သုၼ်ၵၢၼ်ႁဵၼ်းႁူႉ တူင်ႇဝူင်းၵူၼ်း Community Learning Centre ( ၵေႃတႆး ) ပိုၼ်ၽၢဝ်ႇ ႁပ်ႉလုၵ်ႈႁဵၼ်းၾိုၵ်းလပ်ႉၼမ်ႉၵတ်ႉ ၼႂ်းပၢင်သွၼ်ယုၵ်ႉမုၼ်းၼမ်ႉၵတ်ႉၵူၼ်းၼုမ်ႇ။


ဝၼ်းတီႈ 25/07/2017 တေႃႇထိုင် 25/08/2017 ၶၢဝ်းတၢင်းၼိုင်ႈလိူၼ် ။ သုၼ်ၵၢၼ်ႁဵၼ်းႁူႉတူင်ႇ ဝူင်းၵူၼ်း Community Learning Centre (ၸုမ်းၵေႃတႆး) ပိုၼ်ၽၢဝ်ႇႁပ်ႉလုၵ်ႈႁဵၼ်း ၽူႈသူၼ် ၸႂ် ၶိုၼ်ႈလဵပ်ႈႁဵၼ်း ပၢင်ယုၵ်ႉမုၼ်းၼမ်ႉၵတ်ႉၵူၼ်းၼုမ်ႇ တီႈလုမ်းမုၵ်ႉၸုမ်းၵေႃတႆး ဝၢၼ်ႈၵွင်း၊ ဢိူင်ႇတႃႈပုင်ႇ၊ ဝဵင်းလႃႈလဵဝ်ႈ ၸိုင်ႈတႆးပွတ်းႁွင်ႇ။

တီႈပၢင်သွၼ်ၼၼ်ႉ ႁပ်ႉလုၵ်ႈႁဵၼ်း 30 ၵေႃႉ ပူင်သွၼ်ပၼ်လၢႆလွင်ႈမိူၼ်ၼင်ႇ English / ၵၢၼ်မၢၵ်ႈမီး (Business )/ ၵၢၼ်ဢွၼ်ႁူဝ် (Leadership) ၵၢၼ်ၸတ်းၵၢၼ် (Mangement) ၸိူဝ်းၼႆႉ ၶူးပူင်သွၼ်ပဵၼ် ၼၢင်းၶႅမ်ဝၼ်း၊ ၼၢင်းၼုမ်ႇဝၼ်း၊ ၸၢႆးလႅင်းၶမ်း ၶဝ်ၸိူဝ်းၼႆႉ။


မေႃသွၼ် ၼၢင်းၼုမ်ႇဝၼ်း လၢတ်ႈဝႃႈ - “ လွင်ႈၵၢၼ်ပၢႆးပၺ်ၺႃၼႆႉ မၼ်းလမ်ႇလွင်ႈတွၼ်ႈတႃႇတူဝ် ၵဝ်ႇလႄႈ ၸိူဝ်ႉၶိူဝ်းဝၢၼ်ႈမိူင်းႁဝ်းတႄႉတႄႉ ၵွပ်ႈၼၼ်လႄႈ ႁႂ်ႈပေႃႈမႄႈပီႈၼွင်ႉႁဝ်း ဢွၼ်ၵၼ် ပၼ်ႁႅင်းလုၵ်ႈလၢၼ်ၶိုၼ်ႈလဵပ်ႈႁဵၼ်းပၢႆးပၺ်ၺႃၼမ်ၼမ်သေၵမ်း။ ပွၵ်ႈၼႆႉဢၼ်ႁဝ်းၶႃႈၵဵပ်းငိုၼ်း ၼႆႉ ပိူဝ်ႈတႃႇပဵၼ်ၵၢၼ်ၵမ်ႉၸွႆႈလွင်ႈၵိၼ်၊ ယူႇၶၢဝ်းတၢင်းၵၢၼ်ႁဵၼ်း ”ဝႃႈၼႆ။


ပၢင်သွၼ်ယုၵ်ႉမုၼ်းၼမ်ႉၵတ်ႉၵူၼ်းၼုမ်ႇၼႆႉ တေပူင်သွၼ်ပၼ် ဝၼ်းတီႈ 01/09/2017 ထိုင် 31/01/2018 ၶၢဝ်းတၢင်း 5 လိူၼ် လုၵ်ႈႁဵၼ်းၼိုင်ႈၵေႃႉတၵ်းတေလႆႈၵမ်ႉၸွႆႈၵႃႉၸႂ်ႉၸၢႆႇ ၵႃႈယူႇ၊ ၵႃႈၵိၼ်၊ၵႃႈႁဵၼ်း ႁူမ်ႈတႃႇႁႃႈလိူၼ် ပဵၼ် 15 သႅၼ်ၵျၢတ်ႉ။


လိူဝ်ၼၼ်ႉၼႂ်းဝၼ်းတီႈ 01/09/2017 ၼႆႉ ၸၼ်ႉၸွမ်တူင်ႇဝူင်းၵူၼ်းတႆးၵေႃႈ တေတႄႇပိုတ်ႇ သွၼ်မိူၼ်ၵၼ်ဝႃႈၼႆ။

Credit Photo to Kaw Dai Organization