ၸိုင်ႈတႆးပွတ်းႁွင်ႇ ၼႂ်းၸေႈဝဵင်းသီႇပေႃႉ ထုင်ႉၼႃးမၢၵ်ႇၶေႃ ၸတ်းႁဵတ်းပၢင်ပွႆးလူင်းပၢင်သွၼ်  ႁူင်းႁဵၼ်းထမ်မ ပီႈၼွင်ႉတီႈၸမ် တီႈၵႆ လႄႈ လုၵ်ႈႁဵၼ်း ၶဝ်ႈႁူမ်ႈ ႁိမ်း 300 ။ 

ဝၼ်းတီႈ 24/4/2017 ၼႂ်းထုင်ႉၼႃးမၢၵ်ႇၶေႃ ဝၢၼ်ႈတူၼ်ႈၵႅင်း ဢၼ်မီးၸဵင်ႇၸၢၼ်း ဝၼ်းဢွၵ်ႇ ဝဵင်းသီႇပေႃႉမွၵ်ႈ 20 လၵ်း ပၢႆၼၼ်ႉ ၸတ်းႁဵတ်းပွႆးလူင်းပၢင်သွၼ်ႁူင်းႁဵၼ်းထမ်ႇမ လႄႈလိၵ်ႈလၢႆးတႆး ဢၼ်လႆႈသွၼ်မႃး ၼႂ်းၶၢဝ်းတၢင်း7လိူၼ် တင်ႉတႄႇ ဝၼ်တီႈ  (11/9/2016 - 24/04/2017)။ လုၵ်ႈႁဵၼ်းၶဝ်ႈသွၼ် 154 ၵေႃႉ၊ မေႃသွၼ်မီး 4 ၵေႃႉ၊ ၸဝ်ႈတူၼ်ၶူး 1 တူၼ် လုၵ်ႈႁဵၼ်းၸိူဝ်း ႁပ်ႉဝႂ်ပူၼ်ႉၸၼ်ႉ 119 ၵေႃႉ။ လုၵ်ႈႁဵၼ်းသႅၼ်းဢွၼ် ၵေႃႈမီးတင်းၼမ်။

ပၢင်ပွႆးလူင်းပၢင်သွၼ် ၼႆႉ တိုၵ်ႉၸတ်းႁဵတ်း ၼႂ်းထုင်ႉၼႃးမၢၵ်ႇၶေႃ ပဵၼ်ပွၵ်ႈဢွၼ်တၢင်းသုတ်း။ 

လုၵ်ႈဢွၼ် ၸိူဝ်းၶိုၼ်ႈႁဵၼ်းတေႉပဵၼ်ၵူၼ်း ဝၢၼ်ႈတူၼ်ႈၵႅင်းၵွၺ်း၊ တၢင်ႇဝၢၼ်ႈတေႉၵေႃႈ ဢမ်ႇမႃးၶဝ်ႈႁူမ်ႈ 

ၵွပ်ႈဝၢၼ်ႈႁၢင်ႇၵႆၵၼ်၊ လိူဝ်ၼၼ်ႉတၢင်ႇ ဝၢၼ်ႈၵေႃႈမီးဝိႁရ်ႇယူႇ ပိူဝ်ႈၼၼ်လႄႈ တၢင်ႇဝၢၼ်ႈတေႉ ဢမ်ႇမႃး

ၶဝ်ႈသွၼ်ၸွမ်း၊ ၼႂ်းပွႆးလူင်းပၢင်သွၼ် တေႉ မီးၸဝ်ႈၶူးမွၵ်ႇလၢတ်ႈပၼ်ၽွၼ်းလီ၊ တွၼ်ႈသူးလုၵ်ႈႁဵၼ်း၊ ၼႄပၼ်တၢင် ၵႃႈပၢၼ်မႂ်ႇ ၸဵမ်ၸိူဝ်း -ဝႃႈၼႆ။ 

