ပွႆးယုၵ်ႉယွင်ႈၸဝ်ႈၶူးမေႃလိၵ်ႈတႆး ႁူမ်ႈတင်း ယွင်ႈယေႃးဢူငဝ်းမုၼ်ယႂ်ႇၸဝ်ႈႁေႃၶမ်း ဢၼ်လႆႈၸတ်းႁဵတ်းမႃးၵူႈပီ ထပ်းၵၼ်ၼၼ်ႉ ပီၼႆႉၵေႃႈ လႆႈဝွၵ်ႇၸိူၼ်းထိုင်ပီႈၼွင်ႉၶဝ်ႈႁူမ်ႈ ။

ၶူးမေႃလိၵ်ႈတႆးၶဝ်ၸဝ်ႈ ပဵၼ်ၽူႈသိုပ်ႇသၢႆၸႂ်လိၵ်ႈတႆးႁဝ်းမႃးလႄႈၵဵဝ်ႇၶွင်ႈ ၵူႈၵေႃႉ ၵူႈမူႇ ၵူႈၸုမ်း ၸိူဝ်းပဵၼ် ပီႈၼွင်ႉတႆးၼႆလႄႈၼႃယၵ (ၼၢႆးယူၵ်ႉ)သမႃးၶူမ်းပၢႆးပၺ်ၺႃလႄႈၾိင်ႈငႄႈတႆး ဢႃးၸၢၼ်သူမ်ၸိတ်း သုသဝၼ်း ၼၿုတ်ႇ ဢၼ်ပဵၼ်ႁူဝ်ပဝ်ႈၸတ်းပွႆးယုၵ်ႉယွင်ႈၸဝ်ႈၶူးမေႃလိၵ်ႈတႆးပီၼႆႉ ၸင်ႇလႆႈပဵၼ်တူဝ်တႅၼ်းၵေႃၵမ်ၵၢၼ် ၸတ်းပွႆးသေ ဝွၵ်ႇၵၢဝ်ႇၸိူၼ်းထိုင်ပီႈၼွင်ႉႁဝ်းၶဝ်မႃးၼင်ႇၼႆဢေႃႈ -

မၢႆလိၵ်ႈ 2/2559

ဝွၵ်ႇၸိူၼ်း

ပီႈၼွင်ႉ ၵူႈၵေႃႉ ၵူႈမူႇ ၵူႈၸုမ်း ၵူႈတီႈ
……………………………………..

လွင်ႈတၢင်း ၶဝ်ႈႁူမ်ႈပွႆးယုၵ်ႉယွင်ႈၸဝ်ႈၶူးမေႃလိၵ်ႈတႆး ဝၢၼ်ႈမႂ်ႇမွၵ်ႇၸၢမ်

လူၺ်ႈတၢင်းသမႃးၶူမ်းပၢႆးပၺ်ၺႃလႄႈၾိင်ႈငႄႈတႆးႁူမ်ႈတင်းၵေႃၵမ်ၵၢၼ်ပွင်ပဵၼ်ပွႆးယုၵ်ႉယွင်ႈၸဝ်ႈၶူးမေႃလိၵ်ႈတႆး တူၵ်းလူင်းလႆႈၸႂ်ၸတ်းပွႆးယုၵ်ႉယွင်ႈၸဝ်ႈၶူးမေႃလိၵ်ႈတႆးပွၵ်ႈတီႈ 40 လူၺ်ႈၶေႃႈယိူင်းဢၢၼ်း ၵၢၼ် ယေႃးယွင်ႈ ဢူငဝ်းမုၼ်ယႂ်ႇၸဝ်ႈႁေႃၶမ်း ဢၼ်တွၼ်းၶိုၵ်ႉလိုၵ်ႉလႅၼ်ႇ ၶႅၼ်ႇၵတ်ႉယိင်ႈယႂ်ႇ ဢိၵ်ႇတင်း ပဵၼ်ၵၢၼ် မႅတ်ႇပႅင်းပႂ်ႉပႃးၾိင်ႈငႄႈႁိတ်ႈႁွႆးၵူၼ်းၶိူဝ်းတႆး ႁူမ်ႈတင်းၵမ်ႉထႅမ်ပၼ်ႁႅင်းၵူၼ်းၼုမ်ႇသႅၼ်းႁုၼ်ႈႁၢတ်ႈႁၢႆး ၵိုၵ်းပႃး ၵၢၼ်ထႅမ်ႁႅင်း လွင်ႈၽွမ်ႉၽဵင်ႇၶွၼ်ႈႁွမ်းၸႂ်လႄႈပိုၼ်ၽႄႈၾိင်ႈငႄႈလိၵ်ႈလၢႆးႁႂ်ႈတူဝ်ႈၸွတ်ႈထိုင်ပီႈၼွင်ႉၵူၼ်းမိူင်း -

