ပီႈၼွင်ႉတႆးၶဝ်ႈႁဵတ်းၵၢၼ်ၵဵင်းမႆ ဢၢၼ်ႇႁူဝ်ပၢၵ်ႇႁဵတ်းၵၢၼ်ဢမ်ႇလႆႈငိုၼ်းၵႃႈၸၢင်ႈ ယၢပ်ႇၽိုတ်ႇ ၵၢၼ်ႁႃၵိၼ်လဵင်ႉတွင်ႉ တႃႇယူႇသဝ်းၵိၼ်သၢင်ႈ ။

မိူဝ်ႈဝၼ်းတီႈ 22/01/2016 ၸဝ်ႈၼႃႈတီႈ ၵဝ်ႉငဝ်ႈပူၵ်းပွင်သုၼ်ႇလႆႈၵူၼ်း HRDF ဢွၼ်ဢဝ် ၸဝ်ႈၼႃႈတီႈၾၢႆႇတူၺ်းလွမ် ႁႅင်းၵၢၼ်ၸိုင်ႈထႆး ၵႂႃႇႁူပ်ႉထူပ်းႁႅင်းၵၢၼ်တႆးၸိူဝ်း ႁဵတ်းၵၢၼ်ဢမ်ႇ လႆႈငိုၼ်း တီႈပွၵ်ႉသၼ်ၽီသိူဝ်ႈ ဝဵင်းၵဵင်းမႆႇ ၸိုင်ႈထႆး ။


ၸၢႆးၵွင်း ၸဝ်ႈၼႃႈတီႈ ၵဝ်ႉငဝ်ႈပူၵ်းပွင်သုၼ်ႇလႆႈၵူၼ်း လၢတ်ႈဝႃႈ - ႁႅင်းၵၢၼ်ဢၼ်ဢမ်ႇလႆႈႁပ်ႉ ၵႃႈၸၢင်ႈ မီႈမွၵ်ႈ 300 ၵေႃႉပၢႆ ၼိုင်ႈၼႃႈႁိူၼ်းဢၼ်ထုၵ်ႇလႆႈငိုၼ်း တီႈဢေႇသုတ်း 4,000 – 5,000 ၿၢတ်ႇၼမ်သုတ်း 10,000 - 40,000 ၿၢတ်ႇ ။ ပဵၼ်ၵူၼ်းႁဵတ်းၵၢၼ်ၵေႃႇသၢင်ႈ မီးပီႈၼွင်ႉ တႆး ၊ လွႆ ၊ ပဢူဝ်း ၊ ၸိူဝ်းၼႆႉ ထႆးၼင်ႇၵၼ်ဢမ်ႇလႆႈၵေႃႈမီး 20 ၵေႃႉပၢႆ ” ။


ဝၼ်းတီႈ 27/02/2016 ၼႆႉၾၢႆႇၸွႆႈထႅမ်လႄႈႁႅင်းၵၢၼ် ႁူပ်ႉထူပ်းၸဝ်ႈၼႃႈတီႈ တီႈလုမ်းၾၢႆႇၽွင်းငမ်း ၸႄႈတွၼ်ႈၵဵင်းမႆႇ ( သႃႊလႃႊၵၢင် ) ၵဵင်းမႆႇ ႁႂ်ႈပေႃႈလဵင်ႉ လႄႈ လုၵ်ႈၸၢင်ႈ သွင်ၾၢႆႇပေႃး လႆႈဢုပ်ႇၵၼ် ” ဝႃႈၼႆ ။


ႁႅင်းၵၢၼ်ၵူႈၵေႃႉ ပေႃးတေၵႂႃႇႁဵတ်းၵၢၼ်တီႈလႂ်သေ ဢမ်ႇဝႃႈ တၵ်းလႆႈလဵပ်ႈႁဵၼ်းလွင်ႈၶေႃႈမုလ်း ပေႃႈလဵင်ႉ ၊ မႄႈလဵင်ႉ ၊ ပိုၼ်ႉတီႈ လႄႈတႅမ်ႈမၢႆဝႆႉဝၼ်းႁဵတ်းၵၢၼ်ႁဝ်းၼၼ်ႉၵူႈဝၼ်း ပေႃးမီး ပၼ်ႁႃမႃး ႁႂ်ႈၸၢင်းပဵၼ်လၵ်းထၢၼ်လၢတ်ႈလႆႈ ” ၸၢႆၵွင်း သိုပ်ႇလၢတ်ႈၼႄ ၸုမ်းၶၢဝ်ႇ ၽူႈတွႆႇႁွၵ်ႈၼင်ႇၼႆ ။


ၸၢႆးလဵၵ်ႉ ႁႅင်းၵၢၼ်ၸၢဝ်းတႆး လၢတ်ႈဝႃႈ - ႁဝ်းၶႃႈၼႆႉမႃးႁဵတ်းၵၢၼ်မိူင်းထႆး သိုဝ်ႉၵိၼ် ၊ သိုဝ်ႉယူႇ လဵင်ႉလုၵ်ႈ မၢင်ၸိူဝ်းၵေႃႈၽွၼ်ႇရူတ်ႉ ၊ မၢင်ၸိူဝ်းမီလုၵ်ႉလဵၵ်ႉ ပႂ်ႉၵိၼ်ၵေႃႉလဵဝ် ႁဝ်းၵေႃႈၸႂ်ယႂ်ႇငိုၼ်း ၵႃႈႁႅင်းဢၼ်ႁဝ်းၶႃႈႁဵတ်းၵၢၼ် ပေႃႈဝႃႈဢမ်ႇလႆႈငိုၼ်းၵႃႈၸၢင်ႈ ယဝ်ႉၼႆၸိုင်ယၢပ်ႇၽိုပ်ႇ ၵိၼ်းၸႂ် တႄႉၶႃႈ မၢင်းၸိူဝ်းၵေႃႈပိူၼ်ႈယႃႉပႅတ်ႈၶႅမ်ႉဢမ်ႇမီးတီႈယူႇ ၊ ၵၢၼ်ၵေႃႈဢမ်ႇလႆႈႁဵတ်း ၊ ငိုၼ်းၵေႃႈဢမ်ႇလႆႈတုၵ်ႉၶႃႈယၢပ်ႇၽိုပ်ႇတႄႉတႄႉၶႃႈ ။


တီႈၵဵင်းမႆႇၼႆႉမီးႁႅင်းၵၢၼ်ယၢၼ်မိူင်းဢၼ်လုၵ်ႉ မိူင်းမၢၼ်ႈ ၊ လၢဝ်း ၊ ၶႅမ်ႊပေႃႊတီႊယိူဝ်ႊ မႃးယူႇသဝ်းႁဵတ်းၵၢၼ်ႁႃလဵင်ႉတွင်ႉတင်းၼမ် ပီႈၼွင်ႉတႆးဢၼ်မႃးႁဵတ်းၵၢၼ်ၼႂ်းမိူင်း ထႆးၼႆႉၵေႃႈမီဢၢၼ်ႁူဝ်သႅၼ် ။