ၸိူင်းထႆး “ ၿူင်းၿၼ်ႊၸထွၼ်ႊ ” ဢၼ်ၼၢင်းယိင်းထႆးတင်းလုၵ်ႈၸဝ်ႈၾႃႉၵဵင်းတုင်ႁူပ်ႉ  ထူပ်းႁၵ်ႉၵၼ်သေထိုင်တီႈပေႃးလႆႈတၢႆၵႂႃႇၸွမ်းၵၼ် ။


ၸိူင်းႁၵ်ႉမၢဝ်ၵဵင်းတုင်လႄႈသၢဝ်လၢၼ်ႉၼႃးၼႆႉၼၢင်းၸိူင်းပဵၼ် မႂ်ႇ ၻႃႊဝီၵႃႊ လႄႈ ၸၢႆးၸိူင်းပဵၼ် မႃႊရိဢူဝ်ႊ တေပိုၼ်ၽႄႈၼႄၼႂ်းပီ 2017 Channel (ၶျွင်ႉ) 3 ။

ၸိူင်း ၿူင်းၿၼ်ႊၸထွၼ်ႊ ၼႆႉပဵၼ်ၸိူင်းဢၼ်ဢၢင်ႈဢိင်ပိုၼ်းၸိူင်းဢၼ်ၵဵဝ်ႇလွင်ႈတၢင်းႁၵ်ႉ ယိင်းသၢဝ်ထႆး မီးၸိုဝ်ႈဝႃႈ ၽႄရၼူၼ်း ။ မီးၵူႇၼွၼ်းမိူဝ်ႈၵွၼ်ႇၶွင်ပေႃႈမၼ်းၼၢင်းဢၼ်ၼိုင်ႈ တီႈဝဵင်းၵဵင်းႁၢႆး ၸိုင်ႈထႆးပွတ်းႁွင်ႇ ။


ၵူႇၼွၼ်းၼၼ်ႉပေႃးမၼ်းၼၢင်းၵႂႃႇၼွၼ်းၼိူဝ်မၼ်းၸိုင် ၊ မၼ်းၼၢင်းတေၽႅဝ်ၵႂႃႇတီႈဝဵင်းၵဵင်းတုင် ၵႂႃႇႁူပ်ႉထူပ်းတင်းၸၢႆးလၢဝ်ပိူင်း ၵေႃႉပဵၼ်လုၵ်ႈၸၢႆးၸဝ်ႈၾႃႉ ၵဵင်းတုင် ၊ သေၶႃသွင်ၵေႃႉလႆႈႁၵ်ႉ ၵၼ် ထိုင်တီႈပေႃးလႆႈၵႂႃႇတၢႆ ၸွမ်းၵၼ်တီႈ ဝဵင်းမိူင်းပွၼ် ၸိုင်ႈတႆးပွတ်းၸၢၼ်း ။


ၽူႈတႅမ်ႈပိုၼ်းၸိူင်း “ ၿူင်းၿၼ်ႊၸထွၼ်ႊ ” ၼႆႉတႄႉပဵၼ် မေႃတႅမ်ႈလိၵ်ႈၸိူင်း ၵီႊရတီႊ ၶျၼႃႊ (  กีรตี ชนา ) တႅမ်ႈပဵၼ်ပပ်ႉမီး 708 ၼႃႈသေပိုၼ်ၽႄႈ မိူဝ်ႈ ပီ 2001 ။


ၸိူင်းႁၵ်ႉၸဝ်ႈၸၢႆးၵဵင်းတုင်လႄႈသၢဝ်လၢၼ်ႉၼႃး (ထႆး) ၼႆႉၶျွင်ႉ 7 လႆႈထၢႆႇသၢႆၼႄၵႂႃႇမိူသ်ႈပီ 2002 ၼၼ်ႉပွၵ်ႈၼိုင်ႈ ။