ဝဵင်းမိူင်းပၼ်ႇ ၸတ်းပၢင်ပွႆးဝၼ်းၸိူဝ်ႉၸၢတ်ႈၸိုင်ႈတႆး ၊ ၸတ်းပႃးပၢင်ၶႄႉၶႅင်ႇ မွၵ်ႇ မၢၵ်ႇ ႁၢၵ်ႈႁူဝ် ဢၼ်ဢွၵ်ႇၼႂ်းဝဵင်း မိူင်းပၼ်ႇ ။

ဝၼ်းတီႈ 06-07/02/2016 ဢိင်ၼိူဝ်ပဵၼ်ဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈၶူပ်ႇ 69 ပီ ၼႆသေ ၶွင်ႊသီႊဢဝ်ၶိုၼ်းၸိုင်ႈတႆး / တပ်ႉသိုၵ်းၸိုင်ႈတႆး RCSS/SSA ၊ ပႃႊတီႊသိူဝ်ၽိူၵ်ႇ SNDP ၊ ၵေႃလိၵ်ႈလၢႆး လႄႈ ၾိင်ႈငႄႈတႆး ဢိၵ်ႇပီႈၼွင်ႉဝဵင်းမိူင်းပၼ်ႇ ႁူမ်ႈၵၼ်ၸတ်းႁဵတ်း ပၢင်ပွႆးဝၼ်းၸိူဝ်ႉၸၢတ်ႈ ၶွပ်ႈၶူပ်ႇ 69 ပီ တီႈဝတ်ႉလွႆၼွႆႉ  ဝဵင်းမိူင်းပၼ်ႇ ၸိုင်ႈတႆးပွတ်းၸၢၼ်း ။


ၼႂ်းပၢင်ပွႆး မီးတၢင်းၵႃႈၾိင်ႈထုင်း ၊ ႁွင်ႉၽဵင်းၵႂၢမ်း ၊ ၶႄႉၶႅင်ႇလႅၼ်ႈဢွၵ်ႇႁႅင်း ၊ ၶႄႉၶႅင်ႇၽၵ်းယိူဝ်ႈ ၼၢင်းၶဵဝ် ၊ မၢၵ်ႇမႆႉမၢၵ်ႇတွၵ်ႇ ။ လိူဝ်ၼၼ်ႉၼႄတၢင်းႁၢင်ႈလီၼၢင်းသၢဝ်တႆး 20 ၵေႃႉ လႄႈ ၼႄလွင်ႈၼုင်ႈၶူဝ်းတႆး ။


သဵၼ်ႈၸိုဝ်ႈၽူႈလႆႈႁပ်ႉရၢင်းဝလ်း (သူး) ၼမ်ႉၸႂ် ၽၵ်းယိူဝ်ႈၼၢင်းၶဵဝ် မၢၵ်ႇမႆႉ မၢၵ်ႇတွၵ်ႇ တႄႉပဵၼ် ၼင်ႇပႃႈတႂ်ႈၼႆႉ -

မၢႆ	ၸိုဝ်ႈၸဝ်ႈသူၼ်	ၸိုဝ်ႈၽၵ်းယိူဝ်ႈၼၢင်းၶဵဝ်	သူးၼမ်ႉၸႂ်
1	လုင်းမူးလိင်ႇ	မၢၵ်ႇဢိုၼ်ႈ	1
2	လုင်းဢေႃး	မၢၵ်ႇဢိုၼ်ႈ	2
3	ၶူးၸေႃးလႅင်ႇ	မၢၵ်ႇၽႃႈ	1
4	လုင်းဢေႃး	မၢၵ်ႇဢူဝ်း	1
5	လုင်းဝုၼ်း	ၽၵ်းၵၢတ်ႇမွၵ်ႇ	1
6	ပႃႈဢူး	ၽၵ်းၵီး	1
7	ၸၢႆးလႃႉမွင်ႇ + ၼၢင်းၸိုၼ်ႈ	မၢၵ်ႇၽိူင်း	1
8	ပႃႈဢူင်း	မၢၵ်ႇၶိူဝ်သူမ်ႈ	1
9	ၸၢႆးထုၼ်းၼေႇ	မၢၵ်ႇၶိူဝ်သူမ်ႈ	2
10	ပႃႈၼူၼ်း	ၶဝ်ႈၵၢပ်ႇ	1
11	မီႇၽိူၵ်ႇၶၢဝ်	ၸၢႆးထီး	1
12	ၽၵ်းၵၢတ်ႇတႆး	ပႃႈၼုၺ်ႉ	1
13	မၢၵ်ႇပၵ်ႉလိူင်	ၸၢႆးသႅင်ႁၵ်ႉ	1
14	မၢၵ်ႇပၵ်ႉမူၼ်ႇ	လုင်းၸိင်ႇတႃႇ	1
15	ၽၵ်းၵၢတ်ႇလုင်း	ၸၢႆးၼွင်ႉၼိ	1
16	မၢၵ်ႇသၢင်းၽေႃး	လုင်းသႅင်ၼုမ်ႇ	1
17	မၢၵ်ႇၶိူဝ်ယၢဝ်း	ၸၢႆးလႃႉၶိူဝ်း	1
18	မၢၵ်ႇၵႃႇ	ပႃႈၵေႃ	1

ၸၢႆးတႃႉ ၵေႃၵမ်ၵၢၼ်ပၢင်ပွႆး လၢတ်ႈဝႃႈ - ယိူင်းဢၢၼ်းၼင်ႇႁိုဝ်ၵူၼ်းမိူင်းတႆး ပေႃးတေဢမ်ႇလိုမ်းၶိူဝ်း ၊ ပိုၼ်း ၊ ၾိင်ႈႁိတ်ႈႁွႆး ၸဝ်ႈၵဝ်ႇ ၊ ႁႂ်ႈလုမ်ႈၾႃႉ ပေႃးတေႁူႉၸၵ်းတႆး ၼႆယဝ်ႉ ။


ဝဵင်းမိူင်းပၼ်ႇ ၸတ်းႁဵတ်းပၢင်ပွႆးဝၼ်းၸိူဝ်ႉၸၢတ်ႈမႃးပီၼႆႉ ပဵၼ်ပီထူၼ်ႈ 5 ယဝ်ႉ - ဝႃႈၼႆ ။


ဝၼ်းတီႈ 07 ၾႅပ်ႊပိဝ်ႊရီႊ ဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈၶူပ်ႇ 69 ပီ ၸတ်းႁဵတ်ယႂ်ႇလူင် တီႈငဝ်ႈၸိုင်ႈ RCSS/SSA လွႆတႆးလႅင်း ၊ ၼႂ်းၸိုင်ႈတႆးလၢႆပွတ်းတွၼ်ႈ ၊ ၼႂ်းၸိုင်ႈထႆးလၢႆတီႈ ။ လိူဝ်ၼၼ်ႉ ၼွၵ်ႈမိူင်း မိူၼ်ၼင်ႇ ဢမႄႊရီႊၶိူဝ်ႊ ၊ သိင်ႊၶၿူဝ်ႊ ၊ မိူင်းၶႄႇ ၸိူဝ်းၼႆႉ ။