ပီမႂ်ႇတႆး 2107 ၼီႈ ဝၼ်းၾႃႉလီပီမႂ်ႇ ဝၼ်းမိူဝ်ႈၼႆႉ သိူဝ်ၽိူၵ်ႇ ႁိုဝ် ပႃႇတီႇၻီႊမူဝ်ႊၶရႅတ်ႉတိတ်ႉ ၸၢဝ်းၶိူဝ်းတႆး SNDP ပိုတ်ႇလုမ်းၽႄ ၸႄႈဝဵင်း တီႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ ။

ဝၼ်းထိ 14 ဝၼ်း ၵၢင်ၼႂ် 9 မူင်းၶိုင်ႈ ပႃႇတီႇသိူဝ်ၽိူၵ်ႇ ပိုတ်ႇလုမ်းတီႈဝဵင်းၵူတ်ႉၶၢႆ တူဝ်တႅၼ်း တၢင်ႇပႃႇတီႇ၊ တၢင်ႇမူႇတၢင်ႇ ၸုမ်းၵမ်ႈၽွင်ႈ တင်း ၵူၼ်းဝၢၼ်ႈၵူၼ်းမိူင်း ဢိၵ်ႇ လုၵ်ႈၸုမ်း ၶဝ်ႈႁူမ်ႈ ႁိမ်းပၢၵ်ႇ။

ပၢင်ပိုတ်ႇလုမ်းၼၼ်ႉၸိူဝ်းပဵၼ်လုၵ်ႈၸုမ်းပႃႇတီႇသိူဝ်ႇ ၽွင်းတႅၼ်းၵူၼ်းမိူင်း ၸေႊဝဵင်းမူႇၸေႊ ၸၢႆးၽူဝ်းဢွင်ႇ၊ ၽွင်းတႅၼ်းၵူၼ်းမိူင်း ၸႄႈဝဵင်းသႅၼ်ဝီ ၸၢႆးဝိၼ်းၶႅင်ႇ၊ ၽွင်းတႅၼ်းၸႄႈဝဵင်း ၼၢင်းတၢၼ်းငူၺ်ႇ ၶဝ်ၸိူဝ်းၼႆႉၵေႃႈ ၶိုၼ်ႈႁွတ်ႈ။