ၼႂ်းတိုဝ်ႉတၢင်းၶွပ်ႇၶူပ်ႇထူၼ်ႈ 50 ပီ ပီၵွၼ်းၶမ်း 30 ဝႃႇသႃဢႃယုၸဝ်ႈတူၼ်ၶူးလူင်ၻွၵ်းတိူဝ်ႊၶမ်းမၢႆ ထမ်မသႃမိ ၼႂ်းဝၼ်းတီႈ 22/11/2-014 ပီၼႆႉ။ ၵူၺ်းၵႃႈ ဝၼ်းတီႈ 22 လိူၼ်ၼူဝ်ႊဝႅမ်ႊၿိူဝ်ႊသမ်ႉ မႅၼ်ႈဝၼ်း ပီမႂ်ႇတႆး 2109 ၼႆလႄႈလႆႈယုၵ်ႉယၢႆႉၶၢႆႉၵႂၢႆႇၸတ်းႁဵတ်းဝၼ်းတီႈ 26-30/12/2014 ႁူမ်ႈတင်းပၢင်ဢုပ်ႇၶႆႈလွင်ႈ လိၵ်ႈလူင်တႆး။

ၵွပ်ႈၼၼ် တၢင်းသင်ၶၸဝ်ႈၸုမ်းသႅင်တဵၼ်းၵေႃႈ ႁၢင်ႈႁႅၼ်းတေသိုပ်ႇႁဵတ်းဢွၵ်ႇၽိုၼ်လိၵ်ႈသႅင်တဵၼ်းမၢႆ 6 ၵမ်းၼႆႉပဵၼ်ၽိုၼ်ၶိုၵ်ႉတွၼ်း ပိူဝ်ႈတႃႇပဵၼ်တွၼ်ႈမၵ်းမၢႆၵိုၵ်းပိုၼ်း ဢႃႇယု ၸဝ်ႈတူၼ်ၶူးလူင် ၻွၵ်းတိူဝ်ႊၶမ်းမၢႆ ထမ်မသႃမိ ၶွပ်ႈႁွတ်ႈပီၵွၼ်းၶမ်း ဢၼ်ၼင်ႈၵွၼ်းဝတ်းတႆးယူႇတီႈဝဵင်းဢွၵ်းၾိူသ်ႉ ၸိုင်းမိူင်းဢိင်းၵလဵတ်ႈသျ် ၼႆလႄႈၸင်ႇလႆႈယိုၼ်ႈယွၼ်းၽိုၼ်လိၵ်းမႃးထိုင်တီႈ ၽူႈတႅမ်ႈလိၵ်ႈတႆးႁဝ်းၶဝ် ဢမ်ႇဝႃႈ ပွင်ႈၵႂၢမ်း၊ ဝွၵ်း၊ လိၵ်ႈလူင်၊ ၵႂၢမ်းၵပ်းထုၵ်ႇ ဢိၵ်ႇတင်း လွင်ႈဢၼ်ၵဵဝ်ႇၵပ်းၵၢၼ်ပၼ်တၢင်းႁူႉၵူႈလွင်ႈလွင်ႈ ၵၢၼ်မိူင်း၊ ၵၢၼ်ၸိူဝ်ႉၸၢတ်ႈၸိူဝ်ႉၶိူဝ်း၊ ၵၢၼ်ၽွင်းငမ်း၊ ၵၢၼ်ထၢင်ႇႁၢင်ႈလွတ်ႈလႅဝ်း(ၻီႊမူဝ်ႊၶရေႊသီႊ)၊ ၵၢၼ်သိုၵ်း၊ ၵၢၼ်လိၵ်ႈလၢႆးၾိင်ႈငႄႈ၊ ၽႃသႃၵႂၢမ်းလၢတ်ႈ၊ ပိုၼ်း၊ ၽူႈၼမ်းတႆး၊ ၵၢၼ်ၼႂ်းမိူင်း/ၼွၵ်ႈမိူင်း၊ ၵႂၢမ်းႁူႉ လွင်ႈ ဢႃႊသျဵၼ်ႊ၊ လွင်ႈၵုၼ်မိူင်းဝၼ်းတူၵ်း/ၵုၼ်မိူင်းဝၼ်းဢွၵ်ႇၵၢင်၊ တူင်ႇဝူင်းၵူၼ်း၊ သိင်ႇဝႅတ်ႉလွမ်ႉ၊ ၵၢၼ်လဵၼ်ႈ ႁႅင်း၊ ၵၢၼ်တွင်ႈတဵဝ်းဢႅဝ်ႇမိူင်း၊ ၵၢၼ်ႁႃၵိၼ်လဵင်ႉတွင်ႉၸီးဝိတ်ႉတသၢႆၸႂ်၊ ၵၢၼ်ၼႃႈႁိူၼ်း၊ ၵၢၼ်မၢၵ်ႈမီး တင်းမူတ်းတင်းသဵင်ႈ ၸိူဝ်းၼႆႉလွင်ႈလႂ်ၵေႃႈလီ။

