ၸဝ်ႈၼႃႈတီႈပလိၵ်ႈဝဵင်းတႃႈၶီႈလဵၵ်းတီႉၺွပ်းလႆႈယႃႈမဝ်းၵမ် တႃႇ 6.3 လၢၼ်ႉမဵတ်ႉ တီႈမိူင်းၽူင်း ၸႄႈတွၼ်ႈတႃႈၶီႈလဵၵ်း ၸိုင်ႈတႆးပွတ်းဢွၵ်ႇ ။

ဝၼ်းတီႈ 23/02/2016 (မိူဝ်ႈဝႃး) ၸဝ်ႈၼႃႈတီႈပလိၵ်ႈ ဝဵင်းတႃႈၶီႈလဵၵ်း ၵူတ်ႇထတ်းရူတ်ႉ6 လေႃႉတေၶဝ်ႈၵႂႃႇဝၢၼ်ႈပႃႇၵုၵ်ႉ မိူင်းၽူင်း ၸႄႈတွၼ်ႈတႃႈၶီႈလဵၵ်း သေတီႉၺွပ်းလႆႈယႃ မႃႉ 6,3,000,000 ( ႁူၵ်းလၢၼ်ႉသၢမ်သႅၼ်မဵတ်ႉ ) ဢၼ် ဢၢႆႈၵွမ် လႄႈ ဢၢႆႈတိပ်ႉ တၢင်ႇမႃးဝႃႈၼႆ ။


ယႃမႃႉၸိူဝ်းၼၼ်ႉ သႂ်ႇဝႆႉၼႂ်းထူင်ၸၢၼ်ႈ 35 ထူင်သေဢဝ်မၢၵ်ႇႁိၼ်တဵင်သႂ်ႇတၢင်းၼိူဝ်မၼ်း ၼင်ႇႁိုဝ်တေၽၢမ်းတႃၸဝ်ႈၼႃႈတီႈပလိၵ်ႈၶဝ် ၼႆယဝ်ႉ ။


ၵူၼ်းၵႃႉယႃႈ 2 ၵေႃႉၼႆႉယွမ်းႁပ်ႉဝႃႈ လႆႈတေႃႉယႃႈမဝ်းၵမ်ၼႆႉ လုၵ်ႉမႃးတီႈဝၢၼ်ႈပႃႇသၵ်း ၸႄႈတွၼ်ႈတႃႈၶီႈလဵၵ်း ။


သိုဝ်ႇၶၢဝ်ႇထႆးပိုၼ်ၽၢဝ်ႇဝႃႈ - ဝၢႆးသေၸဝ်ႈၼႃႈတီႈတွင်ႈထၢမ်သေလႆႈႁူႉဝႃႈ ယႃႈမဝ်းၵမ်ၼႆႉ ပဵၼ်ၶွင်ၸုမ်းဝႃႉတေဢၢၼ်းဢဝ်ၵႂႃႇၶိုၼ်ႈႁိူဝ်း တီႈမိူင်းၽူင်း တေၶၢမ်ႇၵႂႃႇတီႈၾင်ႇမိူင်းလၢဝ်း ယဝ်ႉၵေႃႈ တေဢဝ်ၶဝ်ႈမိူင်းထႆးၼႆယဝ်ႉ ။


လွင်ႈဢၼ်လႆႈတီႉၺွပ်း ယႃႈမဝ်းၵမ်ၵမ်းၼႆႉ ယွၼ်ႉပိူဝ်ႈမီးၶူင်းၵၢၼ် ဢၼ်ထႆးတင်းမၢၼ်ႈႁူမ်ႈၵၼ်တႃႇၵႅတ်ႇၶႄႁႄႉၵင်ႈလႄႈ ၽဵဝ်ႈမူၺ်ႉယႃႈမဝ်းၵမ် ႁိမ်းသၢပ်ႇၼမ်ႉၶွင် ။


ၼင်ႇႁိုဝ်ပေႃးတေၵႄႈလိတ်ႈပၼ်ႁႃ ယႃႈမဝ်းၵမ်ၼႆသေ ၸိုင်ႈမိူင်း 6 မိူင်း မိူၼ်ၼင်ႇ မိူင်းမၢၼ်ႈ ၊ လၢဝ်း ၊ ၶႄႇ ၊ ထႆး ၊ ၶႅမ်ႊပေႃႊတီႊယိူဝ်ႊ ၊ ဝႅတ်ႊၼၢမ်ႊတေႁူမ်ႈမိုဝ်းၵၼ်ၵႂႃႇ ၶၢဝ်းတၢင်း 3 ပီ တႄႇပီ 2016 – 2018 ၼႆယဝ်ႉ ။


ၶေႃႈမုလ်း Daily News