ႁူင်းႁဵၼ်းလူင်ပွင်ၸိုင်ႈ ၵိုတ်းယင်ႉ ၶၢဝ်းမႆႈ တႃႇသၢမ်လိူၼ် ၼၼ်ႉ ၸဝ်ႈတူၼ်ႈၶူး လႄႈ ၽူႈယႂ်ႇ ၵူၼ်းလူင်၊ ၵူၼ်းၼုမ်ႇၼႂ်းထုင်ႉမိူင်းလႃ သီႇပေႃႉ ၸတ်းႁဵတ်း ပၢင်သွၼ် ႁူင်းႁဵၼ်းထမ်မ မီး လုၵ်ႈႁဵၼ်း ၶဝ်ႈႁဵၼ်းဢဝ် 100 ပၢႆ။  

ဝၼ်းတီႈ 10/3/2017 ၸဝ်ၶူးမုၼိင်ႇတ ဢွၼ်ႁူဝ် ၵူၼ်းဝၢၼ်ႈ ၼႂ်းဢိူင်ႇမိူင်းလႃ  ၵမ်ႈၽွင်ႈသေ ၸတ်းႁဵတ်း

ပၢင်သွၼ်ထမ်မ၊ ပၢင်သွၼ်လိၵ်ႈတႆး တီႈဝိႁၢရ်ဝၢၼ်ႈမူင်ႈ။ မီးလုၵ်ႈႁဵၼ်းၶဝ်ႈႁဵၼ်း 126 ၵေႃႉ၊ မေႃ သွၼ်မီး 4 ၵေႃႉ၊ ၶၢဝ်းယၢမ်းတႄႇပၢင်သွၼ် 9 မူင်း တေႃႇထိုင် ဝၢႆးဝၼ်း 3:30 မူင်း ဝႃႈၼႆ။ 

လုၵ်ႈႁဵၼ်းၸိူဝ်းမႃးၶဝ်ႈႁူမ်ႈတႄႉ ပဵၼ်ၵူၼ်းဝၢၼ်ႈမူင်ႈ၊ ဝၢၼ်ႈႁူဝ်တူင်ႇ တင်း ဝၢၼ်ႈ ၵုၼ်ၵွၵ်ႇ တင်း 

ဝၢၼ်ႈၸွင်ႈႁူၵ်း ၼႂ်းဢိူင်ႇ မိူင်းလႃႈ မႃးၶဝ်ႁဵၼ်းဢဝ်တၢင်းႁူႉ တၢင်းႁၼ် ဝႃႈၼႆ။

မေႃသွၼ် ၸၢႆးလႅင်း ဝၢၼ်ႈမူင်ႈ လၢတ်ႈဝႃႈ - ယိူင်းဢၢၼ်းတႄႉ ႁႂ်ႈလုၵ်ႈဢွၼ်တႆး မေႃ ႁူႉ ထမ်းတြုး 

ၵႆႉၶဝ်ႈဢွၵ်ႇဝတ်ႉဝႃး ၊ ႁႂ်းၶဝ်မီးၵၢင်ၸႂ်ၸွႆႈထႅမ် ၵၢၼ်ဝၢၼ်ႈမိူင်း၊ ႁႂ်ႈၶဝ်မေႃၸႅၵ်ႇလွင်ႈ ၽိတ်းလွင်ႈထုၵ်ႇ၊ ႁႂ်ႈၶဝ်မေႃပူၵ်းတၢင်ႈၸၢတ်ႈပၢၼ်ၶဝ်သေ ၵႆယၢၼ်ၽေးယႃႈမဝ်းၵမ် ၸဵမ်ၸိူဝ်းၼႆႉ ဢေႃႈ။

ပၢင်သွၼ်ႁူင်းႁဵၼ်ထမ်မ လႄႈလိၵ်ႈလၢႆးတႆးၼႆႉ ၸတ်းႁဵတ်းမႃးၶၢဝ်းတၢင်း 3 ပီ ၊ တေၸတ်းႁဵတ်းၵႂႃႇ ၵူႈပီ 

ၼင်ႇၵႃႈပွင်ပဵၼ်လႆႈ - ဝႃႈၼႆ။

 

ၼႂ်းၸႄႈဝဵင်းသီႇပေႃႉ ၼႆႉ တင်ႈတႄႇႁူင်းႁဵၼ်းလူင်ပွင် ၸိုင်ႈတႄႇႁပ်းပိၵ်ႉ ဢွၼ်ၵၼ် တိုၼ်ႇသၢၼ်ႈ ၸတ်း

ႁဵတ်း  ပၢင်သွၼ်ႁူင်ႁဵၼ်းထမ်မ ပၢင်သွၼ်လိၵ်ႈလၢႆးတႆး မႃးလၢႆလၢႆတီႈ လၢႆလၢႆဝၢၼ်ႈ။ ယၢမ်းလဵဝ် ဢၼ်တိုၵ်ႉ ၸတ်းႁဵတ်းဝႆႉယူႇတႄႉ မိူင်ၼင်ႇဝၢၼ်ႈတူၼ်ႈၵႅင်း ထုင်ႉၼႃးမၢၵ်ႇၶေႃ ဝၢၼ်ႈႁူဝ်ၼႃး ထုင်ႉ ဝၢၼ်ႈသၢင်း

ၸိူဝ်းၼႆႉ ။