ပေႃႈမႄႈၵူၼ်းမိူင်းၽူႈႁၵ်ႉလိၵ်ႈလၢႆးတႆး ထုင်ႉလွႆၸႄႈ ၸႄႈမိူင်းၶၢင် ၸတ်းႁဵတ်းပၢင်ယွင်ႈယေႃး ၼမ်ႉၸႂ်မေႃသွၼ်လႄႈလုၵ်ႈႁဵၼ်း တီႈဝၢၼ်ႈၵုင်းသႃႇ ထုင်ႉမိူင်းဝၼ်း ဢိူင်ႇလွႆႈၸႄႈ 8 ဝၢၼ်ႈ ၸႄႈဝဵင်းမၢၼ်ႈၸႄႈ ၸႄႈမိူင်းၶၢင် ။

ဝၼ်းတီႈ 26/02/2016  ၶၢဝ်းယၢမ်း  08:40-09:40 မူင်း ၸုမ်းပၢင်သွၼ်လိၵ်ႈလၢႆးတႆးလႄႈ ၾိင်ႈငႄႈပုတ်ႉထ ဢွၼ်ႁူဝ်ၸတ်းႁဵတ်း ပွႆးလူင်းပၢင်သွၼ် ယုၵ်ႉယွင်ႈၼမ်ႉၸႂ်ၶူးသွၼ်လႄႈ တွၼ်ႈသူႈလုၵ်ႈႁဵၼ်းၸိူဝ်းၵတ်ႉၶႅၼ်ႇ တီႈဝၢၼ်ႈၵုင်းသႃႇ ထုင်ႇမိူင်းဝၼ်း ဢိူင်ႇလွႆၸႄႈ 8 ဝၢၼ်ႈ ၸႄႈမိူင်းၶၢင် ၼႆယဝ်ႉ ။


ၶူးပူင်သွၼ် ၵေႃႉၼိုင်ႈလၢတ်ႈဝႃႈ “ ပွႆးလူင်းပၢင်သွၼ်ၵမ်းၼႆႉ ၸတ်းႁဵတ်းမႃး ပဵၼ်ပွၵ်ႈၵမ်းတီႈ 4 ၼႂ်းပီၼႆႉ လုၵ်ႈႁဵၼ်းတင်းမူတ်းမီး 64 ၵေႃႉ ၊ ၼႂ်း 64 ၵေႃႉၼၼ်ႉ လုၵ်ႈႁဵၼ်းၸိူဝ်းဢၼ်တွပ်ႇလႆႈ ၸၼ်ႉပုတ်ႉထ 14 ၵေႃႉ ၊ ၸၼ်ႉငဝ်ႈ 16 ၵေႃႉ ၸဵမ်ၸိူဝ်းၼႆႉ ၸၼ်ႉဢွၼ် 34 ၵေႃႉတႄႉ ဢမ်ႇတွပ်ႇ လႆႈ ။ လုၵ်ႈႁဵၼ်း 60 ပၢႆၼႆႉ ယူႇတီႈၸုမ်းႁဝ်းသေ တွၼ်ႈသူးၼမ်ႉၸႂ်ပၼ် တင်းမူတ်း  ၼင်ႇႁိုဝ် ၶဝ်ပေႃးတေမီးႁႅင်းၸႂ် ပေႃးပီၼႃႈမႃး ႁႂ်ႈၶဝ်ပေႃးတေၶတ်းၸႂ် သိုပ်ႇၶိုၼ်ႈ ႁဵၼ်းထႅင်ႈ ” ဝႃႈၼႆ ။


ၽႃသႃဢၼ်ပူင်သွၼ်ပၼ်လုၵ်ႈႁဵၼ်းသမ်ႉ လိၵ်ႈတႆး ၊ ၾိင်ႈငႄႈပုတ်ႉထလႄႈ လၢႆးပဝ်ႇပီႇၼမ်ႉတဝ်ႈ ၸဵမ်ၸိူဝ်းၼႆႉ ၊ ၸၼ်ႉလိၵ်ႈသမ်ႉ တေမီး ၸၼ်ႉဢွၼ် ၊ ၸၼ်ႉငဝ်ႈ လႄႈ ၸၼ်ႉပုတ်ႉထ ၸဵမ်ၸိူဝ်းၼႆႉ ။


ၶၢဝ်းတၢင်းပၢင်သွၼ်လိၵ်ႈလၢႆးတႆးလႄႈ ၾိင်ႈငႄႈပုတ်ႉထၼႆႉ တႄႇဢဝ် ဝၼ်းတီႈ 20-26/01-02/2016 ။ ၶူးပူင်သွၼ်သမ်ႉ တေမီးၶူးသွၼ်ယိင်း 6 ၵေႃႉ ၊ ၶူးသွၼ်သင်ၶၸဝ်ႈ 3 တူၼ် ႁူမ်ႈၵၼ် တင်းမူတ်း 9 ၵေႃႉ ၼႆယဝ်ႉ ။