ပီႈၼွင်ႉတႆးၼႂ်းမိူင်းထႆးႁူမ်ႈၵၼ် ဢွၵ်ႇၶေႃႈပိုၼ်ၽၢဝ်ႇ တုၵ်းယွၼ်းႁႂ်ႈ သိုၵ်းတႆး (ပွတ်းၸၢၼ်း) RCSS/SSA တင်း SSPP/SSA (သိုၵ်းတႆးပွတ်းႁွင်ႇ) ၸဵဝ်းၽွမ်ႉႁူမ်ႈပဵၼ်ဢၼ်လဵဝ် ။

ဝၼ်းတီႈ 21/02/2016 မုၵ်ႉၸုမ်းၸၢဝ်းၶိူဝ်းတႆး သၢႆမိူင်းၵွၵ်ႇ ၊ ၸုမ်းတုမ်းတူၼ်ႈတႆး လႄႈပီႈၼွင်ႉ ႁႅင်းၵၢၼ်ယၢၼ်မိူင်း ႁူမ်ႈၵၼ်လၢႆၸုမ်း ဢွၵ်ႇၶေႃႈပိုၼ်ၽၢဝ်ႇတုၵ်းယွၼ်းႁႂ်ႈ တပ်ႉသိုၵ်းတႆး ၊ ပႃႊတီႊ တႆး ပဵၼ်ဢၼ်လဵဝ်ၵၼ်ႁႂ်ႈပဵၼ်ဢဵၼ်ႁႅင်းႁႄႉၵင်ႈၸိူဝ်ႉၸၢတ်ႈ ။


ၸၢႆးၼၼ်ႇတေႃး သၼ်လွႆတွၼ်း လၢတ်ႈဝႃႈ -“ တွၼ်ႈတႃႇၵူၼ်းမိူင်းပေႃးတေလွတ်ႈၽေးယူႇၵတ်း ယဵၼ်ၼၼ်ႉတုၵ်းယွၼ်း ႁႂ်ႈတပ်ႉသိုၵ်းတႆး ၊ ပႃႊတီႊၵၢၼ်မိူင်းတႆး ႁူမ်ႈႁွမ်းၵၼ် ပဵၼ်ဢၼ်ၼိုင်ႈ ဢၼ်လဵဝ်ၵၼ် ၊ လိူဝ်ၼၼ်ႉၵေႃႈပီႈၼွင်ႉတႆးတေမေႃတူင်ႉတိုၼ်ႇ ၊ ႁတ်းႁၢၼ်ၼင်ႇႁိုဝ်ပေႃး တေပဵၼ်ဢဵၼ်ႁႅင်းတႃႇၸိူဝ်ႉၶိူဝ်း ” ၼႆယဝ်ႉ ။


မုၵ်ႉၸုမ်းၸၢဝ်းၶိူဝ်းတႆးယင်းတုၵ်းယွၼ်းထိုင် တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA (ပလွင်ႈ) ႁႂ်ႈပွႆႇပၼ်ၵူၼ်းမိူင်း ၸိူဝ်းတီႉဝႆႉတင်းသဵင်ႈ ဢၼ်လႆႈၶႃႈႁႅမ်ပႅတ်ႈၵူၼ်းဝၢၼ်ႈၵူၼ်းမိူင်း ဢဝ်ၶူဝ်းၶွင်ၵူၼ်းမိူင်းၸိူဝ်ႉၼၼ်ႉၵေႃႈ ႁႂ်ႈသၢႆႈတႅၼ်းပၼ်ၸွမ်းၼင်ႇပိူင်ထမ်းတြႃးမီး - ဝႃႈၼႆ ။


မုၵ်ႉၸုမ်းၸၢဝ်းၶိူဝ်းတႆးၼႆႉ ၵေႃႇတင်ႈမႃးမီးယိူင်းဢၢၼ်း - ပိူဝ်ႈတႃႇၵူၼ်းမိူင်းတႆး ဢၼ်မီးယူႇၼႂ်းမိူင်း ထႆးလႄႈသင်ဢၼ်မီးယူႇတီႈၼႂ်းမိူင်းတႆး ဢိၵ်ႇပႃးၸၢဝ်းၶိူဝ်းၼႂ်းမိူင်းတႆး ၵူႈၸၢဝ်းၶိူဝ်းၽွမ်ႉသဵင် ပဵင်းပၢၵ်ႇၵၼ် ၊ ၵူၼ်းမိူင်းတႆးၸိူဝ်းဢမ်ႇမီးမၢႆၾၢင်ၵေႃႈ သၢၼ်မိုဝ်းၵၼ်တင်း RCSS / SSAသေၶပ်းၶိုင် ႁႂ်ႈလႆႈမိူဝ်းထၢႆႇတီႈဝဵင်းႁူဝ်မိူင်း ။


ၶေႃႈပိုၼ်ၽၢဝ်ႇလႄႈၶေႃႈတုၵ်းယွၼ်းပီႈၼွင်ႉတႆး မိူင်းၵွၵ်ႇ ၵဵဝ်ႇလူၺ်ႈပၢင်တိုၵ်းၼႂ်းၵႄႈ RCSS/SSA လႄႈတပ်ႉသိုၵ်းတဢၢင်း TNLA ၊ တုၵ်းယွၼ်းပႃးႁႂ်ႈတပ်ႉသိုၵ်း / ပႃႊတီႊ တႆးပဵၼ်ဢၼ်လဵဝ်ၼင်ႇပႃႈ တႂ်ႈၼႆႉ -----