ဝၼ်းတီႈ 31/01/2016 ၶၢဝ်းယၢမ်း09:00 မူင်း (ၵၢင်ၼႂ်) ပၢင်ပွႆးပိုတ်ႇႁူင်းႁဵၼ်းၸၼ်ႉဢွၼ်ႇ တီႈထုင်ႉပၢင်ႇလႅင်းသႂ်ၸႄႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း ။ ၶူးပူင်သွၼ်လူင်လုင်းၸၢႆးၾႃႈလႄႈ ႁူဝ်ၼႃႈတပ်ႉသိုၵ်းၵူၼ်းမိူင်း မၢၵ်ႇၵႅင်း ၸဝ်ႈလႅင်းသႂ် ၵႅတ်းမႆလၢႆႈပိုတ်ႇပၢင်ႁူင်းႁဵၼ်း ။

ၼၢင်းသႅင်ဢွင်ႇၶူးသွၼ် ႁူင်းႁဵၼ်းလၢတ်ႈဝႃႈ ႁူင်းႁဵၼ်းႁဝ်းၶႃႈၼႆႉ တႄႇပိုတ်ႇဝၼ်းတီႈ 01/02/2016 လုၵ်ႈႁဵၼ်းဢၼ်မႃးၶိုၼ်ႈႁဵၼ်းတင်းမူတ်းမီး 42 ၵေႃႉ ပဵၼ်လုၵ်ႈဢွၼ်ႇၼႂ်းထုင်ႉပၢင်ႇလႅင်းသႂ်ၵမ်းၼမ် ။


ၽႃသႃဢၼ်ႁဝ်းၶႃႈသွၼ်ပၼ် ၼႂ်းႁူင်းႁဵၼ်းသမ်ႉ တေႃႈလဵဝ်ႁၢင်ႈႁႅၼ်းဝႆႉပဵၼ် 3 ၽႃသႃ ၊ ၽႃသႃလိၵ်ႈတႆး ၊ ၽႃသႃဢင်းၵိတ်းလႄႈ ၽႃသႃပၢႆးၼပ်ႉတၢင်ႇၽႃသႃၵေႃႈ တိုၵ်ႉႁၢင်ႈႁႅၼ်းဝႆႉယူႇဝႃႈၼႆ ။


ၶူးသွၼ်ဢၼ်မႃးပူင်သွၼ်ပၼ် ၼႂ်းႁူင်းႁဵၼ်းသမ်ႉတင်းမူတ်းမီး 7 ၵေႃႉ ၊ ၽူႈၵွၼ်းႁူင်းႁဵၼ်း ပဵၼ်ၶူးပူင်သွၼ်လူင်လုင်းၸၢႆးၾႃႈ ယွၼ်ႉတႄႇမႂ်ႇလႄႈ ပႆႇယႅၵ်ႈၸၼ်ႉဝႆႉ ၼႆယဝ်ႉ ။