ႉတိုဝ်းၼၼ်ႉ ႁႂ်ႈၸႅၵ်ႇပၼ်ၶိုၼ်းၸဝ်ႈၶွင်မၼ်း ၸိူင်ႉၼင်ႇတူၼ်ႈတီး၊ ယွင်ႁူၺ်ႈ၊ သူၺ်ႇၺွင်ႇႄလႈ ၵျွၵ်ႉတလူင်းၵျီး ၸိူ်ဝ်းၼႆႉ - ဝႃႈၼႆ။

ပိူင်ၼိုင်ႈၵေႃႈ ယွၼ်ႉဢမ်ႇလႆႈဢၼုၺၢတ်ႈလႄႈဢမ်ႇလႆႈၶဝ်ႈၼႄၵၢင်ၸႂ်ထိုင်ၼႂ်းဝဵင်း၊ ၵွပ်ႈၼႆႉၸိူဝ်းၽူႈၼႄၵၢင်ၸႂ်ၶဝ် ႁွတ်ႈထိုင်တီႈတၢင်းၶဝ်ႈဝဵင်းလူင်တူၼ်ႈတီး ဢေးတႃႇယႃႇသႅတ်ႉမူႉသူင်ႇၵူၺ်းၵေႃႈ သိုပ်ႇပႆတၢင်းႁွင်ႉသႅၼ်ႇၼႄၵၢင်ၸႂ် ၵႂႃႇ ၽူႈၼမ်းၸုမ်းၶဝ်လၢတ်ႈၼင်ႇၼႆ။

 ၵဵဝ်ႇၵပ်းလွင်ႈၼႆႉ ပူၼ်ႉမႃးမိူဝ်ႈဝၼ်းတီႈ 1 လိူၼ်ၵျူႊလၢႆႊၼၼ်ႉၵေႃႈ ၸဝ်ႈႁႆႈၸဝ်ႈၼႃးၶဝ် 200 ပၢၵ်ႇပၢႆ လႆႈၼႄ ၵၢင်ၸႂ်တီႈဝဵင်းလူင်တူၼ်ႈတီႈၵမ်းၼိုင်ႈယဝ်ႉ။