ၶၢဝ်ႇလိုဝ်းၼႂ်း Social Media ဝႃႈ ပႃႇတီႇမႂ်သုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA တေထွၼ်တူဝ်ဢွၵ်ႇ  UNFC  ဢၼ်ဝႃႈၼၼ်ႉဢမ်ႇၸႂ်ႈလွင်ႈတေႉ ပဵၼ်ၶၢဝ်ၽၢင်းၵူၺ်း - SSPP/SSA လၢတ်ႈ ။

ၶၢဝ်းယၢမ်းငဝ်းလၢႆးဝၢၼ်ႈမိူင်းယုင်ႈယၢင်ႈ ၊ ပၼ်ႁႃၼႂ်းၵႄႈၸၢဝ်းၶိူဝ်း မီးၼမ်  လိၵ်ႈပိုၼ်ၽၢဝ်ႇပွမ်၊ၶၢဝ်ႇပွမ် ၵဵဝ်ႇလူၺ်ႈလွင်ႈၵၢၼ်မိူင်းၵေႃႈမီးတၢင်းၼမ် ။ ၵွပ်ႈၼၼ် ဢၼ်ဢွၵ်ႇမႃးၼႂ်း ဝူင်ႈပူၼ်ႉမႃး ဢၼ်ဝႃႈ  SSPP/SSA တေထွၼ်တူဝ်ဢွၵ်ႇ UNFC ဢၼ်ဝႃႈၼၼ်ႉၵေႃႈ ပဵၼ်ၶၢဝ်ႇၽၢင်းၵူၺ်းၼႆ ၸဝ်ႈၸၢႆးတူး ၽူႈၸတ်းၵၢၼ် တပ်ႉၽွမ်ႉႁူမ်ႈလၢတ်ႈၼေၼင်ႇၼႆ ။


“ ဢမ်ႇမီးၽႅၼ် တႃႇတေထွၼ်တူဝ်ဢွၵ်ႇ ၸုမ်း UNFC ။ ဢၼ်ပိူၼ်ႈဢွၼ် ၵၼ်လိုဝ်းလင်ၵၼ်ယူႇၼၼ်ႉ ပဵၼ်ၶၢဝ်ႇပွမ် ၶၢဝ်ႇၽၢင်းၵူၺ်း။ ယႃႇပေၼႅတ်ႈယုမ်ႇ ” ဝႃႈၼႆ ။


ၸုမ်းၸၢဝ်းၶိူဝ်းယိပ်းၵွင်ႈၵၢင်ႇ 12 ၸုမ်း ပႃးတင်း SSPP/SSA  ပဵၼ်လုၵ်ႈၸုမ် ၶွင်ႊသီႊၾႅတ်ႉတရႄႁူမ်ႈတုမ်ၸၢဝ်းၶိူဝ်း UNFC ဝႆႉ ။  


ၸဝ်ႈၸၢႆးတူး သိုပ်ႇလၢတ်ႈထႅင်ႈဝႃႈ -“  ၼႂ်းၸူဝ်ႈၸႃႈၼႆႉ တႃႇတေႁူပ်ႉဢုပ်ႇၵၼ်တၢင်း RCSS/SSA တႄႉမီးဢိူဝ်ႈ ” - ဝႃႈၼႆ ။


ပႃႇတီႇမႂ်ႇသုင်ၸိုင်ႈတႆးၼႆႉ မိူဝ်ႈၶၢဝ်းပၢင်ၵုမ်လူင်လွင်ႈငမ်းယဵၼ်ၼၼ်ႉၵေႃႈ ၺႃးၸုမ်းဢမ်ႇႁူႉၾၢႆႇ ၸႂ်ႉၸိုဝ်ႈလႄႈ ၶိူင်ႈမၢႆ SSPP သေ ဢွၵ်ႇၶေႃႈပိုၼ်ၽၢဝ်ႇပွမ် ယဝ်ႉ ဢမ်ႇယွမ်း 2 ပွၵ်ႈ ။