လုင်းသေႃး ၽူႈၶဝ်ႈပႃးၸုမ်းႁူဝ်ၼႃႈဝၢၼ်ႈ/ လၢတ်ႈဝႃႈ-  ယူႇတီႈပၢင်ပွႆးလူင်းပၢင်သွၼ်ၼႆႉသေ ႁဝ်း ၶႃႈႁၼ်ထိုင်ဝႃႈ  ၸူဝ်ႈၶၢဝ်းဢၼ်မီးမႃးႁူင်းႁဵၼ်းထမ်ႇမၼႆႉ လွင်ႈၽွမ်ႉႁူမ်ႈႁဝ်းၶႃႈ ၼမ်မႃးလိူဝ် ၵဝ်ႇယူႇ၊ မိူဝ်ႈဢွၼ်တၢင်းတေႉၵေႃႈ ႁဝ်းၶႃႈလႆႈႁဵတ်းမႃးပၢင်သွၼ်လိၵ်ႈတႆးၵွႆး၊ ႁဝ်းၶႃႈဢမ်ႇပေႃးႁၼ် လွင်ႈ တၢင်းၶိုၼ်ႈ ယႂ်ႇမိူၼ်ၼႆ ၊ သမ်ႉၵႆႉမီးလွင်ႈသေႉၼႄးၵၼ်၊ ဢမ်ႇၽွမ်ႉၵၼ်လႆႈ ၵွၺ်းၵႃႈပွၵ်ႈၼႆႉတေႉ ၸဝ်ႈ တူၼ်ၶူးပိင်ႇၺႃႇသႃႇရ  ဢွၼ်ႁူဝ်ထူဝ်းၼႃႈသေ သပ်းလႅင်းၼႄႁႂ်ႈၵူၼ်းဝၢၼ်ႈႁဝ်းၶႃႈပွင်ႇၸႂ်ၼမ်မႃးလႄႈ ယုမ်ႇယမ်ဝႃႈ  ပွႆးလူင်းပၢင်ပွၵ်ႈၼႆႉ တိူဝ်းတွၼ်းမႃးလိူဝ်ၵဝ်ႇတေႉတေႉယူႇဢေႃႈ။

လုင်းသေႃး သိုပ်ႇလၢတ်ႈထႅင်ႈဝႃႈ -တေဢဝ်ၼႆႉၵႂုႇၼႃႈၵေႃႈ ႁဝ်းၶႃႈယွၼ်းဢဝ်ၵုင်ႇမုၼ် ၸဝ်ႈၶူးလူင်  ပိင်ႇၺႃႇသႃႇရ  ႁဝ်းၶႃႈသေ ၼင်ႇႁိူဝ်လိၵ်ႈႁဝ်းၶႃႈပေႃးတေႁိူင်း မိူင်းႁဝ်းၶႃႈပေႃးတေသုင် ဢမ်ႇပူၼ်ႉ ပိူၼ်ႈလႆႈၵေႃႈ ႁႂ်ႈသမ်ႉပေႃးပဵင်းပိူၼ်ႈၼၼ်ႉ ႁဝ်းၶႃႈတေယၢင်ႈၸွမ်းႁွႆးတိၼ် ၸဝ်ႈၶူးႁဝ်းၶႃႈ သေ ဢၼ်း ၶတ်းၸႂ်တူင်ႉၼိူင် 

ႁဵတ်းသၢင်ႈၸွမ်းထႅင်ႈႁဝ်ႈႁႅင်းယူႇဢေႃႈ။

ပၢင်သွၼ်ႁူင်းႁဵၼ်းထမ်မ  ၼႆႉတေတၢင်ႈပဵၼ်မႃးၼႂ်း 2014 ၼႂ်းၶၢဝ်းတၢင်း 3-4 ပီ မႃးၼႆႉၵွၺ်း ပဵၼ်မုၵ်ႉၸုမ်းသၢင်ႇၶၸိုင်ႈတႆး ဢွၼ်ႁူဝ်ၸၢတ်းႁဵတ်းမႃး ဢမ်ႇထၢတ်ႇဢမ်ႇဝႆးသေ တေႃႇထိုင် ယၢမ်းလဵဝ်ၵေႃႈ 

တိုၵ်ႉဢွၼ်ၵၼ်သိုပ်ႇၶတ်းၸႂ် ပိုၼ်ၽႄၸႅၵ်ႇၵႂုႇၵူႈတီႈ ယူႇဝႃႈၼႆ၊၊

ၽူႈတွႆႇႁွၵ်ႈ ပၢင်တႆးၶမ်း