ၶွမ်ႊပၼီႊ ထေႊလီႊၼေႃႊ ႁပ်ႉလႅၵ်ႈပိၼ်ႇသိမ်ႊၵၢတ်ႊသ် (SIMs) ၶိူင်ႈၾူၼ်ႊ / မိုဝ်းထိုဝ် ပၼ်လုၵ်ႈၵႃႉလၢႆလၢႆ ၼႂ်းၸိုင်ႈမိူင်းႁူမ်ႈတုမမျၢၼ်ႇမႃႇ ။

ၵူၼ်းၸၢႆးၵေႃႉၼိုင်ႈ တိုၵ်ႉယိပ်းၼႄၵၢတ်ႊသ် ၶိူင်ႈၾူၼ်ႊ ၶွင်ထေႊလီႊၼေႃႊ

တင်ႈတႄႇႁူဝ်ပီ 2016 ၼႆႉမႃး တီႈၼႂ်းမိူင်းႁူမ်ႈတုမ်မျၢၼ်ႇမႃႇၼႆႉ  ၶွမ်ႊပၼီႊ ထေႊလီႊၼေႃႊ ႁပ်ႉလႅၵ်ႈပိၼ်ႇ သိမ်ႊၵၢတ်ႊသ် (SIMs) ၶိူင်ႈၾူၼ်ႊ / မိုဝ်းထိုဝ် ပၼ်လုၵ်ႈၵႃႉလၢႆလၢႆ (ၾရီႊ) ။ သိမ်ႊၵၢတ်ႊသ်မႂ်ႇ ဢၼ်ပိၼ်ႇလႅၵ်ႈပၼ်ၼႆႉ ၸိုဝ်ႈဝႃႈ USIMs ၊ သိမ်ႊၵၢတ်ႊသ်ဢၼ်မႂ်ႇၼႆႉ တႅမ်ႈမၢႆလၢႆးၸိုဝ်ႈသဵင်ၵူၼ်း ပိူဝ်ႈတႃႇတိတ်းတေႃႇ လႆႈၼမ်လိူဝ်ၵဝ်ႇ ၊ ႁွင်းႁပ်ႉလွၵ်းပိူင်ပဵၼ် 4G ၊ မီးတၢင်းဝႆးလိူဝ်သိမ်ႊၵၢတ်ႊသ် ဢၼ်ၵဝ်ႇ - ၽူႈပွင်ၵၢၼ်ထေႊလီႊၼေႃႊ ၼႂ်းမိူင်းမျၢၼ်ႇမႃႇ ဢႃႊလီႊ မႃႊသုတ်ႊ ၸီႉၸႅင်ႈပွင်ႇလႅင်းလၢတ်ႈၼင်ႇၼႆ ။


ၵူၼ်းၸိူဝ်းဢၼ်ၸႂ်ႉသိမ်ႊၵၢတ်ႊသ် (SIMs) မိူဝ်ႈလဵဝ်သေ လႆႈလွၵ်းပိူင် 4G ဝႆႉယူႇၸိူဝ်းၼၼ်ႉ ဢမ်ႇၸမ်ပဵၼ်ပိူဝ်ႈတႃႇပိၼ်ႇလၢႆႈၸႂ်ႉသိမ်ႊၵၢတ်ႊသ်မႂ်ႇ (USIMs) ထႅင်ႈ - ၶွမ်ႊပၼီႊ ၶဝ်လၢတ်ႈၼင်ႇၼႆ ။ ၵူၺ်းၵႃႈ မိူဝ်ႈလဵဝ်ၼႆႉ ပႆႇမီးၵူၼ်းမႃးတုၵ်းယွၼ်း ပိၼ်ႇလႅၵ်ႈသိမ်ႊမႂ်ႇၼင်ႇၵဝ်ႇ - ၼႆယဝ်ႉ ။


ႁဝ်းၶတ်းၸႂ်ပူၵ်းပွင် ပိူဝ်ႈတႃႇႁႂ်ႈမၼ်းလီၵႂႃႇမိူဝ်းၼႃႈ ။ သိမ်ႊ USIMs ၼႆႉ မီးလွင်ႈႁူမ်ႇလူမ်ႈလီလိူဝ်သိမ်ႊ SIMs ၊ ၵူၺ်းၵႃႈ ဢမ်ႇလႆႈမၢႆၵႂၢမ်းဝႃႈ သိမ်ႊၵဝ်ႇဢမ်ႇမီးလွင်ႈႁူမ်ႇလူမ်ႈ ၊ ၵွပ်ႈပိူဝ်ႈဝႃႈ ထဵၵ်ႊၼူဝ်ႊလူဝ်ႊၵျီႊ မၼ်းပိူင်ႈၵၼ် - ဢႃႊလီႊ မႃႊသုတ်ႊ လၢတ်ႈ ။


မိူဝ်ႈလဵဝ် သိမ်ႊၼႆႉမီးၶၢႆယဝ်ႉ ၼႂ်းမိူင်းမျၢၼ်ႇမႃႇ မိူၼ်ၼင်ႇၸွမ်းၵၢတ်ႇ ၊ ၼႂ်းႁၢၼ်ႉယႂ်ႇၸိူဝ်းၼႆႉ ။ ၵၢၼ်ပိၼ်ႇလႅၵ်ႈသိမ်ႊၼႆႉ တႄႇႁဵတ်းမႃးၸဵမ်မိူဝ်ႈပီမႂ်ႇလူၵ်ႈ 2016  ၊ လုၵ်ႈၵႃႉ (ၵူၼ်းၸႂ်ႉသိမ်ႊၶဝ်) ၵႂႃႇပိၼ်ႇလႅၵ်ႈလႆႈ ႁၢၼ်ႉၵိင်ႇၽႄ ဢၼ်မီးယူႇၼႂ်းမိူင်း တင်းမူတ်း 77 ႁၢၼ်ႉ - ၼႂ်းလိၵ်ႈပိုၼ်ၽၢဝ်ႇ ယၢမ်ႈဢွၵ်ႇၵႂႃႇၼင်ႇၼႆ ။ (ၶေႃႈမုလ်းၶၢဝ်ႇ Myanmar Times)