ဝၼ်းတီႈ 31/01/2016 လုမ်းၵပ်းသၢၼ်ဢဝ်ၶိုၼ်းၸိုင်ႈတႆး တပ်ႉသိုၵ်းၸိုင်ႈတႆး ဝဵင်းတူၼ်ႈတီး ၸတ်းႁဵတ်းပွႆးလူင်းပၢင်ၾိုၵ်းၽွၼ်ႉ ပူၵ်းပွင်ၼမ်ႉၵတ်းၵူၼ်းၼုမ်ႇ ပွၵ်ႉမင်ၵလဢူး တီႈဝဵင်းတူၼ်ႈတီး ။

လုမ်းၵပ်းသၢၼ် ၶွင်ႊသီႊဢဝ်ၶိုၼ်းၸိုင်ႈတႆး တပ်ႉသိုၵ်းၸိုင်ႈတႆး ဝဵင်းတူၼ်ႈတီး ပူတ်းပၢင်လူင်းၵၢၼ်ၾိုၵ်ႉၽွၼ်ႉ ပူၵ်းပွင်ၼမ်ႉၵတ်ႉၵူၼ်းၼုမ်ႇ တီႈလုမ်းၵပ်းသၢၼ် တူၼ်ႈတီး ဢၼ်တႄႇမႃး ဝၼ်းတီႈ 06-31/01/2016 တင်းမူတ်းလုၵ်ႈႁဵၼ်း မီး 30 ၵေႃႉပဵၼ်ၵူၼ်းဝဵင်း မိူင်းပၼ်ႇ ၊ တႃႈၶီႈလဵၵ်း ၊ မိူင်းဝီး ၊ ၵျွၵ်ႉမႄး ၊ လၢႆးၶႃႈလႄႈ ၼမ်ႉၶမ်း ၸဵမ်ၸိူဝ်ႉၼႆႉ ။


ၸဝ်ႈၶႂၢၼ်မိူင်း ၵၢဝ်ႇလၢတ်ႈၶေႃႈၵႂၢမ်းတိုၵ်းသူၼ်းပၼ်လုၵ်ႈႁဵၼ်း လႄႈ ၵူၼ်းမႃးၶဝ်ႈႁူမ်ႈ ဝႃႈ ယွၼ်ႉတႆးႁဝ်းဢမ်ႇၽွမ်ႉၵၼ် ၵွပ်ႈသင် ယွၼ်ႉသင် ။ ၵွပ်ႈၼၼ် ႁႂ်ႈယွၼ်ႇယၢၼ်း မႃႇၼတေႃႇ ၵၼ်ၽွင်ႈ ၊  ယွမ်းပုၼ်ႈသုၼ်ႈတူဝ်ၵၼ်ၽွင်ႈ ၊ ဝႆႉၸပူတ်းပွႆဝၢင်းၽႃႈပၼ်ၵၼ်သေ ႁႂ်ႈလႆႈၶဝ်ႈၸူးၵၼ် ႁူမ်ႈၵၼ် ၽွမ်ႉၵၼ် တိုၵ်းသူၼ်းၵႂႃႇ ၼင်ႇၼႆ ။


ၼၢင်းၼူၼ်းမူဝ် ၽူႈၶဝ်ႈႁူမ်ႈ ၸုမ်းၶႅၵ်ႇလီပၢင်ၸႃႉ ၼမ်ႉၶူင်း လၢတ်ႈဝႃႈ ဢၼ်လူင်းပၢင်သွၼ်ၼႆႉ တေမီးၽူႈယႂ်ႇၵူၼ်းလူင် ၵၢဝ်ႇလၢတ်ႈၶေႃႈၵႂၢမ်း တိုၵ်းသူၼ်းပၼ်ၵူၼ်းၼုမ်ႇ တေမီးၸဝ်ႈၶႂၢၼ်မိူင်း ၊ ၸဝ်ႈမျႃႉဝတီႇ ၊ ၼၢင်းဝႃႇၼု ပႃႊတီႊသိူဝ်ၽိူၵ်ႇ ၊ ၸၢႆးၼေႃႇၶမ်း ပႃႊတီႊႁူဝ်သိူဝ် ၸိူဝ်းၼႆႉ ။ ဝၢႆးၼၼ်ႉ လုၵ်ႈႁဵၼ်း 30 ၵေႃႉ ဢွၼ်ၵၼ် ႁွင်ႉၽဵင်းၵႂၢမ်း ၼႄတၢင်းၵႃႈ ၼူၵ်ႉ / တူဝ်း ၊ လၢႆးမွၵ်ႇမိုဝ်းလႄႈ လၢႆးၶွၼ်ႉ ၵႂႃႇၼႂ်းပၢင်လူင်းၵၢၼ်ၾိုၵ်ႉၾွၼ်ႉၵမ်းၼႆႇ ။


ပၢင်ၾိုၵ်းၽွၼ်ႉၼမ်ႉၵတ်ႉၵူၼ်းၼုမ်ႇၸုပ်ႈၼႆႉ ၸတ်းႁဵတ်းမႃး ပဵၼ်ပွၵ်ႈၵမ်းတီႈ 6 ၶၢဝ်းတၢင်းသွၼ်ႁဵၼ်း  1 လိူၼ် ၊ ၶူးၽူႈမႃးပူင်သွၼ်ပၼ် တၢင်းႁူႉတၢင်းႁၼ် ၊ သိုဝ်ႇၶၢဝ်ႇလႄႈ ၶွမ်ႊပိဝ်ႊတိူဝ်ႊ  မိူၼ် ၸဝ်ႈၶႂၢၼ်မိူင်း ၊ ၸဝ်ႈဢုမ်ႈၶိူဝ်း ၊ ၸဝ်ႈပွင်ၶိူဝ်း ၊ ၸဝ်ႈဢွၼ်တိုၼ်း လႄႈ ၵူၼ်းၼုမ်ႇ ၸိူဝ်းလူင်ႉလႅၼ်ႇၶွမ်ႊပိဝ်ႊတိူဝ်ႊ ၶဝ် ။


ၸုမ်းတူင်ႇဝူင်းတႆး ဢၼ်လႆႈမႃးၶဝ်ႈႁူမ်ႈ ပၢင်လူင်းၵၢၼ်ၾိုၵ်ႉၾွၼ်ႉ ၼမ်ႉၵတ်ႉၵူၼ်းၼုမ်ႇၵမ်းၼႆႉ မီး ၸုမ်းထုင်ႉမၢဝ်းၶမ်း ၊ ၸုမ်းမႄႈႁိူၼ်းၼုမ်ႇ ၊ ၸုမ်းၼမ်ႉၶူင်း ၶႅၵ်ႇလီပၢင်ၸႃႉ ၊ ၸုမ်းၶေႇမရၢတ်ႉထ ၵဵင်းတုင် ၊ ၸုမ်းၵပ်းသၢၼ်လွင်ႈၼၢင်းယိင်းတႆး ၊ ပႃႊတီႊႁူဝ်သိူဝ်လႄႈ ပႃႊတီႊသိူဝ်ၽိူၵ်ႇ ။