ၼၢင်းၼၢင်းငမ်း (ၼၢင်းလဝ်း) ၸႄႈဝဵင်းၵဵင်းတုင် ၶႄႉၶႅင်ႇၶတ်းလိူၵ်ႈၵမ်းလိုၼ်း 3 ၵေႃႉ ၼႂ်းၼၼ်ႉ တႃႇသွင်ၵေႃႉ ပဵၼ်တႆး ၊ တႃႇၵေႃႉၼိုင်ႈသမ်ႉ ပဵၼ်မၢၼ်ႈ ။

ဝၼ်းတီႈ 24/01/2016 ၶၢဝ်းယၢမ်း 17:00-22:00 မူင်း ပၢင်ၶႄႉၶႅင်ႇ ၼၢင်းငမ်း (ၼၢင်းလဝ်း) ၸတ်းႁဵတ်းတီႈ ႁူင်းႁေႃးလ် ၸႄႈဝဵင်းၵဵင်းတုင် ၸိုင်ႈတႆး ပွတ်းဢွၵ်ႇၶူင်း ၼၢင်းငမ်း ဢၼ်လႆႈတီႈၼိုင်ႈ သမ်ႉပဵၼ်မၢၼ်ႈ ၼၢင်းၶျွင်းလႄႇဢဵင်ႇ၊ တီႈသွင်ၼၢင်းမူၺ်ႁွမ်လႄႈ တီႈသၢမ်ၼၢင်းၸူႇလၢႆႇထုၼ်း ပဵၼ်တႆး ။


ၼၢင်းသီႁွမ် ၼၢင်းငမ်း မၢႆတူဝ် 11 ၼၼ်ႉ လၢတ်ႈဝႃႈ ႁဵတ်းၵေႃႈႁဵတ်းတဵမ်တီႈယဝ်ႉ ၊ ၵမ်းၼႆႉ ဢမ်ႇလႆႈၶဝ်ႈပႃးၵေႃႈ ၵမ်းတေမႃး တေၶတ်းၸႂ်ထႅင်ႈ ၊ ဢၼ်လႆႈၶဝ်ႈၶႄႉၶႅင်ႇ ၼၢင်းငမ်းၼႆႉ ပွၵ်ႈၵမ်းၼိုင်ႈ တေလႆႈဝႃႈ ပဵၼ်ပွၵ်ႈၵမ်းဢွၼ်ႇတၢင်းသုတ်း တွၼ်ႈတႃႇၶႃႈ ၼႂ်း ပီ 2016 ဝႃႈၼႆ ။


ၸၢႆးဝုၼ်းတိပ်ႉ ၽူႈၶဝ်ႈၶွမ်ႊမတီႊပၢင်ၶႄႉၶႅင်ႇၼၢင်းငၢမ်း လၢတ်ႈဝႃႈ တေႃႈလဵဝ် ၼၢင်းငၢမ်း ၼႂ်း 18 ၵေႃႉၼၼ်ႉ ႁဝ်းၶႃႈ လႆႈၶတ်းလိူၵ်ႈဝႆႉ တႃႇ10 ၵေႃႉ ၊ ၼႂ်း 10 ၵေႃႉၼၼ်ႉ တႃႇတေၶႄႉၶႅင်ႇၵၼ် တင်းၸႄႈတွၼ်ႈတႃႈၶီႈလဵၵ်း သွင်ၸႄႈဝဵင်းၼႆႉ တေၶတ်းလိူၵ်ႈဢွၵ်ႇမႃး ၼၢင်းငမ်း ထႅင်ႈၼိုင်ႈၵေႃႉ ၼႂ်း 1 ၵေႃႉၼၼ်ႉ တေပဵၼ်တူဝ်တႅၼ်း ၸိုင်ႈတႆး ပွတ်းဢွၵ်ႇၶူင်း တႃႇၶဝ်ႈလိူၵ်ႈၸၼ်ႉမိူင်းႁူမ်ႈတုမ် ဝႃႈၼႆ ။


ၼၢင်းငမ်း ဢၼ်လႆႈၸတ်းႁဵတ်းၼႂ်းၸႄႈဝဵင်းၵဵင်းတုင်ၼႆႉ တင်းမူတ်း ၼၢင်းငမ်း ၶဝ်ႈၶႄႉၶႅင်ႇမီး 18 ၵေႃႉ ၼႂ်း 18 ၵေႃႉၼၼ်ႉ ၶတ်းလိူၵ်ႈဢွၵ်ႇမႃးထႅင်ႈ 10 ၵေႃႉ ၊ ၼႂ်း 10 ၵေႃႉၼၼ်ႉ သမ်ႉၶတ်းလိူၵ်ႈ ဢွၵ်ႇမႃးထႅင်ႈ 5 ၵေႃႉ ၊ ၼႂ်း 5 ၵေႃႉသမ်ႉ ၶတ်းလိူၵ်ႈဢွၵ်ႇမႃး 3 ၵေႃႉ ၊ ၼႂ်း 3 ၵေႃႉၼၼ်ႉ သမ်ႉၶတ်းလိူၵ်ႈပဵၼ်မႃး ရၢင်းသလ်း (သူး) တီႈၼိုင်ႈ ၊ တီႈသွင်လႄႈ တီႈသၢမ် ၼႂ်းၸႄႈဝဵင်းၵဵင်းတုင် ။