မုၼ်ယႂ်ႇၸဝ်ႈႁေႃၶမ်း  ၶိုၼ်ႈၽွင်းငမ်းၽႅၼ်ႇလိၼ်

တိုဝ်းသိလ်ထမ်းသိူဝ်ႇပိုၼ်ႉ   ၾိုၼ်ႉတၢင်းယၢၵ်ႈၽၢၼ်ၵိၼ်း

ၵူၼ်းမိူင်းယိၼ်းသိူဝ်းမူၼ်ႈ   တႂ်ႈတူၼ်ႈငဝ်းမဵတ်ႉတႃႇ

ပႃႇရမီႇၸဝ်ႈၵုမ်းၽႄႇ   မႄႇႁူမ်ႈၵႂၢင်ႈႁူဝ်ၵူၼ်း

ၸွတ်ႇတူဝ်ႈလႅၼ်တူၼ်းၶွပ်ႇ  ႁွပ်ႇဢုမ်ႈၽူႈႁွၼ်ႉမႆႈ

လႆႈမီးတီႈသုၵ်ႉႁူဝ်  ႁူမ်ႈသိူဝ်းၼူဝ်ယူႇမူၼ်ႈ

ၸဵတ်းသိပ်းပီထူၼ်ႈၶွပ်ႈ  ယွၼ်းၵူမ်ႈၼွပ်ႈႁူဝ်ၵွမ်း

ႁွမ်းမိုဝ်းၶုပ်ႉယမ်ပိုင်ႈ  ယိုင်ႈယႂ်ႇႁေႃၶမ်းၸဝ်ႈၶိူဝ်းသယၢမ်