လုၵ်ႈႁဵၼ်းၸၼ်ႉသိပ်း တွပ်ႇလိၵ်ႈၸၼ်ႉသိပ်း ၼႂ်းမိူင်းတႆး သီႇပုၼ်ႈ ဢွင်ႇပူၼ်ႉၸၼ်ႉၼိုင်ႈပုၼ်ႈ ၊ ဢၼ်ပူၼ်ႉၸၼ်ႉဢေႇသုတ်း ပဵၼ်မိူင်းယၢင်း ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း ။

မိူဝ်ႈဝၼ်းတီႈ 11/06/2016 ႁွင်ႈၵၢၼ်လူင်ပၢႆးပၺ်ၺႃ ပိုၼ်ၽၢဝ်ႇသဵၼ်ႈမၢႆၽူႈဢွင်ႇပူၼ်ႉၸၼ်ႉသိပ်း (ၸၼ်ႉ 10) တႃႇတေသိုပ်ႇၶဝ်ႈႁဵၼ်းလႆႈ ၸၼ်ႉၸွမ်ၼၼ်ႉ ဝႃႈ - မိူင်းတႆးၼႆႉ လုၵ်ႈႁဵၼ်းၸၼ်ႉသိပ်း ဢၼ်ဢွင်ႇပူၼ်ႉၸၼ်ႉမီး 28% ၊ ၼႂ်း 100% ၼႆႉ ဢွင်ႇပူၼ်ႉၸၼ်ႉ 1 ပုၼ်ႈၵူၺ်း - ၼႆယဝ်ႉ ။


ပီ 2016 ၼႆႉ လုၵ်ႈႁဵၼ်းၸိူဝ်းတွပ်ႇလိၵ်ႈၸၼ်ႉ 10 ၼႂ်းၸိုင်ႈတႆးပတ်းပိုၼ်ႉ တင်းမူတ်းမီး 41,334 ၵေႃႉ ၊ ဢွင်ႇပူၼ်ႉၸၼ်ႉ 11,648 ၵေႃႉ။ ပေႃးၼပ်ႉသွၼ်ႇၿိူဝ်ႊသႅၼ်ႊ (%) မၼ်းဝႃႈၸိုင် ဢွင်ႇပူၼ်ႉ 28.18% ။ ၼႂ်းလုၵ်ႈႁဵၼ်းၸိူဝ်းဢွင်ႇပူၼ်ႉၸၼ်ႉသိပ်းၼႆႉ ၸိူဝ်းလႆႈ All distinction (လၢဝ်ၸွင်ႈ) မီး 26 ၵေႃႉ ၊ ၵမ်ႈၼမ်ပဵၼ်ၾၢႆႇပၢႆးမၢၵ်ႈမီး - ၼႆယဝ်ႉ ။


လုၵ်ႈႁဵၼ်းၸိူဝ်း လႆႈလၢဝ် (ၵူင်ႇထူး) မီး 2,441 ။ ဢၼ်လႆႈလၢဝ်ၵူႈၽႃသႃ (6 သႃၽႃ / Subject) မီး 26 ၵေႃႉ ၊ လၢဝ် 5 လုၵ်ႈ (5 ၽႃသႃ) 79 ၵေႃႉ ။ လႆႈလၢဝ် 4 ၽႃသႃ 100 ၵေႃႉ ၊ လႆႈလၢဝ် 3 ၽႃသႃ 370 ၵေႃႉ ၊ လႆႈလၢဝ် 2 ၽႃသႃ 320 ၵေႃႉ ၊ လႆႈလၢဝ် 1 ၽႃသႃ 1,379 ၵေႃႉ ။ ၵမ်ႈၼမ် ဢၼ်လႆႈလၢဝ် ပဵၼ်ပၢႆးမၢၵ်ႈမီး - ၼႆယဝ်ႉ ။


ၼႂ်းၸိုင်ႈတႆးၼႆႉ ၸႄႈဝဵင်းဢၼ်ၶဝ်ႈပႃးၼႂ်းသဵၼ်ႈမၢႆသေ မီးလုၵ်ႈႁဵၼ်းဢွင်ႇပူၼ်ႉၸၼ်ႉဢေႇသုတ်း ပဵၼ်မိူင်းယၢင်း ၸႄႈဝဵင်းၵဵင်းတုင် ၼႂ်းၸိုင်ႈတႆးပွတ်းဢွၵ်ႇ၊ ဢွင်ႇပူၼ်ႉၸၼ်ႉ 2 ၵေႃႉ ။ ၼႂ်းၸိုင်ႈတႆးပွတ်းၸၢၼ်း မိူင်းၵိုင် 3 ၵေႃႉ ၊ မိူင်းပၼ်ႇ 4 ၵေႃႉ ၊ ၵေးသီး 6 ၵေႃႉ - ၼႆယဝ်ႉ ။


ၶဝ်ႈတူၺ်းသဵၼ်ႈမၢႆဝဵင်းလႂ်ဝဵင်းၼၼ်ႉ လုၵ်ႈႁဵၼ်းဢွင်ႇပူၼ်ႉၸၼ်ႉလႆႈတီႈလိင်ႊၶ် ႁွင်ႈၵၢၼ်လူင်ၾၢႆႇပၺ်ၺႃ ၶဝ်ပိုၼ်ၽၢဝ်ႇ လႆႈတီႈတႂ်ႈၼႆႉ ။


https://www.facebook.com/moe.gov.mm/photos/a.925011847605879.1073741828.924512940989103/1003958206377909/?type=3