ၽိုၼ်လိၵ်ႈသႅင်တဵၼ်းမၢႆ 6 ၽိုၼ်ၼႆႉ တေၶဝ်ႈပဵၼ်ၽိုၼ်လိၵ်ႈဢၼ်ၵိုၵ်းပိုၼ်းတႆးၵႂႃႇ ၽိုၼ်ၼိုင်ႈလႄႈ ၶႂ်းတုၵ်းယွၼ်း ၽူႈတႅမ်ႈလိၵ်ႈၵတ်ႉၶႅၼ်ႇလႅၼ်ႇၽၢႆတၢင်းႁူႉတၢင်းႁၼ်ႁဝ်းၶဝ် ၵူႈၸဝ်ႈၵူႈတူၼ် ၶႅၼ်းတေႃႈ ၶွၵ်းၶေႇ သႄႇထူၵ်းၸူၵ်းဢွၵ်ႇ ႁႄႈထွၵ်ႇၽႄ ၽႄႈပၼ် ၽူႈၵူၼ်းတင်းၼမ် ပေႃးလႆႈႁူႉလႆႈႁၼ် ပဵၼ်ပိုၼ်ႉႁူႉ ဢၼ်လီယိူင်ႈလီႁဵၼ်း ၶွင်တူဝ်ထူပ်းတႃႁၼ်ၸဝ်ႈၵဝ်ႇ ပိူဝ်ႈတႃႇၵူၼ်းတင်းၼမ် ပေႃးတေၸၢင်ႈဢဝ်ၵႂႃႇ ၸႂ်ႉတိုဝ်း ၼႂ်းၸူဝ်ႈပၢၼ်ၸီးဝိတ်ႉၼၼ်ႉယူႇ။

ၸိူင်ႉႁိုဝ်ၵေႃႈလီ တၢင်းသင်ၶၸဝ်ႈၸုမ်းသႅင်တဵၼ်း ယင်းလႆႈပိုတ်ႇလၢတ်ႈၼႄၸုမ်းၶၢဝ်ႇၽူႈတွႆႇႁွၵ်ႈမႃးဝႃႈ ၽိုၼ်လိၵ်ႈပၼ်တၢင်းႁူႉဢၼ်တေတႅမ်ႈသူင်ႇမႃးၼၼ်ႉ ယႃႇႁႂ်ႈတူၵ်းလိုၼ်း ဝၼ်းဢွၵ်ႇဝႃႇသႃ လိူၼ်သိပ်းမူၼ်း ဝၼ်းတီႈ (8/10/2014) တီႈ E-mail: sengtentai@gmail.comThis e-mail address is being protected from spambots. You need JavaScript enabled to view it ယိုၼ်ႈယွၼ်းမႃးၼင်ႇၼႆဢေႃႈ။