ယွၼ်ႉၼႆႉသေလႄႈသမႃးၶူမ်းပၢႆးပၺ်ၺႃလႄႈၾိင်ႈငႄႈတႆးတင်းၵေႃၵမ်ၵၢၼ်ပွင်ပဵၼ်ပွႆးယုၵ်ႉယွင်ႈၸဝ်ႈၶူး မေႃလိၵ်ႈတႆး ၵမ်းတီႈ 40 ၸင်ႇလႆႈဝွၵ်ႇၸိူၼ်းပီႈၼွင်ႉလႄႈမူႇၸုမ်းမႃးၶဝ်ႈႁူမ်ႈ ထႅမ်ႁႅင်းၸွမ်းၼင်ႇၶပ်ႉမၢႆၵၢၼ် ဢၼ် သူင်ႇၵိုၵ်းမႃးၸွမ်းၼႆႉ​ဢေႃႈ -

ၼပ်ႉထိုဝ်သေလႄႈ

                                                                    

                   (ဢႃးၸၢၼ်သူမ်ၸိတ်း သုဝၼ်းၼၿုတ်ႇ)

   ၼႃယၵ(ၼၢႆးယူၵ်ႉ)သမႃးၶူမ်းပၢႆးပၺ်ၺႃလႄႈၾိင်ႈငႄႈတႆး

ၶပ်ႉမၢႆၵၢၼ်

ပွႆးယုၵ်ႉယွင်ႈၸဝ်ႈၶူးမေႃလိၵ်ႈတႆး ၵမ်းတီႈ 40 ယေႃးယွင်ႈဢူငဝ်းမုၼ်ယႂ်ႇၸဝ်ႈႁေႃၶမ်း

ဝၢၼ်ႈမႂ်ႇမွၵ်ႇၸၢမ် ဢိူင်ႇတႃႈတွၼ်း ၸႄႈဝဵင်းမႄႈဢၢႆး ၸႄႈတွၼ်ႈၵဵင်းမႆႇ

26-28/02/2016

 ဢွင်ႈတီႈ            ၵၢင်ၶူင်ႇဝတ်ႉမႂ်ႇမွၵ်ႇၸၢမ် မူႇတီႈ 8 ဢိူင်ႇတႃႈတွၼ်း ၸႄႈဝဵင်းမႄႈဢၢႆး ၸႄႈတွၼ်ႈၵဵင်းမႆႇ

ဝၼ်းတီႈ            26/02/2016 (ဝၼ်းသုၵ်း)

                        09.00 - 12.00 မူင်း ႁေႃးလိၵ်ႈ

                        13.00 - 16.00 မူင်း ၶႄႉၶႅင်ႇလဵၼ်ႈႁႅင်း

                        17.00 - 03.00 မူင်းပၢင်လဝ်ႇမူၼ်ႈတူၼ်ႈၸႂ် (ပၢၼ်ၵဝ်ႇ/မႂ်ႇ)

ဝၼ်းတီႈ            27/02/2016 (ဝၼ်းသဝ်)

                        09.00 - 12.00 မူင်း ႁေႃးလိၵ်ႈလူင်

                        13.00 - 15.00 မူင်း ႁၢင်ႈႁႅၼ်းၸတ်းထႅဝ်ႇႁႄႇ

                        15.00 - 16.00 မူင်း တႄႇဢွၵ်ႇတီႈဝတ်ႉမႄႈဢၢႆးလူင်ထိုင်ဝၢၼ်ႈမႂ်ႇမွၵ်ႇၸၢမ်

                                          16.00 - 17.00 မူင်း ထိုင်ႁူင်းႁဵၼ်းၸဝ်ႈမုၼ်ယႂ်ႇႁေႃၶမ်း

                        17.00 - 18.00 မူင်း ႁူမ်ႈၵၼ်ၵႃႈပၼ်ႇၵွင်

                        18.00 - 19.00 မူင်း ထိုင်ႁွတ်ႈၼႃႈၶဵင်ႇဝေးထီးပွႆး     

                        19.00 - 20.30 မူင်း ပိုတ်ႇပၢင်ပွႆး

                        20.30 - 04.00 ပၢင်လဝ်ႇမူၼ်ႈတူၼ်ႈၸႂ် (ပၢၼ်ၵဝ်ႇ/မႂ်ႇ)

ဝၼ်းတီႈ            28/02/2016 (ဝၼ်းဢႃးတိတ်ႉ)

                        09.00 - ပၢင်ဢုပ်ႇၶႆႈတႆႇၶိူဝ်း လွင်ႈၸဝ်ႈၶူးမေႃလိၵ်ႈတႆး

                        13.00 - 15.00 မူင်း ပၢင်ၵုမ် တႃႇၸတ်းပွႆးယုၵ်ႉယွင်ႈၸဝ်ႈၶူးမေႃလိၵ်ႈတႆးပွၵ်ႈတီႈ 41

ၵၢၼ် ယေႃးယွင်ႈ ဢူငဝ်းမုၼ်ယႂ်ႇၸဝ်ႈႁေႃၶမ်း

ၶႄႉၶႅင်ႇၵၢၼ်လဵၼ်ႈႁႅင်း

                        19.00 - 03.00 မူင်း ပၢင်လဝ်ႇမူၼ်ႈတူၼ်ႈၸႂ်

                        20.30 - 21.30 မူင်းလူႇတၢၼ်းယၢတ်ႇၼမ်ႉၶွတ်ႇယွတ်ႈပၢင် တၢင်းသႃသၼႃ